[Unicode]
နှစ်သစ်ကူးအကြိုနေ့တွင် ရန်ရိသည် တပ်ဖွဲ့ကိစ္စများကို သေချာစီမံခဲ့ပြီး၊ ဆေးရုံသို့ကားစီးသွားကာ သူ့အဖေကို သွားကြိုတော့သည်။
ဆေးရုံသို့ရောက်သော်၊ ဧည့်ကြိုကောင်တာတွင် လာရင်းကိစ္စကိုပြောပြပြီး လူနာအခန်းသို့ တန်းသွားလိုက်တော့သည်။ သူ အကြိမ်ပေါင်းများစွာလာဖူးသဖြင့် အစောကြီးကတည်းက အလွန်ရင်းနှီးနေပြီဖြစ်သည်။
လမ်းတစ်ဝက်သို့ရောက်သော်၊ သူသည် လူတစ်ယောက်နှင့် ရုတ်တရက်ဆုံမိလေသည်။ ယခင်အခေါက်တွေတုန်းက သူ့အား အကြိမ်ပေါင်းများစွာကြိုဆိုခဲ့ဖူးသည့် ဒေါက်တာဖန် ပင်။
" ခေါင်းဆောင်ရန် ？"
ဒေါက်တာဖန်ကို ကြည့်ရသည်မှာ အနည်းငယ်အလျင်လိုနေသည့်ပုံပင်၊
" ခင်ဗျား ဖုန်းထဲမှာပြောတုန်းက လေး-ငါးနာရီလောက်မှရောက်နိုင်မယ်လို့ ပြောထားတာမဟုတ်ဘူးလား ？"
" ဪ၊ ကျွန်တော် အလုပ်စောစောပြီးသွားလို့ စောစောလာခဲ့လိုက်တာ။ နောက်ကျသွားရင် ကားပိတ်မှာကြောက်လို့လေ။ "
" ခင်ဗျား ခဏလောက်အရင်ထိုင်နှင့်လိုက်ပါလား။ သူနာပြုက ခေါင်းဆောင်ဟောင်းကို သန့်စင်ပေးနေတုန်းနေမယ်။ "
" နေ့ခင်းကြီးကို ？"
" ဟုတ်မယ်ထင်တယ်။ "
ဒေါက်တာဖန်သည် နာရီကိုကြည့်လိုက်ပြီး၊
" ခင်ဗျား ခဏလောက်ထိုင်နေလိုက်ရင်ရပါပြီ။ "
" ကောင်းပါပြီ၊ ဒါဆို ကျွန်တော် သန့်စင်ခန်း အရင်သွားလိုက်ပါဦးမယ်။ "
" စင်္ကြံအဆုံးမှာ ဘယ်ကွေ့လိုက်ရင်ရပါပြီ။ "
ရန်ရိ သန့်စင်ခန်းကို အသုံးပြုပြီးသော်၊ တံခါးကို တွန်းပြီး ထွက်လာခဲ့တော့သည်။
စင်္ကြအဆုံးတွင် ပြတင်းပေါက်တစ်ပေါက်ရှိ၏။ ပြတင်းပေါက်အောက်ဖက်သည် ကားပါကင်ဖြစ်သည်။ ရန်ရိ ပြတင်းပေါက်ကိုဖြတ်သွားသည့်အချိန်တွင် ဤနေရာမှနေ၍ မိမိ၏ကားအား မြင်နိုင်မမြင်နိုင်ကို အလွန်သဘောရှိစွာဖြင့် ကြည့်ကြည့်ချင်ခဲ့မိသည်။ သို့သော် ကားပါကင်ကို ဖြတ်သွားနေဆဲဖြစ်သည့်နောက်ကျောပုံရိပ်တစ်ခုက သူ့၏အာရုံစိုက်မှုကို ဆွဲဆောင်သွားလေတော့သည်။ ထိုနောက်ကျောကို ကြည့်ရသည်မှာ တကယ်ကို နည်းနည်းလေးရင်းနှီးနေသည့်ပုံပင်။
YOU ARE READING
Fight The Fire 《火焰戎装》Myanmar Translation
General FictionOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
