Unicode
လင်းရှီသူ့ရဲ့မေးခွန်းကို ဖြေမလို့ ပါးစပ်ဟတုန်းရှိသေးတယ် ရှုဖေးက သူမကိုကျော်ပြီး တွေ့ဆုံခန်းအပေါက်ဝကို ကြည့်ကာ ရုတ်တရက်ထရပ်လိုက်သည်။
"ဘော့စ်ဂူ"
"!"
ဘော့စ်ဂူ! ဂူရှောင်း
သူမနည်းနည်း shockရသွားပြီး သူမထိုင်တဲ့နေရာမှာတင် ရင်တုန်လာကာ သူမနောက်ကို လှည့်ကြည့်လိုက်သည်။
.......
သူမနောက်ကိုလှည့်လိုက်တာနဲ့ တွေ့ဆုံခန်းလေးထဲကို ဝင်လာတဲ့လူတစ်ယောက်ကို တွေ့လိုက်ရသည်။
သူက အရမ်းအရပ်ရှည်တာပဲ။ ဆောင်းပါးထဲက ပုံထက်တောင် ပိုရှည်တယ်။ ပြီးတော့ သူမတွေးထားတာထက်ကို ပိုအရပ်ရှည်သေးတယ်။
သူက အလွန်ငယ်သေးတဲ့ပုံလည်းပေါ်တယ်။ လင်းရှီက ဒီနှစ်မှ ဂူရှောင်းက 37ပဲရှိသေးတယ်လို့ သူမဖတ်လိုက်ရတာကို သတိရသွားသည်။
သူက အေးစက်စက်ပုံစံကြီးပဲ။ ဒါပေမယ့် အဲ့တာက လင်းရိဇယ်ကလာတဲ့ ကြက်သီးထ ကြောက်စရာကောင်းတဲ့အေးစက်မှုနဲ့ မတူဘူး။ သူမရှေ့က လူကနေလာတဲ့ အေးစက်မှုက အဆင့်တန်းမြင့်တဲ့ တစ်ယောက်ယောက်ဆီက အရာမျိုးနဲ့ ပိုဆင်တယ်။ သူက အေးစက်ပြီး သြဇာကြီးတဲ့ အော်ရာကို တုတ်လွှတ်နေတယ်။
သူ့ရှေ့က လူတစ်ယောက်ကို ခေါင်းငုံသွားစေသလိုမျိုး။
ဒါပေမယ့် လင်းရှီက အဲ့လိုမျိုး မလုပ်ခဲ့ပါဘူး။ သူမက ခေါင်းကို ဆက်ခနဲထောင်ပြီး သူမရှေ့ကလူကို တောက်ပတဲ့မျက်လုံးတွေနဲ့ ကြည့်နေလိုက်သည်။ သူမရဲ့နှုတ်ခမ်းတွေက အထိန်းချုပ်မဲ့စွာ အပေါ်ကို ကွေးတက်သွားရသည်။
----သူမနောက်ဆုံးတော့ သူမဘာလို့ လင်းအန်ရှင်းထက် ပိုဆွဲဆောင်မှုရှိတာလဲဆိုတာ သဘောပေါက်သွားသည်။
လင်းအန်ရှင်းက သူတို့အမေနဲ့တူတယ်။ စုန်ခယ်ရှင်းက ဆွဲဆောင်မှုရှိတဲ့ အလှလေးတော့မဟုတ်ဘူး။ အပ်ကြောင်းထပ် အချစ်ဝတ္ထုထဲက ချစ်စရာကောင်းပြီး စင်ကြယ်တဲ့ပုံစံမျိုးလေး။
လင်းရှီရဲ့ ပုံပန်းသဏ္ဍာန် အများစုက ဂူရှောင်းဆီကနေ ရလာတယ်ဆိုတာ ထင်ရှားပါတယ်။
YOU ARE READING
အဖေ့ကိုသွားရှာဖို့ငါဆုံးဖြတ်လိုက်ပြီ
Teen FictionStory is available in both unicode and zawgi.This is not my own creation. I'm just having fun translation. I give full credit to original author and Eng translator.
