[Unicode]
ထပ်ခိုးပေါ်မှ ဆင်းလာသောအခါ၊ ကုံးရင့်ရှန်သည် အဓိကဝင်ပေါက်၏အပြင်ဘက်စင်္ကြံတွင် ရပ်နေကြောင်းကို ရန်ရိတွေ့လိုက်ရသည်။ သူ့အား တွေ့သော်၊ အေးတိအေးစက်မျက်နှာထားနှင့်ပြောလေသည် ：
" အရေးပေါ်ကားပေါ်တက်ပြီး တစ်ချက်သွားစစ်ဆေးကြည့်။ "
ရန်ရိစိတ်ထဲတွင် တွေးလိုက်မိသည်။ သူက ငါ့ကို စောင့်နေတာလား ？
သည်လိုမျိုးဆိုးရွားသည့်အခြေအနေမှာ,မှာတောင်မှ ကုံးရင့်ရှန်က သူ့အပေါ်နည်းနည်းကလေးကောင်းပြတာကိုတောင်မှ သူခဗျာ့ ရင်ခုန်မဆဲဖြစ်ကြောင်းကို ရန်ရိသည် ဝမ်းနည်းစွာဖြင့်သိရှိလိုက်ရသည်။ သူ ကမန်းကတန်းပြောလိုက်သည် ：
" မင်းလည်း တစ်ချက်စစ်ဆေးကြည့်ဦး။ "
" သွားရအောင်။ "
ကုံးရင့်ရှန်သည် အပြင်ဘက်သို့ အေးအေးဆေးဆေးလျှောက်သွားလိုက်သည်။
ကုံးရင့်ရှန်၏ခြေလှမ်းအတိုင်း ရန်ရိလည်း လိုက်သွားခဲ့လိုက်သည်။ အခု သူတို့က ပြေလည်သွားပြီလား ဒါမှမဟုတ် စစ်အေးတိုက်ပွဲဖြစ်နေတုန်းလား၊ ကုံးရင့်ရှန်က သူနဲ့သူငယ်ချင်းပက်သက်မှုကို ပြန်စချင်တာလား ဒါမှမဟုတ် လုံးဝကို ထပ်ပြီးတော့အဆက်အဆံမလုပ်ချင်တော့တာလားဆိုတာကို သူ အလွန်တရာမှအတည်ပြုချင်နေခဲ့သည်။ သို့သော် သူ မမေးရဲပေ။
နှစ်ယောက်သည် အရေးပေါ်ကားအရှေ့သို့ရောက်လာခဲ့ကြသည်။ အရေးပေါ်ကယ်ဆယ်ရေးသမားသည် သူတို့အား တစ်လှည့်စီ ကိုယ်တွင်းအင်္ဂါများကို နားထောင်ကြည့်ပေးလိုက်သည် ：
" ဆေးရုံသွားပြီး စစ်ဆေးမှုလုပ်လိုက်ပါ။ "
" မလိုတော့ပါဘူး။ "
ကုံးရင့်ရှန်သည် လျစ်လျူရှု့သည့်မျက်နှာနှင့်ပြောလိုက်သည်။
" လိုတယ်။ "
ချိုးယန် လျှောက်လာခဲ့ပြီး၊ သူ့အား လက်ပိုက်လျက်ကြည့်ရင်း၊
" နင်က အရေးပေါ်ကယ်ဆယ်ရေးသမားထက် ပိုပြီး ကျွမ်းနိုင်လို့လား ？သူများက နင့်ကို ဆေးရုံသွားခိုင်းနေရင် နင်က ဆေးရုံသွားရမှာလေ၊ ကားပေါ်အမြန်တက်။ "
YOU ARE READING
Fight The Fire 《火焰戎装》Myanmar Translation
General FictionOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
