Fight The Fire 《火焰戎装》Myanmar Translation

Chapter 134

[Unicode]

ရန်ရိ ဆံပင်ကို ဆွဲဆုပ်မိတော့သည်၊ အခက်​တွေ့မှုများမှာလည်း မျက်နှာအပြည့်ပင်။ တကယ်ကြီး အလွန်ဝမ်း​နည်းနေသည့် ကုံးရင့်ရှန်၏ပုံစံကို ကြည့်ရင်း၊ သူ့အား အသံသွင်းစက်ကို ​ပေးပြီး အမြန်ပြန်သွားခိုင်း​စေချင်သည့်စကားကလည်း ဘယ်လိုမှ ​ပြောမထွက်​တော့​ချေ။

" ဟို၊ ဝင်ပြီး​ ပြောကြတာ​ပေါ့။ "

တစ်ဖက်ရှိဧည့်​တွေ့ခန်းကို ရန်ရိ လက်ညှိုးထိုးပြလိုက်သည်။

နှစ်​ယောက်သည် အခန်းထဲသို့ဝင်သွားပြီး တံခါးကို ပိတ်လိုက်သည်။ ရန်ရိ သက်ပြင်းချလိုက်ပြီး ：

" ဒါက ဘာလဲ။ "

ကုံးရင့်ရှန်သည် စက္ကူအိတ်ထဲမှ လက်​ဆောင်ဘူးတစ်ခုကို ထုတ်လိုက်သည်။ လက်​ဆောင်ဘူးကို ဖွင့်လိုက်​သော်၊ အထဲတွင် အံ့အားသင့်စဖွယ်ရှိ​နေသည်က ကျိုးပဲ့သွားပြီဖြစ်သည့်......အရိုးစုပင်။

"......"

" သူက ငါ ပထမဦးဆုံး​မွေးခဲ့တဲ့ ပုတ်သင်ညို၊ လင်လန် လို့​ခေါ်တယ်။ "

ကုံးရင့်ရှန်က ဝမ်းနည်းစွာနှင့်​ပြော​လေသည်၊

" ​ရှေ့တ​လောတုန်းက သူက အသက်ကြီးလာလို့​သေသွားတာ။ ငါ သူ့ကို ရုပ်ကြွင်းအဖြစ်လုပ်ပြီး​တော့ မင်းကို ​လက်​ဆောင်ပေးချင်ခဲ့တာ။ "

မူလက​တော့ ဤရုပ်ကြွင်းတွင် ထူးခြားသည့်အဓိပ္ပါယ်ရှိ​လေသည်။ သို့​သော် ယခုတွင်မူ ပုံစံ​တောင်ပျက်စီးသွားပြီဖြစ်သဖြင့် လုံးဝကို မမြင်နိုင်​တော့​ချေ။

ကုံးရင့်ရှန်​လက်​ဆောင်ပေးသည့်ပစ္စည်းက ​သေချာ​ပေါက် အများနှင့်မတူတစ်မူထူးခြားနေမည်ကို ရန်ရိ အ​စောကြီးကတည်းက ​တွေးမိ​လေသည်။ သို့​သော် တိရိစ္ဆာန်တစ်ကောင်၏ရုပ်ကြွင်းဖြစ်​နေလိမ့်မည်ဆိုတာကို​တော့ ဘယ်လိုမှ မထင်မိခဲ့​ချေ။ သို့​သော် ထိုအရိုးစုမှာ ဖြူဖြူ​သန့်သန့်​လေးပင်။ ယခုအချိန်တွင် ​ကျောရိုးမှာ အပိုင်းအနည်းငယ်မျှပြတ်သွား​ပြီဖြစ်သော်လည်း အ​ကောင်းပတိအတိုင်းရှိစဥ်က ၄င်း၏ပုံစံကို​တော့ ​ပုံ​ဖော်ကြည့်ကြည့်နိုင်​ပေသည်။ ​သေချာ​ပေါက် စိတ်ပါလက်​ပါလုပ်ထားသည့်ပုံပင်။ သူ ​ပြောလိုက်သည် ：