[Unicode]
ရန်ရိ ပြောသကဲ့သို့ပင် လမ်းတွင် ကားလမ်းပိတ်သဖြင့် လိပ်အမြန်နှုန်းနှင့်သာ ရွေ့လို့ရပေသည်။
ရန်ရိသည် ထမင်းစားပြီးသည့်နောက် ဘာမှလုပ်စရာမရှိပေ။ ကားထဲတွင်လည်း တိတ်ဆိတ်လွန်းသည်မှာ တစ်ဖက်လူ၏ အသက်ရှူသံကိုပင် ကြားနိုင်လောက်ပေသည်။ ပတ်ဝန်းကျင်အခြေအနေမှာ နှိုင်းဆမရလောက်အောင်ကို ကသိကအောက်နိုင်လှသည်--ဘာပဲဖြစ်ဖြစ် ရန်ရိသည် ထိုကဲ့သို့ ယူဆခဲ့သည်။
သူသည် ထိုကဲ့သို့သော ခွကျသည့်တိတ်ဆိတ်မှုမျိုးကို သည်းညည်းခံနိုင်သည့် လူစားမျိုးမဟုတ်ပေ။သူသည် ချောင်းတိုးတိုးလေးဟန့်လိုက်ပြီး：
" သီချင်းနားထောင်ပါလား？"
ကုံးရင့်ရှန် အဖွင့်ခလုတ်ကို နှိပ်လိုက်သည်။
Sound box မှ လေးလံထိုင်းမှိုင်းပြီး ပျင်းစရာကောင်းသည့် ရှေးဟောင်းသီချင်း ပျံ့လွင့်လာခဲ့သည်။
"......"
ရန်ရိ ပြောလိုက်သည်။
" မဟုတ်လဲ ပိတ်ထားလိုက်ပါတော့။ "
ကုံးရင့်ရှန်သည် သူ့အား မျက်စောင်းထိုးလိုက်သည်၊ ထိုအကြည့်သည် " ေ-ာက်အမျိုးမျိုးသိပ်လုပ် " ဟု ပြောနေသလိုပင် ၊
ထို့နောက် ချက်ချင်း လက်ကို ဆန့်ပြီး ပိတ်ပစ်လိုက်သည်။
ခဏမျှ တိတ်ဆိတ်သွားပြီးနောက်၊ ရန်ရိသည် ထပ်ပြောလာပြန်သည် ：
" တစ်ခြားသံသဖြစ်ဖွယ်လူတွေရဲ့ ထွက်ဆိုချက်ကိုကော မင်း စုစည်းပြီးပြီလား？အရက်ဘားပိုင်ရှင်က သူ့ကို လက်စားချေချင်နေတဲ့လူရှိတယ်လို့ ပြောတယ်မလား ？
" အင်း၊ အရင်က သူ့ရဲ့ သူဌေး။ အခု နှစ်ယောက်က ပြိုင်ဘက်တွေ။ ဒါပေမဲ့ အဲ့ဒီလူက အခင်းနေရာမှာ မရှိကြောင်း သက်သေရှိတယ်၊ မီးလောင်တုန်းက သူ့ရဲ့အရက်ဘားမှာပဲ အလုပ်လုပ်နေတယ်လို့ ထွက်ဆိုထားတဲ့ မျက်မြင်သက်သေတွေ အများကြီးပဲ။ "
" အရက်ဘားရဲ့ သက်ကယ်လမ်းကြောင်း (အရေးပေါ်ထွက်ပေါက်လမ်းကြောင်း) က ဘာလို့ ပိတ်ထားရတာလဲ？"
KAMU SEDANG MEMBACA
Fight The Fire 《火焰戎装》Myanmar Translation
Fiksi UmumOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
