جلس عصام فوق الفوطوي كيحك لحيتو غير بشوي و نضراتو مفهومينش...جلس حداه سمير حشمان بحالي جايين يخطبوه...سمير كيهز تريكو من جيهت صدرو جاه صهد و كيعرق بغزارة و بزز باش حرك لسانو ونطق ...
سمير : خويا عصام وقعات شي حاجة ...
عصام حط صبعو على جبهتو وشار بعنيه لهاجر لي فالكوزينة : هي لي بغات تجي تشوفك ....
سمير حرك راسو بحال شي طفل صغير وسكت تا خرجات عندو هاجر وحاتم تباعها من لور ...
هاجر طلات عليهم مكمشة حجبانها : سمير واش كان معاك شي حد ....
سمير قلبو وقف بالخلعة حرك راسو بجهد : لا علاش...
هاجر : حيت بانو لي جوج كيسان ديال القهوى ومزال سخان قلت واقلة كان معاك شي حد ....
سمير قطع الحس ودار شاف فعصام لي هبط حاجب و طلع لخر وتبسم بجنب جاب لسمير لموت ديال بصح ...
عصام بنضرات غير مفهومة : الولد خاص نزوجوه ..
سمير لونو تخطف بينما هاجر ضحكات من نيتها ...
هاجر : أصلا موجدة ليه عروسة خاص غير تعجبو ...
بدات تحط فطبلة كاع لفطور لي جابت معاها كلشي قداتو فطبسيل مع سينية ديال اتاي و عيطات عليهم يجلسو فطبلة ديال الاكل ...حيد عصام لفيستة ديالو رماها فوق صداري وهز كمام ديال قامجة ديالو ..جر لكرسي جلس و متبع نضرات سمير لي كل مرة كيمشيو لبيت نعاس وكيف عادتو صمت غير عنيه لي كيقراو المحيط ديالو بهدوء ...
هاجر جلسات كضحك : كيف جاتك المفاجئة ...
سمير ضحك ضحكة صفرة : زوينة شحال ما فطرت فطور ديال دار ...
هاجر شافت فعصام بنص عنيها : شفتي قلت ليك ايعجبو الحال ..
سمير حاول يتلف بالهضرة : وقتاش اديرو الخطبة ....
عصام : غدا ...
هاجر خرجات عنيها فيه : كفاش غدا وانا ما موجدة والو تا لحوايج ما شريتهمش ....
عصام : انا غادي نجيب ليك كلشي معايا ....
هاجر ربعات يديها لصدرها : لا اخويا انا بغيت العرس و الخطبة تكون على حقها ونختار حوايج على دوقي .....
حاتم كيشوف فيهم بدون فهم : نتوما شمن عرس كدويو عليه ....
سمير شار بصبعو لهاجر و عصام : باباك و ماماك ايعاودو يديرو العرس ....
حاتم كمش حجبانو : علاش ؟؟..
هاجر : حيت بغيت تا انا نفرح براسي ونعرف راني بصح مزوجة حيت كيجيب ليا الله بحالي مصاحبة براجل عندو ولد....
عصام سكت مدواش وحاتم ما فهمش كلامها بينما سمير باغي يهرب من بلاصتو.... شافت ملامح عصام تغيرو عاد ستوعبات كلامها بغات تهضر وهو يجمع الوقفة...هز فيستة ديالو وشد ليها فيديها وقفها معاه وشار بصبعو لسمير ...
عصام : خلي معاك حاتم ....
جرها معاه معطهاش وقت فين تدوي ولا تسولو فين غادي بيها كان فقط شابك صباعو مع صباعها و كيتمشى بزربة حتى شافها كتجري باش تناسب خطواتو عاد خفف فالمشية ديالو .
"تتبع"....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
