*181 AMSOSHIN TAMBAYOYINKU*
*SHIN DA GASKE NE AL'ARSHI YANA GIRGIZA IDAN AKA YI SAKI!?*
TAMBAYA:
Assalam Alaikum malam. Barka da warhaka, malam don Allah da gaske ne in an yi sakin aure Al'arshi yana girgiza?
AMSA:
Wa'alaikumus Salam, dangane da maganar cewa Al'arshi yana girgiza idan aka yi sakin aure, an ruwaito hadisi game da wannan maganar, sai dai hadisi ne bara-gurbi, wato hadisin qarya ne qirqirqrre, bai tabbata daga Manzon Allah ﷺ ba, malamai sun bayyana shi a matsayin hadisin qarya a cikin litaffai mabambanta.
Daga cikin maruwaita hadisin akwai JUWAIBIR da AMRU BN JUMAI'I, malamai sun ce ba a aiki da hadisinsu. Kuma akwai ADDHAHHAK, Ibnul Jauziy ya ce yana da rauni.
Duba ALMAUDHU'ÁT 2/277, na Ibnul Jauziy.
Saboda haka masu faɗin wannan magana su daina faɗinta, saboda ba ta tabbata daga Fiyayyen Halitta ﷺ ba. Kawai dai saki a aure ba abin so ba ne har sai idan akwai buqatar hakan.
Allah S.W.T ne mafi sani.
*Jamilu zarewa.*
13/11/1440 h.
16/07/2019 m.
YOU ARE READING
*AMSOSHIN TAMBAYOYINKU*
Cerita Pendek*AMSOSHIN TAMBAYOYINKU* *NA KASA YIN AZUMI SABODA QARAMIN CIKI, GA SHAYARWA, YA ZAN YI?* TAMBAYA:
