Fight The Fire 《火焰戎装》Myanmar Translation

Chapter 111

[Unicode]

ဖုန်းတစ်ဖက်ကတုံ့ပြန်မှုမှာ တုံ့ပြန်မှုကင်းမဲ့​နေ​ခဲ့သည်။

ရန်ရိလည်း စကားမ​ပြောဘဲနှင့် ကုံးရင့်ရှန်ကိုသာ စိတ်ရှည်ရှည်နှင့်​စောင့်ဆိုင်း​နေ​လေသည်။

အ​တော်ကြာ​တော့မှ ကုံးရင့်ရှန်သည် ထိတ်လန့်သွားသလိုမျိုးအသံနှင့်​​မေးလိုက်သည် ：

“ ဆက်​ပြော။ ”

“ မင်းမှတ်မိလား၊ ဟိုတစ်​ခေါက်တုန်း မင်း ငါ့ကို ဓါတုတိုင်ကီ​တွေကိုကူ​ဖြေရှင်း​ပေးတဲ့အချိန်တုန်းက ဝတ်ခဲ့တဲ့အကာကွယ်ဝတ်စုံကို။ ”

“ မှတ်မိတယ်။ ”

“ ငါတို့ဝတ်တဲ့ အဲ့ဒီ gas mask က၊ မျက်မှန်​နေရာက နှင်း​​လျှောစီးမျက်မှန်တို့၊ ​ရေကူးမျက်မှန်တို့လိုမျိုးနဲ့တူတယ်။ အသက်ရှူတဲ့အ​ပေါက်က ထူပြီးတိုတယ်၊ စလင်ဒါပုံစံရှိတယ်။ ပါးနှစ်ဖက်မှာလည်း အရမ်းကြီးတဲ့ filter box တစ်ခုစီတပ်ထား​သေးတယ်။ ”

ကုံးရင့်ရှန်သည် ​တစ်ခုခုကိုရေး​ရေး​လေးသ​ဘော​ပေါက်သွား​လေသည်။

“ အဲ့တာက ပုံစံသစ် gas mask. အရမ်းအသစ်ကြီးရယ်​တော့လည်း မဟုတ်ဘူး။ ငါ ရဲတက္ကသိုလ်တက်တဲ့အချိန်တုန်းကတည်းက အဲ့လိုမျိုးကရှိ​နေနှင့်ပြီ။ ဒါ​ပေမဲ့ ပုံစံ​ဟောင်း gas mask က​တော့ အဲ့လိုမျိုးမဟုတ်ဘူး။ ”

ရန်ရိ အသက်ပြင်းပြင်းတစ်ချက်ရှူသွင်းလိုက်ပြီး၊ ဆက်​ပြောလိုက်သည်၊

“ ပုံစံ​ဟောင်း gas mask——ငါ့အ​ဖေတို့​ခေတ်တုန်းကဟာ။ အရင်ဆုံး မျက်မှန်​နေရာက ခြားထားတဲ့မှန်အဝိုင်းကြီးနှစ်ခု၊ ပါးနှစ်ဖက်မှာ ချိတ်ထားတဲ့ filter box မရှိဘူး။ Filter ​တောင့်နဲ့ အသက်ရှူတဲ့အ​ပေါက်က တစ်ခုတည်းဖြစ်သွားပြီး​တော့ filter တစ်ခုအဖြစ်ဖြစ်သွားတာ။ Filter က အခုရဲ့အသက်ရှူ​ပေါက်​လောက် မထူ​ပေမဲ့၊ ပို​တော့ရှည်တယ်။ ”

[ TN : ပုံမထည့်​တော့ဘူး​နော်၊ မမှတ်မိဘူးဆိုရင် ​အရှေ့ Chapter ​ရဲ့အောက်ဆုံးမှာ ပြန်ကြည့်​လိုက်ကြပါ။ ]

“ မင်း ​ပြောချင်တာက……ငါ​တွေ့ခဲ့တဲ့ ငှက်မျက်နှာဖုံးက တကယ်တော့ ပုံစံ​ဟောင်း gas mask ဆိုတာလား။ ”