[Unicode]
မီးသတ်ကား အခင်းနေရာသို့ရောက်သော်၊ ရန်ရိသသည် ကားပေါ်တွင်ထိုင်နေသေးပြီး၊ တစ်ဖက်သို့မှောက်နေသည့်ထရပ်ကားနောက်တွဲနှင့် မြေပြင်ပေါ်တွင်လဲကျပြီးမီးလောင်နေသည့် အမည်မသိတိုင်ကီများကို အဝေးမှကြည့်နေရင်း၊ ဦးရေပြားသည် စပ်ဖျဥ်းဖျဥ်းဖြစ်လာလေသည်။
သူသည် အရေးပေါ်ထွက်လာသည့်တပ်သားများအားလုံးကို စကားပြောစက်မှတစ်ဆင့် အသိပေးလိုက်သည် ：
" ကားပေါ်ကမဆင်းခင် မျက်နှာဖုံးတပ်ကြ။ "
" ဟုတ်။ "
ထရပ်ကား တစ်ဖက်သို့မှောက်သွားရသည့်အကြောင်းအရင်းကို အခင်းနေရာမှကြည့်လို့မသိနိုင်ပေ၊ သို့သော် သတင်းပေးတိုင်ကြားသူပြောသည်မှာ၊ ရုတ်တရက်လမ်းကြောင်းပြောင်းလိုက်သည့် လျှပ်စစ်စက်ဘီးကို ရှောင်လိုက်ခြင်းကြောင့်ဖြစ်သည်ဟု ဆိုသည်။ ထို့အပြင်၊ ထိုလျှပ်စစ်စက်ဘီးမှာ အစောကြီးကတည်းက အရိပ်အယောင်ကို မတွေ့ရတော့ချေ။ ယခုအချိန်၌ မြေပြင်ပေါ်တွင်လိမ့်ကျနေသည့် ဓါတုတိုင်ကီအလုံးနှစ်ဆယ်ဝန်းကျင်မှာ ကားပေါ်တွင်သယ်လာခဲ့ခြင်းဖြစ်သည်။ တိုင်ကီသုံး-လေးလုံးမှာ အမည်မသိအရည်များစီးကျနေပြီး၊ မြေပြင်ပေါ်တွင် မီးလောင်နေသည့်လမ်းကြောင်းနှစ်ကြောင်းရှိနေခဲ့သည်။
ထရပ်ကားအနောက်ဘက်ကို ဝင်တိုက်မိထားသည့်ကား၏ဘေးပတ်ပတ်လည်ရှိ လူများနှင့်ကားများမှာ အဝေးသို့ ရှောင်နေခဲ့ကြသည်။ သို့သော် ယောကျာ်းလေးသုံး-လေးယောက်မှာ ဝင်တိုက်မိသည့်ကား၏ကားမှန်ကိုခွဲဖို့ ကြိုးစားနေခဲ့ကြသည်။
ပြဒါးရောင်ဓါတုအကာကွယ်ဝတ်စုံကိုဝတ်ထားသည့် ရန်ရိသည် ကားပေါ်မှခုန်ဆင်းလိုက်ပြီး၊ လက်ဝှေ့ယမ်းကာအော်ပြောလေသည် ：
" အကုန်ဆုတ်ကြ၊ အကုန်လုံး ပြန်ဆုတ်ကြ ！"
အမျိုးသားတစ်ဦးသည် ချောင်းဆိုးရင်းဖြင့် အော်ပြောလာသည် ：
" ကားထဲ၊ ကားထဲမှာ ကလေးရှိတယ် ！"
ရန်ရိ အပြေးလေးသွားလိုက်ပြီး၊ သူတို့အား တစ်ယောက်ပြီးတစ်ယောက် ဆွဲခေါ်လိုက်သည်။ သူတို့အကုန်လုံး ချောင်းဆိုးနေပြီး၊ သွေးများပိတ်ဆို့နေခြင်းကြောင့် မျက်လုံးများနီရဲနေသည်ကို မြင်သော်၊ အလောတကြီးပြောလိုက်သည် ：
ESTÁS LEYENDO
Fight The Fire 《火焰戎装》Myanmar Translation
Ficción GeneralOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
