[Unicode]
ရန်ရိသည် မိမိ၏လက်မောင်းကို အသာလေးလိမ်လိုက်ပြီး၊ ကိုယ်ကိုလှည့်လာခဲ့သည် ：
“ ဟမ် ？”
“ မင်း ငါ့ကို တက်လာခိုင်းတာ ဒီအတွက်မဟုတ်ဘူးလား ？”
ကုံးရင့်ရှန်သည် လက်ကို ရင်ဘတ်အရှေ့တွင် ပိုက်ထားလျက်ဖြင့်၊
“ မင်းတစ်ယောက်ထဲ ဘယ်လိုချိုးမလဲ ？”
“ အယ့်၊ ငါ …… ”
ရန်ရိသည် ထိုမြင်ကွင်းကို တစ်ချက်ပုံဖော်ကြည့်လိုက်ပြီး၊ မိမိမှာ အတွေးမှားနေတာမဟုတ်နိုင်ကြောင်း ထင်လိုက်သည်။ သို့သော်၊ ကုံးရင့်ရှန်နှင့် နီးကပ်စွာထိတွေ့နိုင်မည့်အခွင့်အရေးကို သူ့အား လက်လျှော့ခိုင်းလိုက်မည်ဆိုလျှင်လည်း၊ သူ့မှာ ယူကျုံးမရဖြစ်နေပြန်သည်။ သူ ခဏမျှတွေဝေနေခဲ့ပြီး၊
“ မင်း ငါညစ်ပတ်နေတာကို မရွံဘူးလား ？”
“ ရွံတယ်။ ”
ကုံးရင့်ရှန်သည် တွေဝေခြင်းမရှိပြောလိုက်သည်၊
“ ငါ မင်းကို ရေပန်းကိုင်ပေးထားပြီးတော့၊ မင်းရဲ့အနာကို မထိမိအောင် ကြည့်ပေးမယ်၊ နောက်ပြီး မင်းဘာ့သာချိုး။ ”
သူ ရပ်သွားခဲ့သည်၊ ခက်ခဲသည့်အလုပ်ကိုလုပ်နေရသည့်ပုံစံမျိုးပင်။
“ လည်ပင်းနားကတော့ ငါ မင်းကို ကူသုတ်ပေးလို့ရပါတယ်။ ”
“ ထား……ထားလိုက်ပါတော့။ ”
ရန်ရိသည် ခြောက်ကပ်စွာရယ်ပြီး ပြောလိုက်သည်၊
“ ကိုယ်တုံးလုံးတီးကြီးနဲ့ ဘယ်လောက်တောင် ရှက်ဖို့ကောင်းလိုက်မလဲ။ ”
ကုံးရင့်ရှန်သည် မျက်ခုံးပင့်လိုက်ပြီး ：
“ မင်းလို မီးသတ်သမားတစ်ယောက်က အများသုံးရေချိုးကန်မှာ မချိုးဖူးဘူးလား ？”
ရန်ရိတစ်ယောက် ပြောစရာစကားမဲ့သွားရသည်။ ရှေ့နှစ်နှစ်က၊ သူ တပ်ဖွဲ့ခေါင်းဆောင်အဖြစ်ရာထူးတက်မှ သီးသန့်ရေချိုးခန်းရှိလာခြင်း ဖြစ်သည်။
YOU ARE READING
Fight The Fire 《火焰戎装》Myanmar Translation
General FictionOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
