Fight The Fire 《火焰戎装》Myanmar Translation

Chapter 56

[Unicode]

ချိုးယန်သည် ​ဆေးလိပ်​ကိုသောက်ပြီး၊ တိတ်ဆိတ်သွား​​တော့သည်။

သူမ၏တိတ်ဆိတ်မှုသည် ရန်ရိအား အလွန်စိတ်လှုပ်ရှား​စေ​ပေသည်။ ကုံးရင့်ရှန်က ချိုးယန်အ​ပေါ်ပြုမူသည့်အပြုအမူမှာ ပုံမှန်မ​ဟုတ်ကြောင်းကိုသာ သူသတိထားမိပြီး၊ ချိုးယန်က ကုံးရင့်ရှန်အ​ပေါ် ဘယ်လိုသ​ဘောထားသလဲဆိုတာကို​တော့ သူမသိ​ချေ။ ဤ​မေးခွန်းကလည်း သူ အမြဲရှောင်လွှဲချင်​နေသည့်အရာပင်။ တကယ်လို့များ သူမလည်း……

ချိုးယန်သည် ရန်ရိကို ကြည့်လိုက်ပြီး၊ သက်ပြင်းဖွဖွချကာ ​ပြောလာသည် ：

“ ကျွန်မမှာ စိတ်ညွတ်မှုကိုခွဲခြားတာမျိုးမရှိသလို၊ ရှင့်ကို တိုက်ခိုက်ချင်လို့လည်းမဟုတ်ဘူး။ ဒါ​ပေမဲ့၊ ကျွန်မ ရှင့်ကို ​အကြံ​ပေးချင်တယ်၊ ဒီစိတ်ကူးကို လက်​လျှော့လိုက်ပါ​တော့။ ”

ရန်ရိတစ်​ယောက် ချိုးယန်အား ​ကြောင်​တောင်​တောင်နှင့်ကြည့်​နေခဲ့သည်။

“ ​ခေါင်း​ဆောင်ရန်၊ ရှင်က ​လေးစားဖို့ထိုက်တန်တဲ့လူ​ကောင်းတစ်​ယောက်ပါ။ ကျွန်မနဲ့ရင့်ရှန်ရယ်ကလည်း ရှင့်ကို သူငယ်ချင်းအဖြစ်သ​ဘောထားတယ်။ အထူးသဖြင့် ရင့်ရှန်၊ သူက ရှင့်ကို အရမ်းယုံစားတယ်။ တကယ်လို့ ရှင်က သူ့အ​ပေါ် ဒီလိုမျိုး​တွေးတယ်ဆိုတာကို သူ့ကို သိသွား​​စေခဲ့မယ်ဆိုရင်၊ သူ…… ”

ချိုးယန်တစ်​ယောက် ​ပြောထွက်ဖို့ခက်​နေသည့်ပုံပင်။

ရန်ရိသည် ​ခေါင်းတငြိမ့်ငြိမ့်နှင့် ဘာမှတ်ချက်မှမ​ပေး​ပေ။ လုံးဝကြီးရင်းနှီး​နေတာမျိုးမဟုတ်သည့်လူအ​ရှေ့တွင် သူသည် “ အချစ်၏သန္နိဌာန်” တို့ဘာတို့ကို ကျမ်းကျိန်ဆိုပြ​နေဖို့ စိတ်ကူးမရှိ​ချေ။ သိပ်ကို ရူးမိုက်လွန်း​ပေသည်။ ချိုးယန်က ဘာရည်ရွယ်ချက်နဲ့လဲ၊ ဘယ်လို​တွေး​နေသလဲဆိုတာကို သူ ဂရုစိုက်​ပေ။ သူသ​ဘောကျတာက သူ့၏ကိစ္စပင်။ ချိုးယန်မ​ပြောလျှင်တောင်မှ၊ သူကလည်း သူနှင့်ကုံးရင့်ရှန်တို့၏လက်ရှိအ​ခြေအ​နေကို ​ပြောင်းလဲပစ်ဖို့ရန်အတွက် စိတ်မကူးထားချေ။