Fight The Fire 《火焰戎装》Myanmar Translation

Chapter 140

[Unicode]

ချွီးယန်​ပေါသည် ရန်ရိအား သုံး-​လေးခွန်းမျှနှစ်သိမ့်စကားဆိုပြီး ထွက်သွားရန်ပြင်လိုက်​တော့သည်။ သူ့ထံတွင် ​ဖြေရှင်းစရာ​တွေတစ်ပုံတစ်ခေါင်းကြီးရှိ​နေ​သေး​လေသည်။

ရန်ရိက ချွီးယန်​ပေါကို တံခါးအပြင်ဘက်ထိ လိုက်ပို့လိုက်ပြီး အနည်းငယ်ရှက်ရွံ့စွာဖြင့် ​ပြော​လေသည် ：

" ညီအစ်ကို၊ မင်းကို အလုပ်ရှုပ်​စေမိပြီ။ "

" ဒီလို အပိုစာသား​တွေကို ​ပြော​နေ​သေးတယ်။ "

ချွီးယန်​ပေါက သူ့ရဲ့ရင်ဘတ်ကို တစ်ချက်ထိုးလိုက်ပြီး၊

" ငါတို့က ​အကောင်းအဆိုးတွေကို အတူတူကြံ့ကြံ့ခံကြမယ့် တစ်စိတ်တစ်ဝမ်းတည်းရှိတဲ့ညီအစ်ကိုတွေ​လေ။ "

ရန်ရိသည် သူ့၏ပခုံးကို ဆုပ်ကိုင်လိုက်​တော့သည်။ သူ ​ကျေးဇူးတင်စကားဆိုဖို့ရန် မျက်နှာပူ​နေသလို၊ ​တောင်ပန်ဖို့ရန်လည်း ခက်​နေခဲ့သည်။ သို့သော် စိတ်ထဲတွင်မူ ဤခံစားချက်နှစ်မျိုးစလုံးမှာ ​ရော​ထွေး​နေ​​လေသည်။ ဤတစ်​ခေါက်တွင် မိမိသည် မိမိကိုယ်ကိုဒုက္ခဖြစ်​စေခဲ့ရုံတင်မကဘဲ ချွီးယန်​ပေါ၏​ရှေ့​ရေးကိုပါ သက်ရောက်မှုရှိ​စေခဲ့သည်ဆိုတာကို သူ သိ​ပေသည်။ ချွီးယန်​ပေါနှင့်သူသည် မတူ​ပေ။ သူက အရပ်သားအလုပ်နှင့်အစည်းအ​​ဝေးများကို မုန်းသဖြင့် တစ်သက်လုံး ဤ​နေရာနှင့်ပဲ ​ကျေနပ်သွားနိုင်​ပေသည်။ သို့သော် ချွီးယန်​ပေါ၏ရည်မှန်းချက်မှာ ရှင်းလင်းပြီး၊ ဦးတည်ချက်မှာ ပြတ်သား​ပေသည်။ တပ်ဖွဲ့နည်းပြဆိုသည်မှာ သူ့၏နိုင်ငံ​ရေးလုပ်ငန်း၏​လှေကားထစ်တစ်ထစ်မျှသာဖြစ်ပြီး ​အမြင့်သို့ တောက်​လျှောက်တက်လှမ်းရဦးမည်ဖြစ်သည်။

ချွီးယန်​ပေါ ပြန်သွားပြီး​နောက် ရန်ရိ အခန်းထဲသို့ ပြန်ဝင်သွား​​သော် ကုံးရင့်ရှန်မှာ ပြတင်း​ပေါက်အ​ရှေ့တွင်ရပ်​နေပြီး သူ့အား ​ကျောခိုင်းထားလျက် ဖုန်း​ပြော​နေ​လေသည်။

ကုံးရင့်ရှန်၏မြင့်မားသည့်ခန္ဓာကိုယ်နှင့် ကျယ်​ပြောသည့်ပခုံးတို့ကို ရန်ရိတစ်​ယောက် တိတ်တိတ်က​လေးကြည့်နေခဲ့သည်။ ​ယောကျာ်းသားတို့၏ရုပ်ပိုင်းဆိုင်ရာအားအင်ကို ထင်ထင်ရှားရှား​ဖော်ကြူးနိုင်​ပေသည်။ နံရံတစ်ချပ်၊ သစ်ပင်တစ်ပင်၊ ​တောင်တစ်လုံးအလား၊ ထစ်ကြိုးမြည်ဟည်းသံများနှင့်လာသည့်မုန်တိုင်းများကို ကြံ့ကြံ့ခံနိုင်​ပေသည်။ သူ ​ဖြေး​ဖြေးချင်း​လျှောက်သွားလိုက်ပြီး၊ ကုံးရင့်ရှန်၏ခါးကို အ​နောက်မှ​နေ၍ အသာ​လေး​ဖက်လိုက်​တော့သည်။ မျက်နှာကို ထို​​ကျောပြင်​ပေါ်သို့ အပ်ကာ၊ ​ကိုယ်ကိုထောက်ပံ့​ပေး​နေသည့်အားအင်များကို ကုံးရင့်ရှန်ကိုယ်​ပေါ်သို့ လွှဲ​ပြောင်းလိုက်​တော့သည်။