[Unicode]
ရန်ရိသည် တွဲဖက်ခေါင်းခန်းထိုင်ခုံသို့ သွားမည်အပြု၊ ကုံးရင့်ရှန်သည် ရုတ်တရက် သူ့ဆီသို့ သော့ကို ပစ်ပေးလိုက်သည်။ သူလည်း အလိုအလျောက် လက်ကို ဆန့်မိသွားပြီး လှမ်းဖမ်းလိုက်သည်။
" အမ်？"
" မင်း မောင်းလိုက်။ "
" ဘာလို့လဲ။ "
" ငါ နေလို့မကောင်းဘူး။ "
ကုံးရင့်ရှန်သည် ကျိန်းသေကားမောင်းပေးရမည့်ပုံစံဖြင့် ပြောလာခဲ့သည်။
ရန်ရိလည်း မငြင်းသာဘဲ၊ ကားမောင်းခုံရှိရာဘက်သို့ ပတ်လာကာ၊ တံခါးဖွင့်ပြီး ကားပေါ်သို့ တက်လိုက်သည်။
ကုံးရင့်ရှန်သည် အလွန်သတိကြီးစွာဖြင့် ဘယ်ဘက်အနောက်ခန်းသို့ ဝင်ထိုင်လိုက်သည်။
ရန်ရိသည် ခေါင်းကို လှည့်လိုက်ပြီး သူ့အား စိန်းစိန်းဝါးဝါးကြည့်လေသည် ：
" မင်း ငါ့ကို ကားဒရိုင်ဘာများ မှတ်နေတာလား？"
ကုံးရင့်ရှန်သည် မျက်တောင်တစ်ချက်ခတ်လိုက်သည်။ လက်ဆွဲအိတ်ကို ဖွင့်လိုက်ပြီး၊ ထိုထဲမှ အဖြူရောင်လက်အိတ်တစ်ခုကို ထပ်ထုတ်လိုက်သည် ：
" တကယ်လို့ ငါ မင်းကို ကားဒရိုင်ဘာလို့ သတ်မှတ်ခဲ့ရင်၊ ငါ မင်းကို ဒီဟာ ဝတ်ထားခိုင်းမှာ။ "
ရန်ရိသည် အံကြိတ်လိုက်ပြီး၊ ထို့နောက် ကားစက်စနှိုးလေသည်။
" နောက်ပြီး မင်းရဲ့ ကျွမ်းကျင်မှုလယ်ဗယ်လောက်လေးနဲ့ ငါ့ရဲ့ ကားဒရိုင်ဘာအဖြစ် လုံးဝလုပ်လို့မရဘူး၊ ဒါပေမဲ့ မင်း ဝတ်ချင်သပဆိုလည်း......"
" မဝတ်ချင်ပါဘူး။ "
ရန်ရိသည် ကားထဲတွင် ဆေးဖက်ဝင်အပင်အနံ့များဖြင့် ဖျော့တော့တော့လေး ပြည့်နှက်နေသည်ကို သတိပြုမိသွားသည်။ အနံ့မဆိုးသည့်အပြင် ခြောက်သွေ့ပြီး သန့်ရှင်းသည့်အနေအထားမျိုးကို ပေးစွမ်းပေသည်။ ၎င်းကို ရှူတာကြာသွားသည့်အခါ နေလို့ကောင်းသွားသလို ခံစားရစေပြီး၊ လေတစ်ချက်ရှူသွင်းလိုက်ရုံနှင့် အဆုတ်အစိတ်အပိုင်းအားလုံးသည် သန့်ရှင်းသွားသကဲ့သို့ပင်။
YOU ARE READING
Fight The Fire 《火焰戎装》Myanmar Translation
General FictionOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
