[Unicode]
ကုံးရင့်ရှန်က ပြောသည် ：
" ခုနက ကျုပ်ရဲ့မေးခွန်းကို ပြန်ဖြေ။ "
ကျိုးချွမ်းသည် အသံတိုးတိုးနှင့် ပြောလာသည် ：
" မီးရှို့တဲ့လူကို ကျွန်တော် တကယ်မသိသလို၊ ကားပိုင်ရှင်ကိုလည်း မသိဘူး။ "
" ခင်ဗျားတို့ ကားမီးရှို့မယ်ဆိုတာကို ဘယ်လိုချိန်းခဲ့ကြတာလဲ၊ အစဆုံးတစ်ခေါက်ပြန်ပြောပြ။ "
" အဲ့......Seraph ပေါ်မှာ၊ လူတစ်ယောက်က ဘယ်အချိန် ဘယ်နေရာမှာ ကားတစ်စီးကိုရှို့မယ်လို့ post တင်ထားတာ။ ကျွန်တော်က သွားပြီးကံစမ်းကြည့်...... "
" ေ-ာက်ပေါက်ပန်းစေးတွေ ！"
ရန်ရိဆဲလိုက်သည်။
ကျိုးချွမ်းသည် မသိလိုက်ဘာသာဖြင့် လက်ကို မျက်နှာအရှေ့တွင် ကြက်ခြေခတ်ပုံစံကာလိုက်သည်။ ကိုယ်ကိုကျုံ့လိုက်ပုံမှာ တကယ်ကိုကြောက်နေကြောင်း တွေ့နိုင် ပေသည်။
ကုံးရင့်ရှန်သည် ကျိုးချွမ်းအား အေးစက်စွာကြည့်ရင်း ：
" ဆွေးနွေးပွဲရဲ့ post တွေက ကိုယ့်ရဲ့အချက်အလက်တွေကို အရမ်းအလေးပေးပြီးကာကွယ်ထားကြတာ။ ဘယ်သူကမှ ရူးပြီးတော့ post ပေါ်မှာ ပြစ်မှုကျူးလွန်မဲ့အချိန်နဲ့နေရာကို ရှင်းအောင်ရေးမှာမဟုတ်ဘူး။ ကြည့်ရတာ ခုနက ကျုပ်ပြောတဲ့စကားကို ခင်ဗျား လုံးဝနားထဲမဝင်ဘူးနဲ့တူတယ်။ "
ကျိုးချွမ်းသည် အသံတုန်တုန်ဖြင့် ပြောလိုက်သည် ：
" လူတစ်ယောက်က ကျွန်တော့်ကို pravite message ပို့လိုက်တာ...... "
" message က ဘယ်မှာလဲ။ ဘယ်သူပို့တာလဲ။ ဘာအကြောင်းရာလဲ။ "
" ကျွန်တော် ကြည့်ပြီးတာနဲ့ဖျက်လိုက်ပြီ။ အချိန်ရယ်၊ နေရာရယ်ပဲ။ Post နဲ့ pravite message တွေက နာမည်မဖော်ပြဘူး။ "
ကျိုးချွမ်းစကားပြောလေလေ အသံကတိုးဝင်သွားလေဖြစ်သည်။
ကုံးရင့်ရှန်သည် မျက်လုံးကိုမှေးလိုက်ပြီး ：
" ခင်ဗျား ' မသိဘူး ' ဆိုတဲ့လူကို ကာကွယ်မယ်ဆိုတာ သေချာလား ？တကယ်လို့ ကျုပ်တို့ သူ့ကို ဖမ်းမမိခဲ့ဘူးဆိုရင်၊ ရှိသမျှတာဝန်တွေအကုန် ခင်ဗျား ယူရမယ်။ "
YOU ARE READING
Fight The Fire 《火焰戎装》Myanmar Translation
General FictionOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
