"عشقي له روايه ،لكنني لن أروي لكم تفاصيل هذه الحكايه سأكتفي بجملتين فقط ، أنني عشقتهُ منذ البدايه وأنني سأحبهُ حتى النهايه .."
بعيونها لي فيهم توتر واضح كتهزهم فشخص لي واقف بعيد منها بخطوات قليلة..عاطي ضهرو العريض ليها ومغمض عينو و البرد كيضرب فيه كيبرد دوك الاعصاب لي شادينه في الاخير كتبقى مريضة مبغاش يدير شرع يدو معاها...
توترات كثر في الصمت المطبق لي علنو عصام وخلاها تستغرب اكتر في تصرفاتو ..دورات راسها لحاتم لي جالس حداها كيقلب فتليفون ديالو...
هاجر بصوت خافت : مال باباك ساكت هكذا...
حاتم هز راسو شاف فباباه و رجع شاف فيها : سيري سوليه؟؟...
هاجر صغرات عنيها : ولا غوت عليا وضربني حيت باين معصب...
حاتم: متخافيش ياك غير بابا ميحطش يدو عليك وخا ديري ليه لي درتي مكيدويش....
هاجر هزات حجبانها : اواه وخا ندير لي درت ما يقيصنيش زعمة...
حاتم رجع عينو لتليفونو: اصلا مزال عاقل من كنا فالمانيا كنتي ديما كديري ليه المشاكل و صداع لكن عمرو ضربك ولا غوت عليك غير سيري عندو...
هاجر جمعات الوقفة : زيد معايا تا نتا تا لنهض فيا يشركنا بجوج...
هاجر حركات راسها بفهم ..شوي وهي تكوانسة وعنيها خارجين من طلعات معاها كلمة "سبع": نتا واش كدوي على سبع نيت 😳 ولا كلب مسميه سبع...
حاتم بلا ما يزيد يشرح ليها هز تليفون وراها تصاور ديال جاز خلاها غير كترمش ما عرفات ما تقول لسانها تلوى باش تقدر تنطق حرف..بينما هو هبط من لكرسي ومشا لبيت ديالو بحكم هادي ابارطمو ديال عصام وشحال من مرة كيجيو ليها يبقاو غير مع بضياتهم ياخدو راحتهم بتلاتة من كانو مجموعين قبل ما يوقع طلاق....
خلاها غير كتحك فراسها، ولا هاد لولد كيخلعها كل مرة جايب ليها حاجة جديدة ..ما عرفات واش عصام لي معلمو هادشي ولا هو بوحدو لي كيجيب هادشي... حدرات راسها وقربات عند عصام لي لعن صمت من دخلو لشقة..وقفات حداه وتكات على لحديدة ديال لباركو لي متكي عليها تا هو...
دورات عنيها ليه ساهية فنصف وجهو لي باين ليها وتقاسيمو المبهورة وبعض شعيرات البيضاء مخلطة مع شعيرات زعراء نازلين على جبهتو شي لي عطاه مضهر مهيب وناضج بزاف ..هبطات عينها على طول جسدو المفتول و العريض لي كتبان قدامو قد نملة و طولو الفارغ لي خاصها تهز راسها باش تقدر تشوف فيه...لأول مرة كتشوف داك فارق السن لي بيناتهم كاتشوف راسها برهوشة امام رجل عاش فدنيا كتر منها...ولو انها تعيا ما تفكر و تحلل مكتلقاش جواب على تساؤلها "كفاش شخص بحالو قدر يبغيني بهاد شكل "..هاد سؤال لي رجع مرة اخرى فذاكرتها شي لي خلاها تنحنح بصوت ضعيف وتسولو هاد سؤال بدون ما تحشم منو فالاخير كيبقى راجلها و ديالها وهو باين كيبغيها و بيناتهم ولد اذا علاش اتحشم...
هاجر بصوت حنين وعنيها كيبريو نطقات اسمو وطولاتها : عصاااام...
عصام دور يدو على شعرو: علاش ما علمتي تا حد من بغيتي تمشي عند حاتم...
هاجر: حيت مكنتش معولة نتعطل و الله راه هما لي شدوني بالهضرة ...
عصام حط يدو على دراعها وقربها ليه تكاها على صدرو : سمعي ا هاجر هاد الهضرة منعودهاش اي بلاصة بغيتي تمشي ليها خاصك تقوليها ليا ...متخرجيش بلا خباري ومتخلينيش نتصرف معاك بشكل مغاديش يعجبك ...
هاجر بدون وعي قالت : ماشي مشكل اصلا نتا كتعجبني فكل حالاتك وخا تخياب اتبقى زوين فعيني فغير كون هاني من هاد ناحية وتصرف كيف بغيتي معايا كلشي مقبول منك...
