الكبيره ٢ بقلم / لولو_محمد

الحلقه ١٤٨

((((((( الكبيره ٢)))))))
#لولو_محمد
الحلقه ١٤٨

نجاه تدخل شايله صينيه دياب يقوم ياخدها منها

نجاه / و ايه العيب فى كدا معلش الشورى مش عيب و كلنا شركا فى مركب واحده و كدا كدا الكلمه الاولى و الاخيره لقبطان المركب

جوزيف يبتسم

جوزيف / بنسبه كام فى الميه يا دياب الكلام اللى بتقول عليه ده ينطبق عندكم فى السرايا

دياب / نسبه كبيره جدا اه فى ستات عندنا فى العيله واخدين وضعهم و اكترهم مرات خالى بس برده الكلمه الاولى و الاخيره لخالى

جوزيف / باماره انك بقيت الكبير بتليفون ... ماشي خليك اضحك على نفسك كدا ... انا حذرتك و المفروض انك تبدا تشتغل على الموضوع من دلوقت... لان على قد علمى بياخد وقت ... عن اذنكم

دياب / على فين يا وحش عاوزهم يقولوا دخل بيت دياب الجارحى و خرج من غير ضيافه و لا ايه ... دا اكل الحجه ام دياب يعني مش هتدوق زيه فى حياتك

جوزيف / لا لو كدا ادوق فى السريع كدا عشان لازم امشي

جوزيف يلزق ميكروروبت فى طرف الطبق و يدوق منه و يرجع الطبق مكانه

جوزيف / جامد جدا بس للاسف مليش فيه نصيب مره تانيه بقي و اشكر الوالده على ضيافتها ... عن اذنكوا

جوزيف يمشي

نجاه / هو كان عاوزك فى ايه

..........................

دياب / بيقولى ان امايا جندت مرات خالى

نجاه / مستحيل عمتى لو فيها العبر مش خاينه

دياب / و لا صابر خاين بس كل واحد فينا له نقطه ضعف او مدخل و ربنا يصبرها على اللى هى فيه و يهديها

نجاه / طب و العمل هنعمل ايه

دياب/ اولا هحطها فى اختبار صغير و ثانيا هبدا ارتب الكبير اللى بعدى

نجاه / بعد الشر عنك يا دياب ايه الكلام الوحش ده طوله العمر ليك تعيش و تربى عيالك فى صحه يا رب

دياب / تسلمى يا غاليه بس هو معاه حق انا كنت البديل دلوقت مين بديلى ... لازم افكر فى الموضوع بهدوء و بالراحه و برده ارجع للكبار

نجاه / بجد اتقفلت اوى

دياب / جرا ايه يا بسكوته مالك فى ايه ...بس انا ما كنتش اعرف انى غالى عندك اوى كدا

نجاه / اتلهى كبير ازاى و انت اهبل كدا

نجاه تشيل الصينيه و تسيب المكان و تمشي و دياب بيضحك

.........................

فى الشركه

جابر / يعنى دا كل اللى حصل ؟!