الكبيره ٢ بقلم / لولو_محمد

الحلقة ١٤٧

((((((( الكبيره ٢ ))))))
#لولو_محمد
الحلقه ١٤٧
جوزيف / لو بكلم امايا بنت المجلس هقول لها اه لو بكلم اختى يبقي اكيد لازم تلاقى حل وسط

امايا / ارقص على السلم زيك كدا ؟! لتكون مصدق انك ممكن تكون واحد منهم

جوزيف / بتحبنى

امايا / متاكد ؟!

جوزيف / جدا

امايا / خلينا نشوف

جوزيف/ مش وقت جنان

امايا / ما تخافش انت عارف غلاوتك

امايا تمسك الموبايل و تبعت رساله

امايا / اللوكيشن ده هتلاقى فيه اللى يرضيك روح خدهم

جوزيف / تسلمى

جوزيف يمشي و امايا متابعاه بنت تدخل

البنت/ انتى فعلا هتخلى العيال دى تمشي ؟!

امايا/ خليهم يشيلوا هم التنظيف و الدفن

البنت / طب و هناكل الكلاب ايه ؟!

امايا تبص للبنت

امايا / هو الدراى فود قصر معاكى فى حاجه ما تتصرفى يا توتا دا جو يا حبيبتي

البنات/ لا لو جو يبقي تمام طبعا اتصرف

......................

فى اوضه عباده

الباب يخبط خديجه تفتح الباب تلاقي مختار

مختار / عباده هنا؟!

خديجه / فى الحمام ثوانى

خديجه تدخل تخبط على الحمام عباده يفتح الباب بينشف وشه

خديجه/ مختار على الباب

عباده يروح لمختار

مختار / العيال روحت جوزيف راح جابهم من عندها و ادتهم له

عباده / يا سلام ؟! ما طلبت منه و قال مش هيعمل حاجه ؟! مختار !!!

 مختار / انا مالى يا عم ؟! انا زيي زيك بالظبط اول ما الخبر جالى جريت اطمنك لانى عارف ان الموضوع قالقك و طبعا كلمنا اهاليهم اطمنا عليهم العيال زى الفل ما حدش لمس منهم شعره بالعكس كانوا بيتعاملوا حلو جدا بس طبعا اهاليهم هيعيدوا ربايتهم تانى

عباده/ انا مش مرتاح

مختار / و لا انا

عباده / انا كنت مرتاح اكتر و هم معاها هناك ... اصل ده منطقى ... انما تسيبهم بالسهوله دى ... و هو ؟! فى حاجه غلط يا مختار فى حاجه غلط و انا مش فاهمها ... بس اكيد هفهمها ... اكيد

..................

فى الجيم فى سرايا الزنايته

نجاه قاعده فى ركن بتلعب فى الموبايل و الكل نايم بنت تقلق