[Unicode]
" ခြေထောက်ဖြတ်ရမယ် " ဆိုသည်ကို ကြားလိုက်ရသည်နှင့်၊ မူလကဆူညံနေသည့်အခင်းနေရာသည် တစ်ခဏတွင်းတိတ်ဆိတ်သွားပြီး ရှိသမျှလူအကုန်လုံးသည် အံ့အားသင့်သွားရသည်။
ပိမိနေသည့်ဒဏ်ရာရသူမှာ ဦးခေါင်း၊ ခန္ဓာကိုယ်စသည့် သေစေနိုင်လောက်သည့်ကိုယ်တွင်းအင်္ဂါများကို မထိခိုက်ထားပေ။ ထို့ကြောင့် သတိရှိနေသေးပေသည်။ ကောင်းကယ်၏စကားကို သူကြားလိုက်သောအခါ၊ စိတ်လှုပ်ရှားစွာနှင့်ကုန်းရုန်းထလာခဲ့သည် ：
" မ......မဖြစ်ဘူး...... "
ရှစ်လ်ရှောင်ခြမ့်သည် ရှောင်ဝမ့်အား ထိန်းထားပြီး ：
" ခင်ဗျား ကျေးဇူးပြုပြီး မလှုပ်ပါနဲ့။ "
" မ......ခြေထောက်မဖြတ်ပါနဲ့......"
ရှောင်ဝမ့်သည် ကြောက်ရွံ့စွာဖြင့်အော်လေသည်၊
" ကျွန်တော် ခြေထောက်မရှိလို့ မဖြစ်ဘူး......"
ရန်ရိသည် ရှောင်ဝမ့်ဘေးတွင် ဆောင့်ကြောင့်ထိုင်လိုက်ပြီး၊ မျက်နှာပေါ်က သွေးနှင့်မျက်ရည်များရောယှက်နေသည်ကို ကြည့်နေခဲ့သည်။ ရှုံ့တွနေသည့်မျက်နှာပေါ်တွင် စိတ်အားငယ်ခြင်းများကို အပြည့်ရေးသားထားလေသည်။ သူသည် ရှောင်ဝမ့်၏ပခုံးကို ဖိလိုက်ပြီး တိုးတိုးလေပြောလေသည် ：
" ဟုန်ဝူဆေးရုံကခွဲစိတ်ဆရာဝန်က လာနေတဲ့လမ်းမှာ၊ သူ့ကို နောက်ဆုံးဆုံးဖြတ်ချက်ချခိုင်းလိုက်ပါ။ "
ရှောင်ဝမ့်သည် ရန်ရိ၏အင်္ကျီလက်ကို ဖမ်းဆုပ်လိုက်ပြီး၊ အက်ကွဲနေသည့်အသံနှင့်ပြောလေသည် ：
" ကျွန်တော့်ခြေထောက်ကို မဖြတ်ပါနဲ့။ ကျွန်တော် ကျွန်တော် အခုမှ 20ပဲရှိသေးတာ။ ကျွန်တော် ခြေထောက်မရှိလို့ မဖြစ်ဘူး......တောင်းပန်ပါတယ် ကျွန်တော့်ကို ကယ်ပါဦးဗျာ......ကျွန်တော်ကို ကယ်ပါဦးဗျာ...... "
နားထင်များ နာကျင်လာပြီး၊ နှာခေါင်းပါ ကျဥ်တက်လာသည်ဟု ရန်ရိခံစားရသည်။ သူသည် နစ်ဝင်နေသည့်အသံနှင့်ပြောလိုက်သည် ：
VOUS LISEZ
Fight The Fire 《火焰戎装》Myanmar Translation
Fiction généraleOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
