[Unicode]
စွန်းတင့်ယိသည် အသက်ကယ်ကြိုးကိုထုတ်လိုက်ပြီး :
" ခေါင်းဆောင်ရန်၊ ကြိုးချည်ထားလိုက်ပါလား။ "
" ကောင်းပြီ။ "
ရန်ရိသည် နှစ်ယောက်ကို ကြိုးဖြင့်ချည်လိုက်သည်။ ကြိုး၏တခြားတစ်ဖက်သည် စွန်းတင့်ယိ၏လက်ထဲတွင်ဖြစ်သည်။
" မင်းတို့မှာရှိတဲ့ မီးသတ်ဆေးဘူးတွေအကုန်လုံး ငါတို့ကိုပေးလိုက်။ "
သူတို့သည် သယ်ရလွယ်သည့်မီးသတ်ဆေးဘူးများကိုသာ ယူလာခဲ့ကြသည်။ သို့သော်၊ အရေးကြုံလာလျှင် ဘာမှမရှိတာထက်စာလျှင်တော့တော်သေးပေသည်။
ရန်ရိသည် အပျက်အစီးများ၏အနက်ပိုင်းသို့ မျှော်ကြည့်ကြည့်လိုက်သောအခါ စိတ်ထဲတွင် အနည်းငယ်ကြောက်ရွံ့နေခဲ့သည်။ ဤနေရာတွင် ဒုတိယအကြိမ်ပြိုကျနိုင်သည့်အန္တရာယ်မှာ အချိန်မရွေး ရှိပေသည်။ သူတို့ အရှေ့သို့တစ်လှမ်းတိုးလိုက်တိုင်း သေမင်းနှင့်နီးကပ်လာလာတာမျိုးဖြစ်နေနိုင်ပေသည်။
အန္တရာယ်ရှိမှန်းသိလျက်နှင့် နောက်သို့တွန့်ဆုတ်နေခြင်းမရှိသည်က မီးသတ်သမားသာဖြစ်သည်။
ရန်ရိနှင့်ကုံးရင့်ရှန်တို့သည် တစ်ယောက်ကိုတစ်ယောက်ကြည့်လိုက်ကြပြီး :
" သွားရအောင်။ "
ကုံးရင့်ရှန်သည် သူ့အား တည်ငြိမ်ပြီးကြောက်ရွံ့မှုကင်းသည့်အကြည့်ဖြင့် ပြန်ကြည့်လိုက်သည်။
ရန်ရိသည် ခေါင်းကိုလှည့်ပြီး အရှေ့ဘက်သို့ကျော်ခွသွားတော့သည်။ ဤနေရာမှနေ၍ ပေါက်ကွဲသည့်နေရာအထိ အကွာအဝေးမှာ ဘယ်နှဆယ်မီတာမျှမရှိပေ။ ပုံမှန်ဆိုလျှင် ခြေလှမ်းသုံး-လေးလှမ်းလောက်ဖြင့် ရောက်ပြီဖြစ်သည်။ ယခုအချိန်တွင်မူ ခက်ခက်ခဲခဲနှင့်ကျော်ခွသွားနေခဲ့ရသည်။ ကလိုင်များနှင့်မညီမညာဖြစ်နေသည့် အပျက်အစီးကြားထဲတွင် သူတို့သည် ခြေထောက်သေချာချဖို့နေရာကို မနားတမ်းရှာဖွေနေခဲ့ကြပြီး၊ ဦးခေါင်အထက်ရှိ အထောက်အကန်ပေးထားသည့်ပစ္စည်းများ ခိုင်မခိုင်ကိုလည်း အချိန်မရွေးသတိထားနေရသေးသည်။
YOU ARE READING
Fight The Fire 《火焰戎装》Myanmar Translation
General FictionOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...