[Unicode]
အစတုန်းက မီးသတ်သမား၏အလုပ်သည် အတော်ပင်ပန်းသည်ဟု ရန်ရိထင်ခဲ့မိသည်။ တစ်နှစ်တွင် ပိတ်ရက်ဘယ်လောက်မှမရှိသည့်အပြင်၊ 24နာရီလုံး တာဝန်ထမ်းဆောင်ရသေးသည်။ သို့သော် ကုံးရင့်ရှန်နှင့်ပက်သက်မိသည့်အချိန်တစ်ခုတွင်၊ ရဲသားများသည်လည်း အတော်သနားစရာကောင်းကြောင်းကို သူ သိရှိသွားခဲ့သည်။ သူတို့၏အချိန်အများစုမှာ စခန်းတွင် စောင့်ဆိုင်းနေရပြီး၊ အရေးပေါ်ထွက်ရသည်မှာလည်း အနည်းစုအခြေအနေပင်။ သို့သော် ရဲသား၊ အထူးသဖြင့် မှုခင်းရဲများသည် အချိန်ပိုမဆင်းသည့်အချိန်ဆိုသည်မှာ မရှိသလောက်ပင်။
ယခု ကိုးနာရီပင်ထိုးတော့မည်၊ ကုံးရင့်ရှန်မှာ ဌာနခွဲသို့ အမြန်ပြန်သွားရနေဆဲဖြစ်သည်။
ရန်ရိ နောက်ပြီးပြောလိုက်သည် ：
“ မင်းဟာလေ၊ အေးအေးဆေးဆေး သူဌေးသားတစ်ယောက်ဖြစ်နေရဲ့သားနဲ့၊ ငါ့ထက် နည်းတဲ့လုပ်ခကိုယူပြီး၊ ငါ့ထက် မနည်းတဲ့အလုပ်ကို လုပ်နေတယ်။ တစ်ခါတလေ ငါ မင်းကို တွေးမိရင်လေ၊ တကယ်ကို စိတ်ဝင်စားစရာကောင်းတယ်လို့ထင်မိတယ်။ ”
“ မင်း တစ်ခါတလေ ငါ့ကို တွေးမိတာလား ？”
ကုံးရင့်ရှန်သည် ရန်ရိကို ကြည့်နေခဲ့သည်။
ကုံးရင့်ရှန်တစ်ယောက် ဤစကား၏အဓိကအချက်ကိုဖမ်းတာ သည်လောက်ထူးဆန်းပြီးပြိုင်ဘက်ကင်းလိမ့်မည်ဟု ရန်ရိ ဘယ်လိုမှမထင်ထားခဲ့ပေ။ သူသည် ရေချိုးခန်းထဲကအရှက်ကွဲမှုကို သတိရသွားပြီး၊ ယခု မိမိမှာ ဘာကိုမှမကြောက်နိုင်တော့ဘူးဟု ထင်လိုက်သည်။ သူသည် မျက်လုံးတစ်ဖက်မှိတ်ပြလိုက်ပြီး၊ စနောက်သည့်လေသံဖြင့် ပြောလိုက်သည် ：
“ ဟုတ်တာပေါ့၊ တစ်ခါတလေ ငါ မင်းကို တွေးမိတယ်။ ”
“ မင်း ငါ့ကို ဘာတွေးမိတာလဲ ？”
ကုံးရင့်ရှန်မှာမူ အလွန်လေးနက်စွာမေးနေခဲ့သည်။
“ ……လျှောက်တွေးတာ။ ”
ရန်ရိ ကားတံခါးအနားသို့ ရောက်သွားသောအခါ၊ ကုံးရင့်ရှန်အား ခေါင်းစောင်းကြည့်ရင်း၊
YOU ARE READING
Fight The Fire 《火焰戎装》Myanmar Translation
General FictionOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
