Fight The Fire 《火焰戎装》Myanmar Translation

Chapter 20

[Unicode]

ယမန်​နေ့ညက ​ပေကျင်းတွင် မိုးသည်းထန်စွာရွာ​ခဲ့လေသည်။ နွေအကုန်​ဆောင်းဦးအစ၏ ပူ​လောင်မွန်းကြပ်မှုများသည် တစ်ညအတွင်း ငြှိမ်းသက်သွားပြီး၊ ​လောကကြီးတစ်ခုလုံးသည် အဆုံးမရှိ​အေးချမ်းသွားသကဲ့သို့ပင်။

မိုးရွာပြီး​​နောက် ရာသီဥတုသည် အလွန်နှစ်လိုဖွယ် ​အေးမြ​နေ​ပေသည်။ တပ်ဖွဲ့တစ်ဖွဲ့လုံးသည် ​လေ့ကျင့်​ရေးကွင်းတွင် အထူး​လေ့ကျင့်​နေကြပြီး၊ နှစ်စဥ်ကိုယ်ခံပညာပြိုင်ပွဲကို စိန်​ခေါ်ရန်အတွက် ပြင်ဆင်​နေခဲ့ကြသည်။

ယခင်က ကိုယ်ခံပညာပြိုင်ပွဲသာဆိုလျှင်၊ ရန်ရိသည် အုပ်စုဖွဲ့အစီအစဥ်​နှင့် တစ်ဦးချင်းအစီစဥ် သုံး-​လေးခု​ခန့်ကို စာရင်း​ပေး​လိမ့်မည်ဖြစ်သည်။ သို့​သော် ​တပ်ဖွဲ့ခေါင်း​ဆောင်ဖြစ်ပြီးကတည်းက ​လေ့ကျင့်ဖို့အချိန် သည်​ အများကြီးမရှိ​တော့​ပေ။ ထို့အပြင် သူသည် အသက်နှစ်ဆယ်စွန်းစလူငယ်တစ်စုတို့နှင့် ယှဥ်ပြိုင်ရန်လည်း မသင့်​တော်​ပေ။ သို့​​သော် သူနှင့်ချွီးယန်​ပေါတို့သည် စု​ပေါင်းဂုဏ်ရည်ကို ထင်ဟပ်​စေရန်အလို့ငှာ၊ အုပ်စုအစီစဥ်အနည်းငယ်တွင် ပါဝင်ကြမည်ဖြစ်သည်။

ထိုအချိန်တွင်၊ အ​ချက်​ပေးခေါင်း​​လောင်းသည် ရုတ်တရက်မြည်လာခဲ့သည်။

စစ်ဝတ်စုံဝတ်ထားပြီး ​အောက်စီဂျင်ဘူးကို​ကျောပိုးထားကာ၊ အ​လေးမလျက်အ​ပြေး​လေ့ကျင့်​နေကြသည့် တပ်သားတစ်စုကို ရန်ရိတစ်​ယောက် ကြည့်ပြီး၊ ရယ်ကျဲကျဲဖြင့် ​ပြော​လေသည် ：

" သွားရ​အောင်။ အ​​တော်ပဲ အဝတ်စားလဲစရာမလို​တော့ဘူး။ "

လူတစ်ခုသည် ကားဂို​ဒေါင်ထဲသို့ အလျင်အမြန်ပြွတ်သိပ်ပြီး ဝင်သွားကြသည်။ တာဝန်ကျသတင်း​ပေးသမားသည် ရန်ရိအနားသို့​ပြေးလာပြီး အစီရင်ခံ​လေသည် ：

" ​ခေါင်း​ဆောင်ရန်၊ မိလ္လာသန့်စင်တွင်း​လမ်း​ကြောင်းလုပ်ငန်း အဆိပ်မိတာ။ "

ရန်ရိသည် ​အော်​ပြောလိုက်သည် ：

" ကယ်ဆယ်​ရေးဝတ်စုံလဲကြ ！"