ISHQBAAZ

part:- 99

At rai Bareli

Gauri aur Verma gao ke sarpanch ke pass Jane lagte hai....

Verma jaha se bhi gujar Raha tha waha ke aas paas le log aur khaskar ki auratien bade hi gor se usse dekh Rahi thi....Verma ko ye dekh kar bada ajeeb lag raha tha

Tabhi ek aurat jo apne Ghar ke chokhat par baithi chawal saaf kar rahi thi puchh leti hai...

Aurat:- arey guari bitiya..... Ee kinko le aayi sath mein?

Gauri:- arey Tai ji.... Ee sehar se aaye hai.... Gao ke sarpanch se milna chahte hai toh hum wahi le jaa rahe hai....

Aurat:- thik hai thik hai.... Dhayan se Jana dono Jani...

Gauri:- ji Tai ji...

Aise hi chalta raha hai..... Verma aur gauri jaha se bhi jate waha pr koi na koi unse jarur puchh leta.....

Verma:- tumhe kya pura gao janta hai?

Gauri:- aur nhi toh kaa.... Hume sab jante hai aur bohot pyaar krte hai...

Verma:- dikh raha hai...

Gauri:- arey ee leyo... Hum toh apse apka naam puchna hi bhul gye....ka naam hai apka?

Verma:- tum kya krogi jaankar?

Gauri:- naam puchhkar ka kar skta hai koi? Hum bas dosti ka hath badha rahe Thai...

Verma:- akshit Verma.... Pr tum mujhe Verma kehkar hi bulana

Gauri:- han han Verma ji

Aur kuch dur aur chalne ke baad dono gauri ke bade papa yani ki sarpanch ji ke yaha pohch jate hai.... Gauri waise joint family mein hi rehti hai iska matlab ye tha ki bagal se juda hua Ghar gauri ka tha..... Gauri ko dekhkar ek 50-55 saal ki aurat waha aajati hai... Aur gauri ka kaan kheechte hue bolti hai

???:- kyu ri.... Beyha hone wala hai na tera? Aur fir bhi eehan se oohan ghum Rahi hai? Chal jakar ghar mein baith.... Ek hafte ka bhi thik se tem na bacha hai aur isko ghumne se fursat mile tab na...

Verma ye dekhta hai toh apni hassi ko rokte hue idher udher dekhne lagta hai

Gauri:- ahh!! Amma.... Chhodo hume... Kaa kar Rahi ho

Tabhi gauri ki maa ka dhayan side mein khade Verma pr jati hai Jo suit pehnkar kala chashma lagaye pocket mein hath Dale khada tha....gauri ka kaan chhodte hue uski maa bolti hai

Maa:- je kon hai gauri?

Gauri apne kaan ko sehlate hue bolti hai...

Gauri:- sehar se aayein hai bade papa se Milne...

Maa:- acha.... Aao aao babua ander aao bahar kahe khade ho aao...

Gauri ki maa Verma ko ander aane ke liye bolti hai aur Ghar ke ander angan mein le jaati hai...

Ghar ke ander ghuste hi gauri ki maa waha pr kaam kar rahi kuch ladkio ko bolti hai...

Maa:- jaldi se khaat bichao.... Aur sharbat lao ghar mein sehar se kehan aaye hai...

Ghar ke naukar Verma ke hath se uska bag le lete hai aur jabardasti sab usse angan mein le jakar khaat pr bitha dete hai...

Verma ko toh smjh hi nhi aa raha tha ki akhir kar uske sath ho kya raha hai aur usse iss situation mein react kaise krna chahiye...

Maa:- aur batao babua aane mein kono dikkat pareshani toh Naa hui?

Verma:- nhi aunty ji nhi hui...

Tabhi do ladkiya waha sharbat aur mithai le aate hai...