Fight The Fire 《火焰戎装》Myanmar Translation

Chapter 152

[Unicode]

ရန်ရိက စိတ်ရှည်စွာဖြင့် ​ပြောလိုက်သည်：

“ မင်းတို့ဂိုဏ်းရဲ့ brain wash ထားတာကို ဝါဒဖြန့်ချင်နေသေးတာလား ？ မင်း သေချာနားထောင်၊ မင်းရဲ့ ဘာ‌ေ-ာက်အတွေး၊ ဘာယုံကြည်မှု၊ ဘာဘဝရည်ရွယ်ချက်ကိုမှ ငါ မသိချင်ဘူး။ ငါ သိတာက၊ မင်းက သေရင်တောင် နှမြောဖို့မတန်တဲ့လူသတ်ကောင်၊ ကိုယ့်ရဲ့မိန်းမနဲ့ကလေးတွေကိုတောင်မှ သတ်တဲ့အယုတ်တမာကောင်၊ ပိုများတဲ့အပြစ်မဲ့တဲ့လူတွေကို မင်း ဒုက္ခပေးတာမျိုးကို ငါ တားရမယ်ဆိုတာကိုပဲ။ ”

“ မိန်းမနဲ့ကလေး ” ဟု ဆိုသော်၊ ပိုင်ချစ်ချန်၏မျက်နှာထားမှာ စိုးစဉ်းမျှမပျက်သွားသည့်အပြင် ခိုင်မာစွာဖြင့်၊

“ ကျွန်​တော်က သူတို့ကို သန့်စင်​ပေး​နေတာ၊ ခင်ဗျားနားလည်မှာ မဟုတ်ပါဘူး။ ”

ရန်ရိက ​ဒေါသဖြင့်​ပြော​တော့သည်：

“ ငါ နားလည်ဖို့ မလိုဘူး၊ ငါ မင်းကို ကွပ်မျက်ဖို့ပဲလိုတယ်။ ”

ရန်ရိ၏လက်ကိုင်ဖုန်းမှာ နောက်တစ်ကြိမ်ထပ်မြည်လာခဲ့သည်။ သေချာပေါက် ကုံးရင့်ရှန်မှန်း မကြည့်ဘဲနှင့်သိပေသည်။

ပိုင်ချစ်ချန်မှာ လက်ကိုင်ဖုန်းကို တစ်ချက်ဆွေကြည့်လိုက်ပြီး လက်ခံသည့်ခလုတ်ကို နှိပ်လိုက်‌လေသည်။

ဖုန်းတစ်ဖက်မှာ တိတ်ဆိတ်နေပြီး ခပ်ဖွဖွအသက်ရှူသံကိုသာ ကြားရပေသည်။

အတော်‌လေးကြာမှ  ကုံးရင့်ရှန်၏ အသံထွက်လာခဲ့သည်：

“ ရန်ရိ၊ စကား​ပြော။ ”

သူ စိတ်တည်ငြိမ်သွားလေပြီ။

ရန်ရိမှာ ပိုင်ချစ်ချန်ကို ကြည့်နေပြီး၊ စကားစမြည်အလုပ်၊ ပိုင်ချစ်ချန်က လက်ဦးမှုယူကာပြော၏：

“ ​ဒေါက်တာကုံး၊ ကျွန်​တော်က ပိုင်ယန့်ပါ။ ”

ကုံးရင့်ရှန်၏အသက်ရှူနှုန်းမှာ လေးလံလာပြီး：

“ ရန်ရိ​​ရော၊ ယွဲ့ရှင်းကူ​ရော။ ”

ရန်ရိ အသံကို မြှင့် လိုက်ပြီး ：

“ ငါတို့ လတ်တလောတော့ ဘာမှမဖြစ်ဘူး။ ပိုင်ယန့်ရဲ့ကိုယ်ပေါ်မှာ မသိတဲ့ဓာတုဗုံးတွေရှိတယ်။ ”