[Unicode]
ချွီးယန်ပေါက သက်ပြင်းချလိုက်ပြီး ：
“ ဒီကိစ္စက ပြန့်တာအရမ်းမြန်လွန်းတယ်။ မနေ့ညက တက်လာတယ်၊ ဒီနေ့ကျ အရမ်းပြင်းထန်တဲ့ပြောဆိုမှုတွေက လိုင်းပေါ်မှာဖြစ်နေပြီ။ အထက်က သတိထားမိသွားပြီမလို့ စုံစမ်းစစ်ဆေးရေးအဖွဲ့ကိုလွှတ်ဖို့ ဆုံးဖြတ်လိုက်ပြီ။ ”
ရန်ရိမှာ တစ်ခဏမျှတိတ်ဆိတ်သွားတော့သည် ：
“ ဒါတွေအားလုံးက အဲ့ဒီမိသားစုဝင်အမျိုးသားလုပ်တာ ？”
“ သိပ်မတူဘူး။ ”
ချွီးယန်ပေါက ရှင်းပြလေသည်၊
“ သတင်းရဲ့ဇစ်မြစ်ကို ငါ ဖုခိုင်ကို အစတုန်းကတည်းက စုံစမ်းထားခိုင်းပြီးပြီ။ အစတုန်းကတော့ သူတစ်ယောက်တည်း လိုင်းပေါ်မှာ ပြောဆိုနေတာ။ နောက်ကျတော့ အင်တာနက်အသုံးပြုသူတချို့က comment တွေဝင်ပေးကြတယ်၊ နောက်တော့ media တွေ။ မနေ့ကတုန်းကတော့ ပုံမှန်ချိန် social media ပေါ်မှာ သတင်းပြန့်တဲ့နှုန်းပဲ။ ဒါပေမဲ့ ဒီနေ့ကစပြီးတော့ ပုံမှန်မဟုတ်တော့ဘူး။ တစ်ယောက်ယောက်က နည်းလမ်းတချို့ကနေပြီးတော့ ဒီကိစ္စရဲ့ပွတဲ့နှုန်းကို မြှင့်နေပြီး၊ အင်တာနက်အသုံးပြုသူတွေကြားအပြောများတဲ့အခြေအနေကို ဦးတည်နေတာ။ ”
“ ……ဒါက ဇနီးသည်ဆုံးသွားတာမကြာသေးတဲ့ ယောကျာ်းတစ်ယောက်လုပ်နိုင်တာနဲ့ မတူဘူး။ ”
“ အမှန်ပဲ၊ သူပြောတယ်ဆိုတာကလည်း ဒေါသထွက်ပေါက်ရှာဖို့အတွက်ပဲရယ်။ မိသားစုကို သူ နှစ်သိမ့်ရမယ်၊ နောက်ဆက်တွဲကိစ္စတွေကို ဖြေရှင်းရမယ်၊ ဒေါသထွက်ပေါက်ရှာဖို့ထက် ပိုအရေးကြီးတဲ့ကိစ္စတွေ ရှိတယ်။ အဲ့တာကြောင့် ဒီဟာက တခြားဖုံးကွယ်ထားတဲ့ရည်ရွယ်ချက်ရှိတဲ့လူက လုပ်တာပဲ။ ”
ရန်ရိ စကားပြောမယ်ကြံရုံရှိသေးသည်၊ ဖုန်းက မြည်လာတော့သည်။ ကုံးရင့်ရှန်ဆက်လာတာလို့ သူ အာရုံရနေခဲ့သည်။ ထုတ်ကြည့်လိုက်သောအခါ တကယ်ကြီးဖြစ်နေခဲ့လေသည်။
ဖုန်းကိုင်လိုက်သည်နှင့်၊ ကုံးရင့်ရှန်က တည့်ပြောလာလေသည် ：
YOU ARE READING
Fight The Fire 《火焰戎装》Myanmar Translation
General FictionOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
