رغم انه حاول ما يفورصيش عليها فالممارسة لكن ما عرفش راسو تا زرب عليها هاد زربة ..هي بوحدها لي كتخرجو على طوعو و تخليه يدير شي حوايج مضاربش ليهم لحساب..ومكانش اصلا معول يقيصها تا يدير ليها لعرس كيف تمنات و بغات لكن فور ما وقفات قدامو بديك لبسة خلات ديك رغبة لي كابحها تخرج لوجود بحال شي اعصار هائج معندوش القوة الكافية باش يسيطر عليها مزال ...
خاشيها فحضنو وهي كتنخصص بجهد وجسدها كيتهز ورجليها فين حطهم بقاو فاشلة ومعندهاش القوة لي تهز صبع واحد....هبط راسو ليها وهو يتخلع من شاف وجها حمر و عنيها مبتالين بدموع ومنفوخين ولات حالتها حالة صفرة ريحت دم ما بينش فيها ....
بزربة هزها من لفراش ودخلها لدوش وجسدها كيتهز بغا يحطها فالبانيو وهي لصقات فيه بحال بنية صغيرة صباعها مخشين فلحمها وراسها كتزيد دخلو فصدرو كثر ...ما عرف ما يدير تلف فحالتها وخاف عليه بزاف بانت ليه رشاشة وهو يدخل تحتها وهي بين يديه طلق لما عليهم بجوج وهي كتشبت بيه قفزها بالما لي كينزل على جسدها ...
هاجر : ااايييييي اهئ هئ اننننن...
تقجات و بدات كتكحب بجهد وعنيها خارجين ..
عصام بخوف: تقياي اتحسي براحة ....
هاجر كتبعد راسها بغاتو يحطها وهو عاد كيزيد يزير عليها وهي فاشلة ..
هاجر: امممم...
عصام بدون ما يعاود كلامو خشا ليها صبعو في فمها حتى بدات كتشهق وردات كلشي كاع داكشي لي كلاتو رداتو حتى ما بقى والو وخا هكاك معدتها كتشنج وكترد غير لفراغ حتى تجرحات ليها لمعدة و ولات كتقيا لما مخلط مع دم ...
عصام غير شاف دم كفر ولونها لي تبدل زاد طير ليه لعقل...بزربة شللها وخرجها حطها فوق ناموسية ولوا عليها ليزار ..هز كاس لما شربو ليها بشوي و صخفة مزال شداها...
طار لماريو كينهج لبس سروال وشورط وهز ساروت خرج كيجري ركب فسيارة ديالو كيضور بحال لحمق على شي صيدلية ...بريق ناشف عاد باش لقى وحدة حالة..دخل عندهم خبرهم لحالة ديالها بعيد على ذكر الممارسة...
مد ليه صيدلي كينة مع سيرو وقويلبات : هاد لكينة تشربها غدا مع صباح تحيد ليها صخفة وهاد سيرو ديال قرحة المعدة عطيها معلقة دابا باش ترتاح ...."مد ليه قويلبات".... هدا ديرو لجاتها سخانة فليل....
هز كلشي وخلص و خرج ركب ورجع طاير كيقشر فشفاه ديالو بجهد معصب ...
دخل عندها لبيت لقاها مزال كيف خلاها ولونها بدا كيرجع شوي..حط يدو على جبهتها لقاها سخونة ..دور يدو على ضهرها وهزها عندو تكاها على صدرو وكيضرب ليها خدودها حتى حلات عنيها فاشلة مسكينة بقات فيه. وندماتو كيف عادتها..
#تتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
