[Unicode]
" ရန်ရိ၊ ရန်ရိ ！"
ယန်ကြွယ်နှင့်တခြားရဲဘော်တို့သည် ရန်ရိအား စင်မြင့်ပေါ်သို့ သယ်သွားခဲ့ကြသည်။ သူသည် မိမိ၏အသက်ရှူကိရိယာကို ရန်ရိ၏နှာခေါင်းပေါ်တွင် အုပ်ပေးလိုက်သည်။
ရန်ရိ၏မျက်ခွံမှာ တောက်လျှောက်အောက်သို့ကျနေခဲ့သည်။ သူသည် အသက်ရှူကိရိယာကို အားနှင့်တွန်းနေပြီး၊ လည်ချောင်းထဲကလည်း အက်ကွဲခြောက်ကပ်နေသည့်ညည်းသံထွက်နေလေသည်။ သူသည် နောက်ဆုံးသောအသိစိတ်ကလေးတချို့ကို အတင်းတွယ်ကပ်နေကာ၊ ယန်ကြွယ်၏အင်္ကျီလက်အနားကို အားမရှိစွာဖြင့်ဆုပ်ကိုင်ထားလေသည် ：
" စွန်းတင့်ယိ......စွန်း......တင့်ယိ...... "
ယန်ကြွယ်မှာ သူ့၏ဖရိုဖရဲဖြစ်နေသည့်မျက်နှာကိုကြည့်ရင်း ရင်နာလာရတော့သည် ：
" မင်း စကားမပြောနဲ့တော့။ "
" စွန်း......တင့်ယိ...... "
ရန်ရိ၏မျက်ရည်စများသည် ပါးတလျှောက်စီးကျလာခဲ့သည်။
ယန်ကြွယ်သည် ရန်ရိ၏ဆံပင်ကို သပ်ပေးလိုက်သည်။ သူသည် ပါးစပ်ကို ဖွင့်လိုက်ပိတ်လိုက်နှင့်လုပ်နေခဲ့သော်ငြားလည်း စကားမှာပြောမထွက်ခဲ့ချေ။ မျက်ခမ်းစပ်များမှာ နီရဲနေပြီး၊ ရင်ထဲတွင်လည်း အလွန်ဝမ်းနည်းနေမိတော့သည်။
တပ်သားနှစ်ယောက်သည် ထိုဒဏ်ရာရနေသည့်ဖခင်ကိုလည်း စင်မြင့်ပေါ်သို့ သယ်လာခဲ့သည်။ စင်မြင့်သည် ဆက်ထားသည့်စင်္ကြံကို၊ မီးလောင်ပြင်ကို အမြန်ဆုံးသောအလျင်နှင့် ခွာလာခဲ့ပြီး၊ မြေပြင်ဆီသို့နိမ့်ဆင်းသွားလေသည်။
မှုန်မှိုင်းပြီးအေးစိမ့်သည့်လေသည် ရန်ရိ၏ကိုယ်ထဲသို့ စိမ့်ဝင်လာခဲ့ပြီး၊ အခင်းနေရာက ထွက်ပေါ်လာသည့် ဝမ်းနည်းပူဆွေးသည့်ငိုကြွေးသံများ၊ မီးကျီခဲနံ့များပြည့်နှက်နေသည့်ထိုလေအေးနှင့် ဖုန့်မှုန့်များဖုံးလွှမ်းနေသည့်ကောင်းကင်ယံတို့သည် စိတ်ကိုတင်းကြပ်စေသည်မှာ လူကို အသက်ပင်ရှူမရအောင်ဖြစ်စေခဲ့သည်။
أنت تقرأ
Fight The Fire 《火焰戎装》Myanmar Translation
قصص عامةOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
