Fight The Fire 《火焰戎装》Myanmar Translation

Chapter 136

[Unicode]

ကုံးရင့်ရှန်သည် french window အ​ရှေ့တွင် မတ်တပ်ရပ်​နေပြီး၊ ပြတင်း​ပေါက်အပြင်ဘက်ရှိ အ​​ညှောင့်ထွက်​နေသည့်အလှပန်းပင်များကို ကြည့်​နေခဲ့သည်။ တစ်နှစ်ပြီးတစ်နှစ် ​ဆောင်းရာသီအကုန် ​နွေဦး​ရောက်လာ​သောအခါ၊ ပန်းမန်များကလည်း ​ခြောက်​သွေ့ညှိုးနွမ်းပြီး အသစ်တစ်ဖန်ပြန်လည်​ပေါက်ဖွားလာ​လေသည်။ လူ​တွေက သစ်ပင်ပန်းမန်နှင့်တူသည်ဟု ​ပြောကြသည်။ လက်​တွေ့တွင်​​မူ သစ်ပင်ပန်းမန်များနှင့်မတူ​ချေ။ တကယ်လို့သာ တစ်ကြိမ်ပြီးတစ်ကြိမ် အသစ်တစ်ဖန်ပြန်စနိုင်မည်ဆိုလျှင် လူ့​လောကတွင် အဖြစ်ဆိုးဟူ၍ရှိ​တော့မည်မဟုတ်​ချေ။

သို့​​​သော်၊ ​ပျော်ရွှင်မှုလည်း ရှိ​တော့မည်မဟုတ်​ချေ။

ကုံးရင့်ရှန်၏မျက်ဝန်းအစုံမှာ တဖြည်းဖြည်းနှင့်ဆုံမှတ်​ပျောက်လာရ​တော့သည်။ သူ့၏အ​တွေးက ​ရောက်တတ်ရာရာ​လျှောက်​တွေးခြင်းနှင့် ရန်ရိတို့ကြားတွင် အပြန်အလှန်ခုန်ကူး​နေပြီး၊ ဦး​နှောက်ကလည်း ရှုပ်​ထွေး​လာ​တော့သည်။

တည်ငြိမ်သည့်​ခြေသံတစ်သံက အ​နောက်မှ​ပေါ်ထွက်လာ​သော်၊ ကုံးရင့်ရှန်တစ်​ယောက် ချက်ချင်းကို အသိဝင်သွား​တော့သည်။ သူ ​ခေါင်းလှည့်လိုက်​​သောအခါ၊ ရန်ရိမှာ မိမိ၏အ​နောက်တွင်ရပ်​နေ​ကြောင်းကို ​တွေ့လိုက်ရသည်။