[Unicode]
ရန်ရိသည် သူ့အား တွဲထူလိုက်သည်။ အောက်ဆီဂျင်ဘူးသယ်ထားသည့်စွန်းတင့်ယိသည် အနည်းဆုံး တစ်ရာ့ခုနစ်ဆယ်ရှစ်ဆယ် catty (ပေါင်၂၀၀ဝန်းကျင်)မျှ ရှိသဖြင့်၊ သူပါ ရုတ်တရက်လိုက်ပြီး နစ်ကျလုနီးဖြစ်သွားခဲ့သည်။ သူသည် မျက်နှာဖုံးကို မိမိဦးခေါင်းပေါ်သို့ ပြန်ပြောင်းလိုက်ပြီး၊ စွန်းတင့်ယိ၏ဝတ်စုံကို အားသုံးကာချွတ်နေသည့်တစ်ချိန်တည်းမှာပင် ပြောလိုက်သည် ：
" ကောင်းကယ်၊ လူသုံးယောက်လောက်ကို လွှတ်ပြီး လာကူခိုင်းလိုက်။ အောက်ဆီဂျင်တစ်ဘူးပါ ယူခဲ့။ အမြန် ！"
ကောင်းကယ်၏မျက်နှာတစ်ပြင်လုံးသည် ချွေးများစိုရွှဲနေခဲ့သည်။ သူသည် အမိန့်ပေးလိုက်သည် ：
" ချွေးယိစန့်၊ မင်း သူတို့နှစ်ယောက်ကိုခေါ်ပြီး တွင်းထဲဆင်းသွားလိုက်။ လူအရင်ဆင်းလိုက်၊ အသက်ကိုအောင့်ထား၊ ငါတို့ ပစ္စည်းကိုအောက်ချပေးလိုက်မယ်။ "
" ဟုတ်ကဲ့ ！"
ရန်ရိသည် စွန်းတင့်ယိအား တွဲလျက်၊ ရေနက်ထဲတွင် ခက်ခဲစွာဖြင့် ရှေ့သို့တလိမ့်ချင်းစီသွားနေပြီး၊ စွန်းတင့်ယိနှင့် မကြာခဏ မျက်နှာဖုံးကို အလဲအလှယ်လုပ်နေခဲ့သည်။ လီဆာ့သည်လည်းပဲ ထိုအပြင်ဆရာကို တွဲလျက် အနောက်မှလိုက်လာခဲ့သည်။ ထိုအပြင်ဆရာသည် ကိုယ်ခန္ဓာပိန်သေး၍ တော်သေးသည်။ မဟုတ်ပါက ဤကဲ့သို့သောအခြေအနေမျိုးတွင် သူမသည် တစ်လက်မပင်ရွေ့နိုင်မည်မဟုတ်ချေ။
အဝေးကြီးပင် မသွားရသေး၊ လျိုဟွေးသည် အရင်ဆုံးပြေးလာခဲ့သည်။
ရန်ရိ ဆဲကာပြောလေသည် ：
" ငါ-ိုးထဲမှပဲ ငါ မင်းကို ရှောင်ထောင်းကိုကြည့်ခိုင်းထားတာလေ။ "
" ရှောင်ထောင်းက ကျွန်တော့်ကို လာခိုင်းလိုက်တာ။ "
လျိုဟွေးသည် စွန်းတင့်ယိအား သယ်မည်အပြု၊
" မင်း လီဆာ့ကို သွားကူလိုက်။ ငါတစ်ယောက်ထဲဖြစ်တယ်။ "
လျိုဟွေးသည် အပြင်ဆရာကို သယ်လိုက်ပြီး ：
YOU ARE READING
Fight The Fire 《火焰戎装》Myanmar Translation
General FictionOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
