Fight The Fire 《火焰戎装》Myanmar Translation

Chapter 83

[Unicode]

ရန်ရိ ထိန်းချုပ်အခန်းသို့​ရောက်​သော်၊ အခန်းထဲတွင် လုံခြုံ​ရေး​တွေအပြင် စွန်းတင့်ယိ၊ လျို​ဟွေး၊ အားကစားရုံဝန်ထမ်းများနှင့် ဒီတစ်​ခေါက်တာဝန်ကျရဲအင်အားများ၏​ခေါင်းဆောင် ကျန်းကျုံ့တို့ပါရှိ​နေ​ကြောင်းကို ​တွေ့လိုက်ရသည်။

" ဘာဖြစ်တာလဲ ？"

ရန်ရိသည် တစ်လမ်းလုံးတွင် စိတ်အ​ခြေအ​​နေကို အတတ်နိုင်ဆုံးထိန်းညှိ​လာခဲ့​​လေသည်။ ပုံမှန်ဆိုလျှင် စွန်းတင့်ယိသည် စ​နောက်ရသည်ကိုကြိုက်​​သော်လည်း--ပုံမှန်အချိန်တွင် သူတို့အကုန်လုံး စ​နောက်ရသည်ကိုကြိုက်​ပေသည်--သို့​သော် တကယ့်အ​ရေးကိစ္စတွင်မူ လုံးဝကို​စေ့စပ်​ပေသည်။ စွန်းတင့်ယိ၏​လေသံမှ​နေ၍ သူသည် ကိစ္စ၏အ​လေးအနက်ဖြစ်မှုကို သိနိုင်​ပေသည်။

စွန်းတင့်ယိသည် CCTV ပြ​နေသည့် screen ကို လက်ညှိုးထိုးပြလိုက်ပြီး ：

" ဒီ​နေရာကို ထပ်ပြန်ပြ။ "

လုံခြုံ​ရေးသည် pop-up window တစ်ခုကို ဖွင့်လိုက်ပြီး၊ တစ်ပြိုင်နက်ရှင်းပြ​လေသည် ：

" ကျွန်​တော် ခုနတုန်းက တာဝန်ကျ​နေတုန်း၊ ရုတ်တရက်၊ ရှိသမျှ screen ​တွေ အကုန်လုံးမည်းသွားတာ။ ​နောက်​တော့ ဒီလိုမျိုးဗီဒီယိုတစ်ခု​ပေါ်လာ​တော့တာပဲ။ "

အရင်ဆုံး မျက်နှာပြင်သည် ပိန်းပိတ်​အောင်​မှောင်မည်း​​နေခဲ့သည်။ ​လေး-ငါးစက္ကန့်​လောက်ကြာ​သောအခါ၊ screen ​ပေါ်တွင် ထူးဆန်းသည့်အပြုံးရှိသည့်ငှက်မျက်နှာဖုံးသည် အချက်မ​ပေးဘာမ​ပေးနှင့် ပေါ်ထွက်လာ​လေသည် ！

ရန်ရိ၏နှလုံးသားသည် တစ်ချက်တုန်သွား​လေသည်။ ဒီမျက်နှာဖုံးက မဟုတ်မှလွဲ​ရော......

ကင်မရာသည် တဖြည်းဖြည်းအ​နောက်ဆုတ်သွားပြီး၊ မြင်ကွင်းကိုချဲ့လိုက်သည်။ ငှက်မျက်နှာဖုံးဝတ်ထားသည်မှာ အမည်း​ရောင်တရုတ်ရိုးရာဝတ်စုံကို ဝတ်ထားသည့်​ယောကျာ်းတစ်​ယောက်ဖြစ်​ပြီး၊ ကုလားထိုင်တွင် ​ခြေဗလာနှင့်ထိုင်​နေလေသည်။ ကင်မရာမြင်ကွင်းထဲတွင် လူတစ်​ယောက်နှင့်ထိုင်ခုံတစ်လုံးကလွဲ၍ ဘာပစ္စည်းမှမရှိသည့် အ​မှောင်ထုတစ်ခုသာဖြစ်​သည်။