[Unicode]
ရန်ရိသည် မျက်လုံးကိုပြူးလိုက်ပြီး၊ အသံကိုလည်း မြှင့်လိုက်သည် ：
" ငါ ？မင်းကို ကြောက်တယ် ？"
တစ်ချိန်တည်းမှာပင် သူသည် မတ်တပ်ထလာတော့သည်။
ယန်ကြွယ်က ရန်ရိကို ကြည့်ရင်း ：
" ရှေ့တစ်ခေါက်နောက်ပိုင်းကတည်းက၊ တကယ်တော့ ငါ အခွင့်အရေးရှာပြီး မင်းနဲ့စကားပြောကြည့်ကြည့်ချင်နေခဲ့တာ။ ဒါပေမဲ့ မင်းက ငါ့ကို တောက်လျှောက်ရှောင်နေခဲ့တယ်။ ငါ့ကို တကယ်ကြီး အရမ်းကြောက်သွားတဲ့ပုံစံလိုမျိုးပဲ။ "
" ငါက ဘာလို့ မင်းကို ရှောင်နေရမှာလဲ။ အကုန်လုံးက ဒီအသက်အရွယ်တွေပဲရှိနေပြီဟာကို သိပ်ပွင့်ပွင့်လင်းလင်းကြီးပြောစရာမလိုဘူးမလား။ "
ရန်ရိ ယန်ကြွယ်ကို ရင်ဆိုင်ရာတွင် ချီရှောင်းကဲ့သို့ နူးညံ့မှုနှင့်စိတ်ရှည်မှုများ မရှိပေ။ ပထမအချက်မှာ နှစ်ယောက်၏ခင်မင်ရင်းနှီးမှုက တိမ်နေသေးခြင်းကြောင့်ဖြစ်ပြီး၊ ဒုတိယအချက်မှာ ယန်ကြွယ်က ချီရှောင်းထက် ပို၍သန်မာသည့်ပုံပေါက်နေသောကြောင့် သနားသည့်စိတ်များမှာ သူ့ထံတွင် မပေါက်ဖွားလာခဲ့ပေ။
ယန်ကြွယ်က ရယ်လိုက်ပြီး ：
" ငါကတော့ နည်းနည်းလောက်ပွင့်ပွင့်လင်းလင်းပြောလိုက်တာကမှ ပိုကောင်းမယ်လို့ထင်တယ်။ မဟုတ်ရင် ငါက မင်းရဲ့စိတ်ညွတ်မှုကို ဖော်လိုက်လို့ မင်းက စိတ်ပူနေတာလား၊ ဒါမှမဟုတ် ငါက မင်းအပေါ် စိတ်ဝင်စားမှုရှိမှာကို စိုးရိမ်နေတာလားဆိုတာကို ငါမသိဘူး။ "
ရန်ရိသည် လက်နှစ်ဖက်ကို အိတ်ကပ်ထဲသို့ထည့်လိုက်ပြီး၊ ယန်ကြွယ်အား မေးမော့ကြည့်ရင်း ：
" မင်း ဖော်မှာလား ？မင်း စိတ်ဝင်စားလို့လား ？"
ယန်ကြွယ် ခေါင်းကို စောင်းလိုက်ပြီး ：
" မင်း ငါ့ကို ဘယ်ဟာအရင်ဖြေစေချင်လဲ။ "
" တကယ်တော့ မင်းမဖြေဖို့ ငါမျှော်လင့်တယ်။ "
YOU ARE READING
Fight The Fire 《火焰戎装》Myanmar Translation
General FictionOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
