[Unicode]
မနက်ပိုင်းအခင်းနေရာကို စစ်ဆေးခြင်းသည် ပြီးဆုံးသွားခဲ့သည်။ အကုန်လုံးမှာ ပင်လည်းပင်ပန်းပြီး ဗိုက်ဆာလည်းဆာနေကြသဖြင့်၊ တန်ဆာပလာများကို သေချာသိမ်းဆည်းပြီး၊ တစ်ယောက်ပြီးတစ်ယောက် အောက်သို့ဆင်းသွားကြသည်။
ချီရှောင်းနိုးလာပြီးနောက် ဆက်လာသည့်ဖုန်းကို ရန်ရိတစ်ယောက် လက်ခံရန်အချိန်မရှိခဲ့သဖြင့်၊ သည်အချိန်တွင် လှေကားဆင်းရင်းဖြင့်၊ ချီရှောင်းဆီသို့ စာလေး-ငါးစောင်လောက် ပြန်လိုက်သည်။ မနက်က အရေးကြီးကိစ္စရှိလို့ အရင်သွားနှင့်လိုက်တာတို့၊ သူ့အင်္ကျီကို ငှားလိုက်တာတို့ စသည်ဖြင့် ပြောပြလိုက်သည်။
တိုက်အောက်သို့ရောက်သော်၊ ရန်ရိသည် ဖုန်းကို သိမ်းလိုက်ပြီး၊ ကုံးရင့်ရှန်အား ကြည့်ရင်းဖြင့် ：
" မင်း ဌာနခွဲကို ပြန်မှာမလား ？သတင်းထူးရင် ငါ့ကို အသိပေးလိုက်။ "
ကုံးရင့်ရှန်သည် ရန်ရိအား အပေါ်အောက်တစ်ချက်အကဲခတ်လိုက်သည်။ အကြည့်မှာ သိပ်မကောင်းချေ။
" ဘာဖြစ်ရပြန်ပြီလဲ ？"
ရန်ရိသည်လည်း သူ့၏အကြည့်အတိုင်း ကိုယ့်အင်္ကျီကိုယ်ပြန်ကြည့်ကြည့်လိုက်သည်။ ဖော်ပြမတတ်အောင် အနည်းငယ်မလုံမလဲဖြစ်နေခဲ့သည်။
" ဒါ ဘယ်သူ့အင်္ကျီလဲ ？"
ရန်ရိသည် အံ့အားသင့်စွာပြောလိုက်မိသည် ：
" အယ့်၊ မင်း ဘယ်လိုလုပ်သိတာလဲ ？"
" မင်းရဲ့လစာနဲ့ အဲ့ဒီတံဆိပ်ကို ဝတ်နိုင်မှာမဟုတ်ဘူး။ "
ကုံးရင့်ရှန်သည် အားမနာလျှာမကျိုးပြောလိုက်သည်။
" ဒါ အရမ်းစျေးကြီးလား။ "
ရန်ရိသည် T-shirt ကို ပြန်ကြည့်လိုက်သည်။ အဖြူရောင်ရှပ်အပေါ်မှာ ပုံလေးနည်းနည်းပါးပါးထည့်ထားတာပဲမဟုတ်ဘူးလားဟ။
" ငါ့အင်္ကျီက အရက်နံ့နဲ့ဆေးလိပ်နံ့တွေ ဆွဲနေလို့၊ သူငယ်ချင်းရဲ့အင်္ကျီကို ဝတ်လာခဲ့လိုက်တာ၊ မင်းနဲ့တွေ့တဲ့အခါကျရင် မင်းထပ်ပြီးစကားမများရအောင်လို့။ "
YOU ARE READING
Fight The Fire 《火焰戎装》Myanmar Translation
General FictionOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
