سمير باغي غير يتفك عطاه لي بغا باش يلهيه و بزربة دخل لبيت سد عليه وجبد ساروت مشا لماريو حلو وبزربة شدها بين يديه من شافها طايحة بدون قوة ..هز ليها راسها لعندو مخلوع وهي حالة عنيها نصف حلة ...
سمير بخوف : مالكي واش كضرك شي حاجة ....
اريج خشات راسها فصدرو فاشلة و بزز باش كتهضر : ما عرفتش من سديتي عليا شدني نعاس و دوخة ....
سمير هزها عندو دور ليها رجليها على خصرو وجلس هو وياها فوق ناموسية و يدو كتلعب فضهرها و فدارعها بحالي كيدير ليها مساج و كيهضر بصوت خافت ....
خلعاتو عليها ..حطها حداه فوق ناموسية وجمع الوقفة خرج كيطل بان ليه حاتم كيهضر مع صحابو وهو يتوجه لكوزينة خدا قرعة ديال لما و اسبرين ديال راس وكاطو من داكشي لي جابت هاجر ...دخل كلشي معاه وسد لباب بساروت ...
حط كلشي فوق لمجر وجلس حداها ودر يدو على ضهرها تكاها على صدرو كيلمس ليها خدها و كيشربها لما بشوي وهي بين يدو بحال شي بنية صغيرة و مطيعة ..غير من حالتها عرف انو الاكسجين نقص ليها وهادشي لي خلا راسها يضرها ...
سمير : بان لي عصام عاق اني نعست مع شي وحدة ولكن منضنش انه عرفك نتي ....
اريج : ولكن انا ما نعستش معاك..."خرجات عتيها فيه "...حنااان...
سمير حط يدو على فمها : ششش حاتم ايسمعك و شحال من مرة وانا كنأكد ليك ما وقع بيني و بينها والو ...
اريج : وعلاش جات عندك....
سمير تنهد بجهد : كان شي عرس هنا ديال العائلة ومن عيات جات باتت عندي فدار ...
اريج : علاش نتا عندك وطيل هنا وهي عارفاك ساكن غير بوحدك شنو بغات منك....
سمير دور يدو على شعرو ما عرف منين يطفيها : لي وقع راني قلتو ليك وشي حاجة خرا غير حيديها من بالك....
اريج الغيرة بغات تقتلها : شوف تا نتا داكشي لي فراسك غير حيدو هادي اتولي داري وانا مكنحملش ديك دخل و خرج وديك سبة ديال لبيات تمشي طنز عليهم على واحد اخر ماشي عليا ....
#تتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
