ဝေးလွင့်ပြီးသော အတိတ် (၂)

အခန်း ၂၁၆

အခန်း ၂၁၆။

အဓိပ္ပာယ်ပါသော အပြုံး

သူမသည် ထိုလူများ အလွယ်တကူ အလိမ်ခံရသည့် အတွက် ရယ်မောမိ၏။ ရို့ပင်း၏ အပေါစားဆန်သော လှည့်ကွက်များထဲ အလွယ်တကူ ကျရောက်သွားတော့သည်။

ရို့ပင်းက ရှင်းဟယ်၏ အပြုံးကို မှားယွင်း အကဲဖြတ်မိကာ လှောင်ပြုံးဖြင့် ထုတ်ဖော်ပြောလိုက်၏။

“ရှရှင်းဟယ် နာကျင်တယ်မလား။ ဟုတ်တယ်မလား။ အဆုံးမှာတော့ ငါနိုင်တယ်။ နင်ရှုံးသွားပြီ။ ငါနင့်ကို အနိုင်ယူခဲ့တာပဲ”

သူမသည် လွန်ခဲ့သည့် ရက်အနည်းငယ်က အဖြစ်အပျက်ကို အငြိုးအတေး ထားနေဆဲ ဖြစ်သည်။ ဓာတ်ခွဲခန်းထဲကနေ သူမကို မောင်းထုတ်ခြင်းက ရှရှင်းဟယ် သူမကို အနိုင်ယူခဲ့သည်ဟု ထင်ခဲ့သည်။ ရို့ပင်းက သူမကို သေချာပေါက် ပြသခဲ့၏။ အောင်ပွဲသည် သေချာပေါက် သူမ အပိုင် ဖြစ်သည်။

ရို့ပင်းက တိမ်တိုက်များပေါ် ရောက်နေပြီး ဖြစ်၏။ အကြောင်းမှာ လက်စားချေရန် အခွင့်အရေး မြန်မြန်ဆန်ဆန် ရောက်လာလိမ့်မည်ဟု မထင်ထားသောကြောင့် ဖြစ်သည်။

ထိုစဉ်က ရှင်းဟယ် သူမကို အရှက်ခွဲခဲ့သည်။ သူမက ဆယ်ဆ ပြန်ပေးမည် ဖြစ်၏။

ယခုက အခြေအနေ တစ်ရပ်သာ ရှိသည်။ နောက်ထပ် နိုင်ပွဲ တစ်ခုက ဓာတ်ခွဲခန်းထဲကို သူမ ပြန်သွားခွင့် ရတာပဲ ဖြစ်သည်။ သူမသည် ဓာတ်ခွဲခန်းထဲ၌ ရှင်းဟယ် အရှက်မရှိ ပေါ်လာလျှင် သူမကို အရှက်ခွဲရန် တွေဝေနေမှာ မဟုတ်ပေ။

ငှက်သားမွေးများကို တစ်စုတစ်စည်းတည်း စုစည်းကောင်း စုစည်းနိုင်ပေ၏။(တူရာစု) ထျန်းရှင်းနှင့်ရို့ပင်းတို့က အကောင်းဆုံး သူငယ်ချင်းများ ဖြစ်ရာ သူမ၏ အကောင်းဆုံး သူငယ်ချင်းက သူမစိတ်ထဲ ရှိသည့် စကားကိုသာ ပြောခြင်း ဖြစ်သည်။

ထျန်းရှင်းက ရှင်းဟယ်ကို လှောင်ပြုံးဖြင့် ပြောလိုက်၏။

“ရှင်းဟယ် အခု ရို့ပင်းက ဒီဇိုင်းပြီးသွားပြီ။ ဓာတ်ခွဲခန်းကို ပြန်လာပိုင်ခွင့် ရှိသွားပြီးပြီ။ နင်သူ့ကို မောင်းထုတ်တဲ့ အချိန်တုန်းက ဒီလိုဖြစ်လာလိမ့်မယ်ဆိုတာ မထင်ထားခဲ့ဘူးဆိုတာ ငါလောင်းရဲတယ်။ ဒါကြောင့် ငါတို့ကို စာအုပ်က နှိမ့်နှိမ့်ချချ နေတတ်ဖို့ သင်ကြားပေးတာပဲ။ နင်တွေ့တဲ့ အတိုင်းပဲလေ။ အောက်ခြေကို အလွယ်တကူ ပစ်ထုတ်လိုက်နိုင်တယ်”