Fight The Fire 《火焰戎装》Myanmar Translation

Chapter 101

[Unicode]

ရန်ရိ နိုးလာသည့်အချိန်တွင် တစ်​ရေးအိပ်လိုက်ရသည်ဟု မခံစားရဘဲ၊ ​​သေရာကပြန်ရှင်လာသည်ဟုသာ ခံစားမိလေသည်။ ခန္ဓာကိုယ်​ပေါ်တွင် မနာသည့်​နေရာ မရှိသ​လောက်နီးပါးပင်......

ဤတစ်ညတွင်ဖြစ်ပျက်ခဲ့သည့်ကိစ္စများကို ပြန်​တွေးမိ​သောအခါ၊ ရန်ရိသည် ​ခေါင်းအုံးကိုဆွဲယူလိုက်ပြီး မျက်နှာကို အုပ်ပစ်လိုက်ကာ၊ အားပါးတရအာ​ခေါင်ခြစ်​အော်ပစ်လိုက်​တော့သည်။ နှလုံးသားတစ်ခုလုံးကလည်း အပြင်းအထန်ကို မရပ်မနားခုန်​နေ​​လေသည်။ ယခုအချိန်အထိ ဤအရာက တကယ်လားဆိုတာကို​တောင်မှ သူ မယုံရဲ​​​သေးချေ။ သို့​သော် ​သေချာ​ပေါက် အိပ်မက်မက်​နေခြင်းမဖြစ်နိုင်​ပေ၊ အိပ်မက်မက်​နေခြင်းဆိုပါက သည်​လောက်ခံရခက်​နေလိမ့်မည်မဟုတ်​ပေ။

ဘယ်လိုလုပ်မလဲ၊ ​နောက်ပိုင်းကျ ဘယ်လိုဖြစ်မှာလဲ ？အခု ကုံးရင့်ရှန်က သူ့ကို ဘယ်လိုမြင်မှာလဲ ？

တစ်ဖက်ရှိလစ်ဟာ​နေသည့်​နေရာကို သူ တစ်ချက်ကြည့်ကြည့်လိုက်သည်။ ကုံးရင့်ရှန်သွားပြီလား မသိ​ချေ။ သူ့စိတ်ထဲတွင် စိတ်လည်းပျက်သွားမိသလို၊ ဝမ်းလည်းသာမိသည်။ အကယ်၍ တကယ်သွားပြီဆိုရင်​တော့၊ ဆန့်ကျင်ဘက်​အနေနဲ့ အရှက်သက်သာသွားရတာ​ပေါ့။

ကုတင်​ပေါ်တွင် ခဏ​လောက်လဲ​နေလိုက်ပြီး၊ ရန်ရိသည် ကိုယ့်ကိုယ်ဘာသာကိုယ်အဖျားတိုင်းကြည့်ကြည့်လိုက်သည်။ 38° အဖျား​ငွေ့​ငွေ့​လေးရှိ​​နေသေး​ကြောင်းကို ​တွေ့လိုက်ရသည်။ သို့​သော် မနေ့က​လောက်​တော့ မမူး​တော့​ချေ။ နာကျင်မှုကို သူသည်းခံရင်း၊ ကုတင်​ပေါ်မှ ကုန်းရုန်းထလိုက်သည်။ ​တောင်​​တွေးမြောက်​တွေး​,တွေး​နေလည်း ဘာမှအသုံးမဝင်​ပေ။ သူလုပ်​ဆောင်ရမည့်ကိစ္စ​တွေ အများကြီးရှိ​သေးသဖြင့်၊ သူ အတတ်နိုင်ဆုံးမြန်မြန်​ပြန်ကောင်း​အောင်လုပ်ရ​​ပေမည်။

​ခြေ​ဖျားက ကြမ်းပြင်ကိုထိလိုက်သည်နှင့်၊ ​ခြေနှစ်​ချောင်းမှာ​ ပျော့​ခွေသွား​ရတော့သည်။ ကုတင်ကို​သာ မထောက်ထားပါက ကြမ်းပြင်တွင် ဒူး​ထောက်လျက်သားဖြစ်ဖို့နည်းနည်းသာလို​တော့သည်။ သူ့စိတ်ထဲတွင် ကုံးရင့်ရှန်ကို အသံတိတ်တစ်ချက်ဆဲလိုက်သည်။ အစက​တော့ သူသည် ဦး​ဆောင်ဖို့အခွင့်အ​ရေးကိုဆုပ်ကိုင်ဖို့အတွက် အခွင့်အ​ရေးရှိဦးမည်ဟု ထင်ခဲ့မိသည်။ ​နောက်ဆုံး​တော့......၄င်းသည် အပြင်ပန်းသဏ္ဌာန်နှင့်ဆုံးဖြတ်သည့် ဆိုးဝါးသည့်အဆုံးသတ်ဖြစ်သွားရ​လေသည်။