[Unicode]
ရန်ရိသည် စိတ်မရှည့်တော့သည့်ပုံစံလုပ်လိုက်ပြီး ：
“ တစ်နေ့လုံး အလုပ်များထားတာ၊ ဒီအချိန်တောင် ရှိနေပြီ။ ရင့်ရှန်၊ ဒီနေရာမှာ အချိန်ဖြုန်းမနေနဲ့တော့။ မနက်ဖြန် သုံး-လေးအိမ်လောက်ကို မေးရဦးမှာမလား။ ”
ကုံးရင့်ရှန်သည် သဘောပေါက်သည့်အကြည့်နှင့်၊ ရန်ရိအား ပြန်ကြည့်လိုက်ပြီး၊ ခေါင်းတငြိမ်ငြိမ့်ဖြင့်၊ ：
“ ဟုတ်သားပဲ။ ”
သူ notebook ကို ပိတ်လိုက်ပြီး၊
“ မဒမ်ပိုင်၊ ဒီနေ့ ခင်ဗျားကို အလုပ်ရှုပ်စေမိပြီ။ ကျေးဇူးပြုပြီး ပြန်လိုက်ပါတော့။ ”
မဒမ်ပိုင်သည် ခေါင်းမော့လာပြီး၊ နှစ်ယောက်သား မတ်တပ်ထလိုက်သည်ကို အံ့အားသင့်စွာဖြင့် ကြည့်နေခဲ့သည်။
ရန်ရိသည် ကျောခိုင်းလိုက်ပြီး၊ ကုံးရင့်ရှန်အား အသံတိုးတိုးလေးနှင့် ပြောလိုက်သည် ：
“ 2207 က လူငယ်တဲ့၊ သူ့ကို မျှော်လင့်ချက်ထားရမယ်။ သေချာပေါက် သူ့ထက်အရင် ပါးစပ်ဟမှာပဲ။ ”
ကုံးရင့်ရှန်သည် အလေးအနက်ထားကာ ခေါင်းညိတ်ပြလိုက်ပြီး၊ သွားတော့မည့်ဟန်လုပ်လိုက်သည်။
“ ခ၊ ခဏနေဦး။ ”
မဒမ်ပိုင် အော်ပြောလိုက်သည်၊
“ ရှင်တို့ ကျွန်မကို ဒီလောက်အကြာကြီးစောင့်ခိုင်းထားတာကြီးကို၊ ဒီလိုပဲ သွားပြီလား ？”
“ မဒမ်ပိုင်၊ ခင်ဗျားက ဘာမှ,မှမပြောချင်တာ၊ နှစ်ဦးနှစ်ဖက်ရဲ့အချိန်တွေကို ဖြုန်းနေသလိုပဲဖြစ်မှာပေါ့။ အချိန်လည်း မစောတော့ဘူးဆိုတော့၊ ပြန်လိုက်ကြတာပေါ့။ ”
“ နေဦး ！”
မဒမ်ပိုင်သည် တွန့်ဆုတ်ကာပြောလာသည်၊
“ တကယ်လို့ ကျွန်မက ကျွန်မသိထားတာတွေအကုန် ရှင့်ကို ပြောပြမယ်ဆိုရင်၊ ကျွန်မကို……ပြစ်ဒဏ်မသတ်မှတ်ဘူးမလား ？”
“ အဲ့တာက ခင်ဗျား အပြစ်ကို ဘယ်လောက်အခြေနေအထိကျူးလွန်ခဲ့လဲဆိုတာကို ကြည့်ရမှာပဲ။ ”
ESTÁS LEYENDO
Fight The Fire 《火焰戎装》Myanmar Translation
Ficción GeneralOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
