Fight The Fire 《火焰戎装》Myanmar Translation

Chapter 78+79

[Unicode]

ဗုဒ္ဓဟူး​နေ့​နေ့ခင်းတွင် ကုံးရင့်ရှန်သည် တပ်ဖွဲ့ကိုလာပြီး ရန်ရိအား လာကြိုခဲ့သည်။ နှစ်​ယောက်သည် ကား​မောင်းပြီး ​ဆေးရုံသို့သွားခဲ့ကြသည်။

ဤပုဂ္ဂလိက​ဆေးရုံသည် ဟုန့်ဟွမ်တပ်ဖွဲ့နှင့် နှစ်ဆယ်ကီလိုမီသာမျှသာကွာ​ဝေး​ပေသည်။ ယခင်တုန်းက လမ်းမကြီးတစ်ခုကိုဖြတ်ကူးလိုက်ရုံနှင့် အိမ်ပြန်​ရောက်သည့်အဆင်​ပြေမှုမျိုးကို​တော့ မယှဥ်နိုင်​ချေ။ သို့​သော် ​အရမ်းဝေးသည်ဟုလည်း မဆိုနိုင်​ချေ။

လမ်းတွင်၊ ရန်ရိသည် သူတို့ လျိုတာ့ယုံကိုစစ်​ဆေးသည့်အ​ကြောင်းကို ​မေးလိုက်သည်။

" သူ့ရဲ့သားနဲ့ သူ့ရဲ့ဝမ်းကွဲညီတစ်​ယောက်ကို ရှာ​တွေ့ပြီ။ တစ်လှမ်းတိုးပြီးစစ်​ဆေး​နေတုန်းပဲ။ သူရဲ့အဲ့ဒီညီက အဲ့နှစ်တုန်းက သူနဲ့အတူတူဆီခိုးခဲ့တာ။ ဒါ​​ပေမဲ့ လျိုတာ့ယုံ ​ထောင်ထဲအထည့်ခံရတဲ့အဲ့အ​ခေါက်တုန်းက၊ သူက ဘာလို့ အဖမ်းမခံရလဲမသိဘူး။ ​ပြေးသွားတာဖြစ်မယ်ထင်တယ်။ အဲ့နှစ်တုန်းကကိစ္စကို မလိုက်ဘူးလို့ ငါတို့ကတိ​ပေးလိုက်မှ သူ ဝန်ခံခဲ့တာ။ သူကလည်း အဲ့ဒီတစ်ခုကိုမှတ်မိ​နေခဲ့သည်။ "

" သူ ဘယ်​လောက်မှတ်မိလဲ ？"

" တကယ်​​တော့ ဆယ်ရှစ်နှစ်​တောင်ရှိပြီဆို​တော့ သိပ်​တော့မများဘူး​ပေါ့။ ငါတို့က သူရဲ့မှတ်ဉာဏ်ကို လမ်းပြ​ပေး​နေတုန်းပဲ။ ဒါ​ပေမဲ့ ဘယ်ဓါတ်ဆီဆိုင်လဲဆိုတာကို​တော့ သူက ငါတို့ကိုအတည်ပြု​ပေးခဲ့တယ်။ ဒါ​ပေမဲ့ အဲ့ဒီဓါတ်ဆီဆိုင်က အ​စောကြီးကတည်းကမရှိ​တော့ဘူး။ "

ကုံးရင့်ရှန်၏အကြည့်မှာ အ​ရှေ့သို့ကြည့်​နေဆဲ၊

" ငါတို့လည်း အဲ့နှစ်တုန်းက​ရဲ့ကားမှတ်တမ်း​တွေ၊ ဓါတ်ဆီဆိုင်ဝန်ထမ်းမှတ်တမ်း​​တွေကို ပြန်လှန်​နေတယ်။ ဖြစ်နိုင်တဲ့သဲလွန်စအကုန်လုံးကိုလည်း ရှာ​နေတယ်။ "

" လျိုတာ့ယုံ​ပြောတဲ့ အဲ့ဒီပုံးက၊ ငါ့အထင်က​တော့ သက်​သေအဖြစ်ထိန်းသိမ်းလိုက်ပြီဆိုရင် အနည်းဆုံး​တော့ ဓါတ်ပုံကကျန်​နေခဲ့ရမှာ။ ငါ အဲ့တုန်းက ဘာထူးခြားတဲ့အမှတ်အသားမှမ​တွေ့ခဲ့ဘူး။ ငါ ပြန်သွားပြီ ပြန်ကြည့်ကြည့်ရမယ်။ "