[Unicode]
ရန်ရိသည် ယခုအချိန်တွင်နေရာ၌သာ သေသွားလိုက်ချင်တော့သည်။
ကုံးရင့်ရှန်သည် ပထမဆုံးအကြိမ် လူကိုစကားနှင့်လန့်အောင်လုပ်ခြင်းမဟုတ်ဘဲ၊ ထိုအေးစက်စက်မျက်နှာထားနှင့် လုံးဝကိုမလိုက်ဖက်သည့်၊ လူကို ရင်ပူစေသည့်စကားမျိုးကို မကြာခဏပြောလေသည်။ ကုံးရင့်ရှန်က မိမိ၏လူမှုဆက်ဆံရေးရေချိန်ကို ဂရုမစိုက်ခြင်းဖြစ်နိုင်ပေသည်။ ထို့ကြောင့် ပြောချင်ရာကိုပြောပစ်လိုက်ပြီး၊ ခေါင်းစားစရာကိစ္စများကိုတော့ သူများကို ပေးပစ်လိုက်သည်။
ရန်ရိသည် ပြောမထွက်သည့် ခါးသီးသည့်ခံစားချက်များကို ခံစားနေခဲ့ရသည်။ ယခု ဘာပြောသင့်သလဲဆိုတာကိုတောင်မှ သူ ကောင်းကောင်းမစဥ်းစားရသေးချေ။
ကုံးရင့်ရှန်သည် ရန်ရိအား မလွတ်စတမ်းကြည့်နေခဲ့ပြီး ：
" မင်း ဘာလို့ ငါ့ကို မကြည့်ရဲတာလဲ ？ငါ့ဒီလိုက မင်းကို နေရခက်စေတာလား ？"
သူသည် bathrobe ကို တမင်,မလိုက်သည်။
ရန်ရိသည် မသိလိုက်ဘာသာဖြင့် အနောက်သို့တစ်လှမ်းဆုတ်မိသွားပြီး ：
" မင်း တကယ်ပဲ ဘာပြောချင်နေတာလဲ။ "
" ငါက ငါပြောချင်တာကို တောက်လျှောက်ပြောနေတာလေ။ "
ကုံးရင့်ရှန်သည် ရန်ရိအား တစ်စိုက်မတ်မတ်စိုက်ကြည့်နေပြီး၊ နည်းနည်းလေးတောင်မှ အသက်ရှူချောင်ခွင့်မပေးချေ။
" မင်း စိတ်ကူးယဥ်ကြည့်ဖူးလား ？"
ရန်ရိသည် ရှက်ဒေါသနှင့်ပြောလေသည် ：
" မင်း ဒီလိုမေးခွန်းမေးရတဲ့ရည်ရွယ်ချက်က ဘာလဲ။ ငါ့ကို အရှက်ခွဲချင်တာလား ？"
" ငါ့မှာ ငါနဲ့ဆိုင်တဲ့ကိစ္စကို သိပိုင်ခွင့်ရှိတယ်။ မင်း မတိုင်ခင်တုန်းက ငါ့ကိုတောက်လျှောက်ဖုံးထားခဲ့တာဆိုတော့၊ အခု ငါ့အပေါ်မှာ အမှန်တရားတချို့အကြွေးတင်နေတယ်လို့ မင်းမထင်ဘူးလား။ "
KAMU SEDANG MEMBACA
Fight The Fire 《火焰戎装》Myanmar Translation
Fiksi UmumOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
