Fight The Fire 《火焰戎装》Myanmar Translation

Chapter 129

[Unicode]

ကုံးရင့်ရှန်၏ ထိုနက်ရှိုင်းသည့်အကြည့်နှင့်​တောင့်တင်းသည့်အမူအရာများကို ရန်ရိ မ​တွေ့ဖူး​ချေ။ အဆက်မပြတ်နီးကပ်လာသည့်ခန္ဓာကိုယ်ကလည်း သူ့အား ကြီးမားသည့်ဖိအားကို​ပေး​လေသည်။ မျက်စိအ​ရှေ့ကလူသည် သူ့အား စိမ်းသက်​မှုနှင့်ငြင်းပယ်​မှုကို ခံစားရစေ​​သည်။

ရန်ရိ၏​ခါးက စားပွဲကို တိုက်မိသွားပြီး၊ ဆုတ်စရာလမ်းမရှိ​တော့သည့်အချိန်တွင် သူ့၏ဖုန်းသည် ရုတ်တရက်မြည်လာခဲ့ပြီး၊ နှစ်​ယောက်အား နွံသဖွယ် ​အောက်သို့ဆွဲချ​နေသည့် ထိုလှုပ်မရရွှေ့မရ​လေထုအား ​ဖြိုဖျက်သွား​တော့သည်။

ရန်ရိသည် ဖုန်းလက်ခံသည့်​နေရာကို အမြန်နှိပ်လိုက်သည်။ ချိုးယန်၏အသံက တခြားတစ်ဖက်မှ မြည်လာခဲ့သည် :

" ခေါင်း​ဆောင်ရန်၊ ရှင် ဝင်လာလို့ရပြီ။ "

ရန်ရိသည် ကုံးရင့်ရှန်အား စိုက်ကြည့်​နေခဲ့သည်။

ကုံးရင့်ရှန် မျက်နှာကိုလွှဲလိုက်ပြီး၊ စိတ်အ​ခြေအ​နေကို တစ်ချက်ထိန်းညှိလိုက်သည်။ အသံကို နှိမ့်ကာ​ပြောလိုက်သည် ：

" သွားရ​အောင်။ "

နှစ်​ယောက်သည် ရုံးခန်းမှထွက်လာခဲ့ပြီး၊ စစ်​ဆေး​မေးမြန်းသည့်အခန်းသို့ သွားလိုက်ကြသည်။

ချိုးယန်သည် သူတို့အား တံခါးဝအ​ရှေ့တွင် ​စောင့်​နေခဲ့သည်။ ​တွေ့လိုက်သည်နှင့်တစ်ပြိုင်နက်၊ သူမသည် ရန်ရိအား ​ပြောလိုက်သည် ：

" ခေါင်း​ဆောင်ရန်၊ အထဲက အဲ့ဒီက​လေးက အရမ်း​ဉာဏ်ကောင်းပြီး ကိုင်တွယ်ရခက်တယ်။ ရှင် ကျွန်မ​ပြောတာကို ​သေချာနား​ထောင်​ပြီး​တော့ ကျွန်မ​ပြောတဲ့အတိုင်း လုပ်​ပေးပါ၊ ရမလား ？"

ရန်ရိ ​ခေါင်းညိတ်လိုက်သည်။

" တစ်၊ သူ ဘာပဲ​ပြော​ပြော၊ ဘယ်လိုအပြုအမူပဲလုပ်လုပ်၊ ရှင် သူ့​ကြောင့် လုံးဝ​ဒေါသထွက်လို့မရဘူး၊ သူ့ရဲ့ဆွဲဆောင်သွားမှုကို ခံလို့မဖြစ်ဘူး။ ရှင်က အရမ်းတည်ငြိမ်​နေရမယ်။ ရှင်က ထိန်းချုပ်သူဆိုတာကို သူ့ကို သိ​စေရမယ်၊ ဒါ​ပေမဲ့ ကိုယ့်ကိုယ်ကိုယ် အရမ်းယုံကြည်မှုလွန်ကဲ​နေတာမျိုး​တော့မဖြစ်ရဘူး။ နှစ်၊ သူ့ရဲ့မေးခွန်းကို လုံးဝ တိုက်ရိုက်မ​ဖြေပါနဲ့၊ သူ့ကို ​ဘေးချိတ်ထားရမယ်။ ​သူ့ကို မေးခွန်းနဲ့ပြန်အလဲအထပ်လုပ်ပြီး​မေးပါ။ ဒီအ​ခြေ​နေကမ​ကောင်းရင် ကျွန်မတို့ ရှင့်ကို သတိ​ပေးလိုက်မယ်။ "