الكبيره ٢ بقلم / لولو_محمد

الحلقه ١٤٩

((((((( الكبيره ٢ ))))))
#لولو_محمد
الحلقه ١٤٩
فى الجبل
الرجاله واقفين بيتكلموا كلهم تليفوناتهم ترن  كلو يطلع تليفوناته و يبصوا فيها و ملامحهم تتغير واحد منهم يجرى على خيمه قاعد فيها صابر و شاكر و كل واحد ماسك تليفونه يبصوا لبعض
الراجل/ شوفتوا اللى حصل كل الرجاله بره جات لها ... هى جت ليكوا انتوا كمان ؟! ... شكلكوا مش متفاجئين يعني ؟! هو الحوار ده بجد و انتوا كنتوا عارفين و لا ايه ؟!
شاكر / عدى على الرجاله و اتأكد أن كل واحد فى مكانه و انا بنفسي هعدى عليهم و اشرح لهم الموضوع بنفسي نفر نفر بس اهم حاجه ما حدش يتحرك من مكانه مهما حصل
الراجل/ يعني حقيقي ؟!
صابر / لا طبعا انت اتجنيت و لا ايه انت مش عارف انت بتقول ايه و لا ايه فوق
شاكر / اهدى يا صابر اهدى ... انا هطلع اتكلم معاهم
صابر / و انا هروح بنفسي اعدى على الرجاله
شاكر / خليك هادى زى ما اتعودت عليك تمام
شاكر يطبطب على صابر و يقوم ياخد الراجل و يطلعوا بره
صابر / مش هنخلص بقي مش هنخلص
صابر يقوم و يطلع بره
................
فى اوضه مغاورى
مغاورى / لو قال الحقيقه فضحونى و لو سترونى قتلوا اختى و عيالها
سماح تطبطب على كتف مغاورى
مغاورى / ما عادتش فارقه... الحى ابقى من الميت
سماح / تف من بقك ان شالله هم انت ازاى تقول كدا
مغاورى يبص لها و يبتسم بسخريه
مغاورى / ما انتى لو تقوليلى جايبه الأمل ده منين بس
سماح / قلب الأم يا مغاورى
مغاورى/ و قلب الأم ده ما اشتغلش بدرى شويه نلحقه من القرف ده ... مش غلطتك لا ... دى غلطتى انا كان قدامى طول الوقت كل حاجه كانت قدامى و كنت مغمى عيني عشان ما اشوفها
سماح / او كل حاجه كانت قدامك و المفروض انت ادرى الناس بابنك و بابن اختك اللى كل حاجه فى ايده كل حاجه فى ايد دياب و اخوه كل كاميرات المراقبه و التليفونات و كل حاجه حرفيا يقدروا يراقبوها و يلعبوا فيها عارفين نقط ضعفه و شغالين عليها عشان تبان اكتر و يبانوا هم ملايكه انت ليه مش قادر تشوف الحقيقه
مغاورى يطبطب على سماح
سماح / ابنك بريئ يا مغاورى اللى قتلوه بالحيا عايشين حياتهم واحده بتتفسح و التانى حقق حلم ما كانش عمره هيطوله ... بس هيروحوا من ربنا فين
مغاورى / بالظبط ... ربنا موجود و قادر على كل شئ
سماح / و ربنا قالك تقبل بالظلم و تقعد متكتف لحد ما يجيب لك حقك لما سيد الرجاله كلها يعمل كدا انا اعمل ايه ؟!
مغاورى/ سيد الرجاله راحت عليه خلاص ... لا هيعرف يرفع راسه وسط الناس تانى و لا هيقدر يفتح بقه مع اى حد
سماح / دا لو انت قبلت بالوضع ده و مغاورى الجارحى اللى اعرفه عمره ما يطاطى ابدا انت لا غلطت و لا اذنبت فى حاجه و لا عمرك قصرت مع اى حد و لا عليك غلطه واحده يا اخى دا لو لا سمح الله كان حقيقي و ابنك عمل كدا انت مش مسؤل عنه
مغاورى / ازاى يعني ازاى
سماح/ زى الناس هو ابن سيدنا نوح كان عاب ابوه مرات سيدنا لوط كانت عابت جوزها فرعون كان عاب سيدتنا اسيا كل واحد مسؤل عن نفسه و تاريخك كله و اللى عملته فى عمرك ما ينفعش تقبل يتمسح باستيكه
مغاورى / هو مش انتى برده اللى قولتى اسيب دياب يبقي الكبير و اتفرغ لك و نسند بعض
سماح / و كلامى ما اتغيرش هم أخدوك مننا طول السنين اللى فاتت لا انا و لا ابنك استمتعنا بيك و لا شبعنا منك بس شاهين كان بيهون عليا شوية شغلك طول الوقت و لخمتك فى حال البلد و الناس دلوقت ما عادليش غيرك انا ما غيرتش كلامى بس دا مش معناه انك تتكسر لا انا محتاجاك لسه محتاجه مغاورى جوزى اللى هيبته
مغاورى/ راحت يا سماح راحت
سماح / ابن السكرى النسوانجى بقي الكبير يا مغاورى
مغاورى / سماح
سماح / انت لا غلطت و لا فى حاجه تعيبك و ان كنت سبته يبقي الكبير فدا مش عشان انت ما عدتش تنفع تبقي الكبير لا سمح الله ابدا دا عشان هم ما يستاهلوش واحد زيك وسطهم فوق يا مغاورى و ما تسمحلهمش يقنعوك بالكلام ده
مغاورى / هم مين دول اللى بيقنعونى مفيش اى حد الا اما قالى نفس كلامك
سماح / بس مش من قلوبهم يا مغاورى اللى فى القلب بيتحس
مغاورى / حرام عليكي يا سماح
سماح / احنا هنسافر امتى
مغاورى/ قريب اوى اسبوع و لا اتنين بالكتير
سماح / حاول تنجز و صدقنى لما هتروح بيت ربنا هترجع واحد تانى خالص
مغاورى يهز راسه سماح تطبطب على كتفه
.........................
فى الشركه
جوزيف / عسل اوى الواد بتاع الانترنت كافيه ده بجد ضحكني موت
دياب / طب ما تشركني معاك يمكن افهم الكوميديا فى اللى حصل
جوزيف / اصل الكافيه بتاعه مليان ناس اللهم بارك و ساعه ذروه و طلاب جامعات و المكان مرشق كاميرات و كلها شغاله فله الا الكاميره اللى قدام الجهاز اللى طلعت منه الرساله
دياب / باقي الكاميرات شغاله يعني سهل نطلع كل اللى دخلوا المكان و اللى حتى عدوا من قدام الجهاز فى الوقت ده
جوزيف / ايوه بس سوفت وير صغير يخليك تتحكم فى الوقت اللى الرساله هتتبعت فيه بعد ما تكون مشيت من المكان
دياب / بس برده مش اى حد معاه داتا بكل أرقام رجاله البلد حتى فى الجبل
جوزيف / ما هو اللى نفذ مش شرط يكون مصدر المعلومه هو بس بينفذ
دياب / بس لازم يكون بيفهم فى التكنولوجيا
جوزيف / احنا فى سنه كام و لا فى انهى عصر هو فى حد ما بيفهمش فى التكنولوجيا دلوقت و اللى ما بيفهمش فى التكنولوجيا ده رايح انترنت كافيه يعمل ايه
دياب / يذاكر او يعمل مشروع مع صحابه مثلا دا كان فعلا وقت ذروه و المكان زحمه و مليان طلبه بتعمل ابحاث و مشاريع و تذاكر
جوزيف / انت هادى بشكل يقلق
دياب / مش عارف كنت مستنيها و لا انا نحست خلاص ما اتفاجئتش نهائى باللى حصل و عادى ايه يعني هو ان الناس تعرف هيكون اسوء من الموقف نفسه؟!
جوزيف / و دا برده راى منصور ؟!
دياب يتنهد
جوزيف / انت ما تعرفش وصلته و لا لا ؟!
دياب يهز راسه لا
جوزيف/ طب ما كلمتوش تعرف اى حاجه
دياب / مفيش اخبار دى معناها حاجه كويسه
جوزيف / طب ما تكلم همام و لا قاسم اللى اعرفه ان قاسم متولى تنظيم الدنيا هناك بحكم العلاقه بين احلام و ياسمينا يعنى
دياب / دى فكره مش وحشه ابدا ... هقوم اكلم همام اجس النبض و اشوف الدنيا هناك عامله ازاى
جوزيف يهز راسه دياب يقوم جوزيف يفكر بصوت و هو بيهرش فى شعره
جوزيف / ما هو لو ما عرفش هناك ما اكيد هيعرف لما يرجع يعني ... انا مش بفهم الناس دى
.....................
فى فيلا دياب
ماجده / انا مش عارفه اخره كل ده ايه بس
نجاه / طبيعي بتحاول تكسر هيبه دياب و تسوء صورته و سمعته
ماجده/ و ياسمينا ذنبها ايه فى كل ده دى حبيبتي ما بتفوقش عيالها دول ذنبهم ايه بس
نجاه / و عيالها مالهم بس بكل ده
ماجده/ ازاى يا نجاه الناس ما بتنساش يا بنتى ... انتى اصلك ما تعرفيش حاجه ... و هم نفسهم فاكرينى مش عارفه
ماجده تتنهد
نجاه / و اى كان يعني بقوا ايه فى الاخر واحد بقي كبير عيلته و التانى اشطر مهندس فى الدنيا و متجوز ملكه جمال العالم و مخلف عيال اللهم بارك عاوزين ايه تانى ... معقول فاكرين الدنيا دى ما فيهاش ابتلائات خالص كدا ؟! الحمد لله انها بتيجي فى حاجات بسيطه زى دى مش عيل و لا مرض و لا و لا و لا
ماجده / الف حمد و شكر ليك يا رب
نجاه / و مش عوزاكى تقلقي على ما يرجعوا بالسلامه يكون الموضوع ده اتقفل خالص
ماجده / على الله ... كلو على الله
...........................
فى السيرك
امايا قاعده بتتفرج على تسجيلات كاميرات مع البنات بنت تدخل
البنت/ ايمى ثوانى
امايا تبص لها و تروح لها
البنت/ البنات جاهزين و مستنين اذنك
امايا / هو انا مش قولت غيرت رايي فى الموضوع ده
البنت / يعني ايه ؟! دا ما كانش السيستم بتاعنا
امايا / انا فكرت ... ليه اقتلهم لما ممكن استغلهم
البنت / ازاى
امايا / هتعرفى كل حاجه فى وقتها بس صدقيني كدا كدا هيموتوا مسأله وقت مش اكتر
البنت تهز راسها امايا ترجع مكانها
..........................
فى اسكندريه
ياسمينا/ مالك
منصور يبص لها و يبتسم ياسمينا تطبطب على كتفه و تعدى ايديها لفوق و تحت
ياسمينا / ما تخليش حاجه تكسر فرحتك باخوك انت عارف هو تعب قد ايه و حلم بيها قد ايه
منصور يبتسم و يهز راسه
ياسمينا / ساعات بفكر لو ما كناش حبينا بعض و اتجوزنا حياتنا كانت هتبقي عامله ازاى ... حياتك كانت هتبقي عامله ازاى ؟! يا ترى كنت هتبقي حزين اوى كدا
منصور / اه ... عشان حياتى كانت هتبقي ممله اوى من غيرك مفيش اكشن مفيش دلع مفيش سكين كير و دى حاجه مش عارف حياتى ازاى كانت ماشيه من غيرها ... عندك انا مثلا الراجل الوحيد اللى بشرته صافيه تماما من غير ما حد يفكر فيه الدنيئه بصي كدا ناعمه صح
ياسمينا تعدى ايدها على خده و هى مبتسمه
منصور / ما تفكريش فى الكلام الاهبل ده تانى و انا مش حزين ... انا غضبان
منصور يضحك
منصور / فى حاجات ما بتتشرحش
ياسمينا / عدينا بكتير اوى سوا يا منصور و هنعدى من دى كمان طب دا دى حتى اخفهم يعني دى مجرد صوره هبله
منصور / المشكله مش فى الصوره يا ياسمينا و لا اللى سربها المشكله فى الناس نفسها الناس ما بتتغيرش بيقولوا مش فاكر كام واحد بتاع الفيديو لما امايا قالت قتلتهم باين ... الناس هى هى دلوقت
ياسمينا / لا مش هى هى الناس مش بتتبع عوراتي المرادى الناس جالهم خبر و بيتاكدوا منه و دا طبيعي ان جائكم فاسق بنبئ فتبينوا ده الصح
منصور يبص الناحيه التانيه تمسكه بحنيه من دقنه تخليه يبص لها
ياسمينا / لا انا و لا انت و لا دياب غلطنا و مش هندفع تمن اللى عمله شاهين حتى لو لحظه نكد واحده ... منصور انا برضع و الزعل غلط عليا و على النونو انت حر بقي
منصور / دا كلو الا انتى و النونو
ياسمينا / طب اتفضل خش اللبس و شوف هتفسحنا فين
منصور / حاضر
منصور يجي يمشي
ياسمينا / استنى هنا معدى كدا عادى انت مش ناسي حاجه و لا ايه
منصور يفكر ياسمينا تمد خدها يبتسم و يبوسها تبتسم
ياسمينا / عفونا عنك روح اللبس يلا
منصور يضحك و يمشي و هى متابعاه
.......................
فى فيلا دياب
نجاه / يعني ما عرفتوش مين اللى عمل كدا ؟!
دياب / للاسف لا بس جو راح المكان و كشف على الجهاز و طلع مخترق اصلا و حاليا بنتتبع المصدر بس ما اعتقدش هيوصلنا لحاجه الموضوع خلص من زمان
نجاه / هى صح ؟!
دياب / ممكن
نجاه / مش هتهدى
دياب/ طبيعي لو توقعنا غير كدا يبقي بنضحك على نفسنا
نجاه / و هنفضل ساكتين لامتى يا كبير الجوارحه
دياب / اوعى بتضربى تحت الحزام ؟! مش رجوله دى يا كوتش
نجاه / ربع روقانك
دياب / تقريبا من كتر الضرب نحست
نجاه / طب بعد اذنك مراعاه انها مراره يتيمه اللى عندى تقولى ناوين على ايه
دياب / ناويين نرجع الجبل دى رقم واحد و الباقي يأتى تباعا
نجاه / و انتوا بقي بتعملوا ايه عشان ترجعوا الجبل
دياب / سفارى
نجاه / افندم ؟!
دياب / اه و الله زى ما سمعتى كدا
نجاه / يا ابنى بقولك هى مراره واحده
دياب / طب اطلعى غيرى العبايه و اللبسي حاجه تنفع للجبل و انا اخدك افرجك
نجاه / هتودينى الجبل عادى كدا
دياب / جرا ايه يا بت انتى مع كبير الجوارحه
نجاه / لو ما كنتش عاوزه اروح بس كنت طلعته عليك و الله
دياب / ما انا عارف عشان كدا دايس
نجاه تكتم جواها و تطلع على الاوضه و دياب واقف بيضحك يطلع الموبايل
دياب / السلام عليكم ازيك انت فين ؟!
........................
فى الجبل
شاكر / اعتقد كدا المفروض ما نفتحش الموضوع تانى ابدا و لا ايه ؟!
راجل / و الله يا سي شاكر كدا كدا ما كانش هيتفتح بس كتر خيرك انك وضحت لى الصوره برده على الاقل لو حصل و حد اتكلم قدامى اصحح له الصوره
شاكر / حصل خير
صابر يدخل
صابر / شاكر ثوانى
شاكر يروح لصابر
صابر  / دياب هيجيب نجاه و جاى
شاكر / ماشي تنور هعيد توزيع الرجاله
صابر / ما فيش اى حاجه هتتغير اصلهم مش جايين لوحدهم
شاكر / استر يا رب
صابر / يونس اخد اذن الكبير انه يتكفل بتمرين نجاه و دياب مسؤل عنها الفتره دى
شاكر / لا مش فاهم حاجه امال جابر فين ؟
صابر / على ما فهمت ان نجاه قاعده فى بيت دياب عشان تاخد بالها من العيال مع خالتها على ما منصور و الجماعه يرجعوا من السفر
شاكر / و الله ما دام الكبير راضي يبقي امين و بعدين دياب دلوقت كبير الجوارحه يعني فى مقام الكبير برده و كلمته قانون انا بقي كشاكر ايه المطلوب منى بالظبط اعمله
صابر / تفضل معاهم ... انت اخر واحد معلم على يونس عاوزك تكررها
شاكر/ طب ما تاخد انت منه حقك
صابر / و لو غلبنى يبقي علم عليا مرتين
شاكر / اخص اخص اخص
شاكر و صابر يضحكوا
صابر / ما انا هلاعبه برده بس انت فرهدهولى الاول
شاكر / على العموم هو بيضعف قدام الاكل احنا نحط قدامه اكله تقيله و هو هيفكه من كل ده و هيقعد ياكل لحد ما يتقل و ينام
صابر / ما يخسرش قول للرجاله تزبطنا
شاكر / عنيا
شاكر يجي يمشي صابر يشده من قفاه
صابر / انت رايح فين انت صدقت و لما تحط اكل تقيل قدام الرجاله دى حد فيهم هيعرف يصلب حيله و لا هتنيمنا كلنا مع يونس
شاكر / صح !!! طب اعمل ايه دلوقت
صابر / امشي يا شاكر
شاكر / يا عم انا ....
صابر / بقولك امشي يا شاكر
شاكر / مشيت يا عم ما تزقش
................
فى سرايا الزنايته
ناصر / من امتى الكلام ده
جابر / الا هو انت شايفني بالبافته هتسخنى بالكلمتين دول اولا لا نجاه صغيره و لا الكبير هيحطها فى اى وضع شبهه بس لو حضرتك فى اى وضع مش عاجبك استرجل كدا و غيره ما تجيش تسخنى و تدارى فى ضهرى يا ناصر وحشه فى حقك اوى يا ابن خالى
ناصر / تصدق انا غلطان انى جيت اطمن عليك اولا انا الموضوع كله ما يخصنيش فى حاجه و لا فارق معايا اصلا انا بس جيت اطمن انك تمام و مفيش مشاكل لان مش طبيعي ابدا انك تتقلش فجاه من الصوره كدا و دياب يحل مكانك بس انت صح انا فعلا ما ليش دعوه انا رايح الجبل عن اذنك
جابر / فى حفظ الله خد بالك من نفسك
ناصر  يمشي جابر يتنهد و يقوم يتمشي مختار يشوفه من التراس ينادى عليه
مختار/ جابر ... تعال عاوزك
جابر يبص له و يهز راسه و يروح له
جابر / ايوه يا خالى اؤمر
مختار / مالك فى حاجه مضيقاك و لا ايه
جابر يبتسم بسخريه
جابر / لا ابدا مفيش عادى
مختار / طب شديت مع ناصر فى حاجه ملامحكوا ما كانتش احسن حاجه
جابر / لا عادى مفيش حوار يعني العادى برده
مختار / عباده اتكلم معاك؟!
جابر / بخصوص ايه ؟
مختار / كان بيفكر يخليك الكبير... بشكل شرفى طبعا لحد ما تقف على رجلك و تتمكن من الدنيا دى
جابر / آآآآآآه عادى
مختار / هو ايه اللى عادى عادى عادى
جابر / ما هو عادى يا خالى هقول ايه يعنى
مختار / قول رايك احساسك اى حاجه
جابر / و الله الاتنين عادى برده
جابر يضحك
مختار / طب انا عاوزك تقعد مع نفسك كدا و تفكر فمين أحق بيها بعدك لو لا قدر الله جرالك اى حاجه
جابر / الكلام ده لو لا قدر الله انا خدتها بالطريقه التقليدية بس طول ما انتوا ربنا يديمها عليكوا نعمه بصحه و خير اعتقد انكوا اولى منى بالمهمة دى و بعدين حضرتك لسه قايلها ... شرفي
مختار/ انت كويس
جابر / عادى ... حضرتك هتعوز منى حاجه تانى ... هروح انام
مختار / مش هتطلع الجبل ؟
جابر / بالليل هنام دلوقت و أسهر معاهم بالليل بإذن الله
مختار يهز راسه جابر يبتسم و يمشي مختار يتنهد
مختار / مش بكيفي و الله يا ابنى
.........................
فى الجبل
دياب يوصل بالعربيه نجاه تفتح الباب تشوف جوزيف واقف مع شاكر و صابر تبص لدياب
نجاه / يونس هنا !!
دياب / هو الكبير ما قالكيش ؟!
نجاه / تقصد التدريب ؟
دياب يهز راسه ايوه
نجاه / قالى بس ... مش هنا انت ما قولتليش انه
دياب/ احنا فيها لو اى حاجه فى الوضع مضيقاكى اقفلى الباب و ارجعك و نظبطها بالطريقه اللى تريحك
نجاه / كل حاجه بالنسبالك سهله يعني
دياب / انا مش فاهم ايه اللى مضايقك بالظبط اصل انك تيجي تتمرنى فى الجبل مع يونس على قد علمي مش اول مره تحصل و على قد علمى برده ان الجبل احسن مليون مره من الملعب سواء الرمله سواء انه مكان مفتوح سواء الحراسه و انتى كمان كنتى عاوزه تيجي الجبل
نجاه / انا فاهمه كل ده على فكره
دياب / ايوه ما انا فاهم بس مش عارف احط ايدي على الجزء اللى مضايقك
نجاه / مش مضايقه ... انا بس اتفاجئت كان المفروض تقول لى
دياب / معاكى حق فاتتنى دى ... ايه الوضع دلوقت
نجاه/ مفيش
دياب / طب مش ناويه تنزلى من العربيه ؟!
نجاه تبص له و تعوج بقها و تسحب شنطتها و تنزل الكل عينه عليها و هى لأول مره متردده و عنيها تايهه بين الناس توصل
صابر / الجبل نور
نجاه / عقبال ما ينور بناسه اللى بجد ... حلو الجو ده
صابر / تخيلى بقي الكلام ده داير داير الجبل
نجاه / رجاله كتير اوى هنا
شاكر / و ورديات كمان
نجاه/ ان شاء الله بفايده
دياب / على قد ما انا مش قادر احدد هتقدر تعملها ازاى بس شوفوا هتبدؤا ازاى
جوزيف / تقصد ايه ؟!
دياب / انك تمرن نجاه تقتل اختك
جوزيف يتنهد
جوزيف / مش هيحصل
نجاه / هيحصل و لو عندك اى مشكله فى ده من دلوقت ما تمرنيش
جوزيف / انا همرنك عشان انتى و هى مصرين على المواجهه و انتوا ما تعرفوش نص المهارات القتالية اللى عندها فانا هعلمك عشان لو حصل ما تتاذيش
نجاه / اه يعني هتديني من على وش القفص بس مش كدا
جوزيف / انا كنت فاكر ان وش القفص ده بيبقي احسن حاجه و لا انا فاهم غلط
نجاه / لا انت فاهم قصدى ما تعملش خواجه بقي
شاكر / انا كنت فاكره خواجه فعلا
نجاه /شاكر لو سمحت
دياب / يعني ملخص الكلام ناويين على ايه
نجاه / قولت لك مليون مره لازم تختار ما ينفعش تبقي بوشين ما ينفعش تبقي محايد
جوزيف/ هى اصلا ما بتحاولش تأذيكى
نجاه / امال اللى احنا فيه ده اسمه ايه بص حواليك الرجاله دى كلها مرميه فى الصحرا ليه مش بسببها
جوزيف / لا الحقيقه مش بسببها و لا كان ليها دخل و مش هتقعد نفتح قديم على جديد يا نجاه مش وقته كلنا عارفين كويس ان امايا أنقذت الجبل من ناس بينكوا و بينهم الف تار
شاكر / كتر خيرها تشوف مقابل تعبها و نتراضي و كل حى يروح لحاله
جوزيف / ما بتمشيش كدا يا شاكر و الله ما بتمشي .... ملخص الكلام ... امايا تقدر تعمل اكتر من اللى بتعمله ده بمراحل و اعتقد انك بنفسك شوفتى جزء من اللى عندها و مع كدا وخداكوا على الهادى ... هى مش عاوزه شر
صابر / امال عاوزه واحد شاورما و اتنين توميه ؟!
الكل يضحك جوزيف يبتسم و يتعدل فى وقفته
جوزيف / انا اتفقت مع الكبير على اتفاق محدد ... و دياب كلمنى و قالى اجى هنا ابدء فيه ... و الله عاوزين نبدأ اهلا و سهلا انما هنضيع الوقت و الشمس فى الهزار و القلش و الخناق فانا زى ما بتقولوا خواجه و مش واخد اوى على الجو ده بيضيق خلقي و دا لا وقت و لا مكان نتخانق فيه مع بعض خصوصا ان كلنا عارفين ان العيون علينا مستنين اقل ثغره و لا ايه
دياب / عين العقل
نجاه / برده لازم تختار و دلوقت
جوزيف / انا اخترت من فتره طويله جدا لو مش واخده بالك ... يلا نبدأ
نجاه بصاله بحزن تبص على الرجاله الكل متابع تبص فى الارض و تبص لجو
نجاه / تمام ... يلا
.........................
فى السيرك
بنت / ما كنا روحنا عملنا اى منظر و ربكناهم كلهم هيحموا نجاه و ساعتها نلاقى بدل الثغره عشره نعدى للبنات اكل
امايا / مجازفه ما اقدرش اتحمل اى نسبه خطأ فيها
البنت/ هى نجاه عندك اهم من البنات اللى فى الجبل
امايا / انا عمرى ما اتاخرت عن اى واحده فيكوا
البنت/ ايوه بس الفتره اللى فاتت غيرتي حاجات كتير اوى فى النظام اللى ماشين عليه بقالنا سنين و من غير سبب
امايا / لو شايفه انك تقدرى تعملى احسن من اللى بعمله مش هقف فى طريقك طلعى سلاحك و اقتليني و خدى مكانى احسن
البنت / اكيد لا طبعا ايمى احنا اخوات و ان كنت بتكلم فدا عشان انا خايفه
امايا / انا عارفه انا بعمل ايه كويس و عندى بدل الكارت ميه بس مش هقدر احرقهم كلهم دلوقت
بنت ٢ تدخل
بنت ٢ / تم يا ايمى
امايا / راقبيهم طول الوقت و اتأكدى ان ما حدش غيرنا مجندهم مش هنيجي نصيدهم هيصيدونا
بنت ٢ / ما تقلقيش انا متابعه الموضوع بنفسي
امايا تحدف لها بوسه البنت تمشي امايا تبص للبنت الأولى
امايا / اصبرى و اوعدك أن مش بس الجبل اللى هيبقي تحت ايدينا ... دة البلد باللى فيها بس نصبر شويه كدا كدا عندهم مخزون كفايا و قدامنا وقت ... ثقى فيا
البنت تهز راسها امايا تبتسم
..........................
فى الجبل
نجاه بتلاعب جوزيف يقلبها فى الارض قبل ما تقوم يروح عشان يضربها تدحرج و تفلت الرجاله تدخل و تحوشه نجاه تقوم تنفض هدومها و هى بتنهج جدا
جوزيف / و لما اتغابى عليكوا
دياب / اهدى دا مجرد تمرين هتموتها يعني بالراحه
جوزيف / ما هو بالراحه دى اللى وصلتنا لكدا انت بالراحه و انت بالراحه و انت بالراحه اديتوها عن نفسها صوره انها ايرون مان مثلا ... عموما كويس كنت متوقع اسوء من كدا بعد فتره طويله مفيهاش تمرين
نجاه / هو احنا خلصنا كدا و لا ايه
جوزيف / ارتاحى و انا هلعب مع الرجاله شويه
نجاه تسيبهم و تروح تقعد فى جنب لوحدها على صخره و جوزيف يلعب مع دياب شاكر يروح يقف جنب نجاه
شاكر / الشمس هتاذيكى كدا
نجاه / مدياها ضهرى
شاكر / انا ما بقولش هتسمرى بقول هيجيلك ضربه شمس اقعدى فى الضل
نجاه تقوم و تروح تفتح عربيه دياب و تشغلها و تشغل التكيف و تقفل عليها العربيه شاكر يروح يقعد وسط الرجاله
جوزيف / انت هتقعد تعال انا جايلك انت اساسا
صابر / يا عم لحسن تقول فى الاخر انك كنت تعبان و مفرهد و لا حاجه
جوزيف / امال عاوزنى اخسر من غير ما يكون عندى عزر و تضيع هيبتى وسط الرجاله خليك ناصح يا عم
الرجاله تضحك
دياب / هى نجاه فين ؟
شاكر / فى عربيتك
الرجاله كلها تبص دياب يجرى ناحيه العربيه جوزيف يروح وراه
صابر / العربيه فاضيه مش شايف حد
شاكر / و الله لسه راكبه قدامى حالا
دياب يشاور لهم تمام و يرجع مع جوزيف
صابر / على ... يسرى معلش تنصبوا ضليله فوق العربيه و اقعدوا جنبها
على / تمام يا كبير
دياب / مشغله التكيف و فارده ضهرها ورا عشان كدا ما كانتش باينه
شاكر / طب هنلعب يلا
جوزيف / لا بريك بالنسبالى للحظه تخيلت الأسوء
دياب / انا بقول اروحها احسن اهو ترتاح فى البيت احسن عن اذنكوا
صابر/ اصبر يا عم خلى المشوار يجي بفايده اديها ربع ساعه و تنزل تكمل تمرين مش هنيجي كل يوم يعني
شاكر / صابر بيتكلم صح و الرجاله نصبوا الضليله اهو و نبعت اتنين رجاله تانين يحوطوا العربيه من الناحيه التانيه برده
دياب يبص لجوزيف
جوزيف / انت الكبير هنا اللى تشوفه بس كلامهم منطقى
دياب / تمام على خير يلا نكمل
الرجاله تكمل و جوزيف قاعد عينه على العربيه
..........................
فى شقه واحد من الاربع شباب
ولدين قاعدين و مقفول عليهم الباب
ولد ١ / احمد ربنا انا ابويا حلف لو كررتها ليقيم عليا الحد و يجلدنى وسط البلد
ولد ٢ / يا سيدى الحمد لله بس انا بقي عندى ان امى تجلدني و لا انهاش تخاصمنى كدا دى بتحط لى الاكل فى المطبخ و تبعت لى رساله على الواتس اقوم اخده بقوم الاقيهم متجمعين فى الاوضه و قافلين عليهم الباب
ولد ١ / برده ارحم من عمر ابوه نسر عليه الحزام لما شبحه
ولد ٢ / انت جاى ليه يا وهبه
وهبه / بطمن عليك يا جدع من ساعه ما رجعنا و انت لا بتيجي المدرسه و لا بنشوفك فى صلاه و لا درس و لا بترد على تليفون قولت قتلوك و لا حاجه
ولد ٢ / ما هى هتقتلنا فعلا و الكلام ده أكده الكبير لامى هى قالت له ان اللى بيغلط مع بناتها بيموت
وهبه / ما لازم يقول كدا عشان تخاف و ما تعيدهاش انما احنا شوفنا بعنينا دلع و هشتكه و نغنغه و لحد ما الجدع ده رجعنا ما فيش ايد اتمدت علينا غير بكل حنيه
ولد ٢ / كانك ناوى ترجع
وهبه / بصراحه مش عارف بس مش قادر اشيل البت الشقره اياها من دماغى
ولد ٢ / اللى كانت مع عرفه ؟!!
وهبه / يمين بالله لو ما كانش سبقنى ليها ما كنت عتقتها
ولد ٢ / لا حول و لا قوه الا بالله انت ايه اللى جرالك يا اخى دا بدل ما تستغفر و تتوب و تقول غلطه و مش هعمل كدا تانى
وهبه / يا عم ما تكبرش المواضيع اوى كدا امال لو ما كنتش خربتها هناك
ولد ٢ / و بدفع تمنها كل ثانيه من ساعه ما فوقت و عرفت المصيبه اللى انا عملتها
وهبه / انت بس الشويتين بتوع امك ماثرين عليك
ولد ٢ / لا انتوا اللى اثرتوا قولت اقلدكوا و اعمل زيكوا قال يعني كدا هبقي راجل و لا بقيت راجل و لا نيله بالعكس بقيت عيل وسخ ما اترباش اسمع يا وهبه ما تتكلمش معايا فى الموضوع ده تانى انا لا هرجع هناك و لا هعيده تانى و اقولك حاجه انتوا لو فضلتوا فى السكه دى هقطع علاقتى بيكوا برده انا بقولك اهو
وهبه / لا و احنا اللى هنموت على صحبتك اوى انت هتنسي نفسك ياض انت و لا ايه بس تعرف العيب مش عليك العيب على اللى نزل نفسه و جه يطلمن على عيل خرع زيك ... انا ماشي
ولد ٢ / فى حفظ الله
وهبه / و اسمع يا حيلتها لو لسانك ده نطق بحرف
ولد ٢ / ما تقلقش انا بره قصتكوا دى اعملوا ما بدالكوا بعيد عنى
وهبه / انا بنبهك بس ... سلام يا ننوس عين ماما
ولد ٢ يبص له و يقوم يوصله للباب و يقفل وراه
ولد ٢ / ابو دى معرفه يا جدع
الولد يروح يقرب من باب اوضه مقفوله سامع صوت التليفزيون يخبط ما حدش يرد يتنهد و يروح يقعد فى اوضته
.......................
فى الجبل
نجاه تفتح العربيه و تروح لهم
جوزيف / صح النوم
نجاه / ما كنتش نايمه هنكمل و لا ايه
جوزيف / تعالى نقف فى اى حته نشتغل على ما يخلصوا هنا
نجاه تروح مع جوزيف و يشاور لها تبدا و هو بيصد
جوزيف / مالك؟!
نجاه / ركز فى التمرين
جوزيف / المهم تكونى انتى مركزه
نجاه / هو انت بجد هتشجع مين فينا فى الماتش ده
جوزيف / مش هشجع حد اللعبى
نجاه تبطل لعب و تبص له بحزن
نجاه / مش هتقدر تعيش حيادى العمر كله
جوزيف / هسالك سؤال بسيط .... لو واحد امه و مراته اتخانقوا يعمل ايه ؟
نجاه / الوضع مختلف كليا
جوزيف / و لا كليا و لا جزئيا بالعكس على الاقل انا مش مكتفك ليها و بحاول اساعدك تدافعي عن نفسك قدامها اهو
نجاه / انت مكتف البلد كلها ليها يا يونس
جوزيف/ مش عارف و الله مين مكتف مين لمين فى البلد دى و الله ... اللعبى يا نجاه الرجاله بتتفرج علينا
نجاه تهز راسها و تلعب
نجاه / انت بقي شايف انى ما اقدرش على امايا
.........................