(((((( الكبيره ٢))))))))
#لولو_محمد
الحلقه ١٤٦
شاكر بيتكلم مع راجل
شاكر / اهم حاجه ... مفيش مخلوق يعرف اى حاجه عن الحوار ده و لا حتى صابر نفسه
الراجل / اكيد
شاكر / تمام ... هسيبك بقي و ارجع المربع بتاعى
الراجل / تمام يا سي شاكر
شاكر يروح يركب العربيه و يمشي يرجع ناحيه صابر
صابر / ما بدرى جاى على نفسك ليه ؟
شاكر / هو مالها القاعده ناشفه اوى كدا مفيش اكل و لا ايه انا جعان
صابر / اضرب لك اى فاكهه من الايسبوكس
شاكر / فاكهه ايه انا عاوز اكل انا جعان
راجل / افقش لك بيضتين يا سي شاكر
شاكر / يا ريت
الراجل يقوم
شاكر / بص بقي بسرعه قبل ما يرجع انا فى حاجه مهمه اوى عملتها و ما حدش يعرف عنها حاجه
صابر / خير عملت ايه ؟
شاكر / انا نقلت الدهب من المخزن اياه لمخزن تانى و ده العنوان الجديد
.....................
صابر / انت عبيط ؟! و جاى تديهونى انا ليه
صابر يقطع الورقه و يقوم يرميها فى النار الراجل يروح يحط الطاسه و رغيف عيش قدام شاكر
شاكر / تسلم ايدك تعال كل
الراجل / يدوم العز بس سبقتك من بدرى
شاكر / مش هتاكل يا صابر ؟!
صابر / مش جعان كل انت الف هنا
شاكر / طب تعال اقعد على الاقل افتح نفسي
صابر يبص له و يبص قدامه شاكر يعمل ساندوتش و يقوم يقف جنبه صابر يروح يقعد فى العربيه
شاكر / و انا هجرى وراك ما تخلينيش اهضم اللقمه بقي
شاكر يروح يركب جنبه
شاكر / اقسم بالله ان نزلت من العربيه يا صابر يا ابن وهدان القط لتشوف منى وش يفاجاك اترزع هنا
صابر / صوتك على
شاكر / محبه يا راجل مالك ما تبقاش قفوش كدا
صابر يبتسم
شاكر / مالك بقي ليه كل ده
صابر / انت كتر خيرك شيلت من على ضهرى شيله ما يعلم بيها الا ربنا كتر الف خيرك جاى ترميها على كتافى تانى ليه ؟
شاكر / عشان اللى ما تتسمى حطانى فى دماغها يا ابن عمى
صابر / قول لابوك لاخوك انا كرت و انحرق خلاص
شاكر / فشر دا انا لا ههدى و لا يرتاح لى بال الا اما اخد ثواب توفيق راسين فى الحلال
صابر / يونس كان هنا صحيح سأل عليك
أنت تقرأ
الكبيره ٢ بقلم / لولو_محمد
Humorالحرب لسه مستمره و الحقيقه مسيرها فى يوم تظهر النور و كل واحد لازم يختار طريقه
