[Unicode]
ရန်ရိ ပြန်နိုးလာသည်အချိန်တွင် လူက ဆေးရုံသို့ရောက်နေပြီဖြစ်သည်။
ဦးခေါင်းမှဖိအားသည် မကျသေးသောကြောင့် သူ့လူတစ်ကိုယ်လုံးသည် ချာချာလည်မူးနေခဲ့သည်။ နားထင်ကလည်း တစ်ချက်တစ်ချက်ကျုံ့သွားပြီး၊ ခေါင်းလည်းအရမ်းကိုက်နေခဲ့သည်။ မိနစ်အနည်းငယ်လောက်ကြာပြီးမှ ပုံမှန်ပြန်ဖြစ်လာခဲ့သည်။
သူလက်ကို ဆန့်ထုတ်ပြီး လည်ပင်းကို စမ်းကြည့်လိုက်သောအခါ အရေပြားမှာ လုံးဝအကောင်းတိုင်းဖြစ်နေခဲ့သည်။ မီးလောင်သည့်နေရာမှ ကယ်ထုတ်လာသည့်လူအကုန်လုံးနီးပါးလောက်မှာ Carbon monoxide အဆိပ်မိကြတာချည်းဖြစ်သည်။ သူ အများကြီးကို ကယ်ခဲ့ဖူးလေသည်။ အကယ်၍ ရောဂါလက္ခဏာပြင်းထန်ပါက အရေးပေါ်ကယ်ဆယ်ရေးသမားသည် လေပြွန်ကို နေရာ၌ပင် ခွဲစိတ်လိုက်နိုင်ပေသည်။ ကြည့်ရသည်မှာ မိမိသည် မပြင်းထန်ဘူးဟု ဆိုနိုင်ပေသည်။
ဒါဆို ကုံးရင့်ရှန်ရော ？ကုံးရင့်ရှန် ဘယ်လိုဖြစ်သွားပြီလဲ ？！
သူ ဘဲလ်ကိုနှိပ်လိုက်သည်။ ခဏကြာသော်၊ သူနာပြုတစ်ယောက်ယောက် ဝင်လာခဲ့လေသည် ：
" ခေါင်းဆောင်ရန်၊ မင်း နိုးပြီလား။ "
" ကျွန်တော်နဲ့အတူရောက်လာတဲ့တစ်ယောက်ရော ？"
ရန်ရိ စိတ်လှုပ်ရှားစွာမေးလိုက်သည်။
" သူ ဘယ်လိုဖြစ်သွားပြီလဲ ？"
" ရဲအရာရှိကုံးလား။ သူက ဒဏ်ရာမပြင်းပါဘူး၊ သူ အခု Hyperbaric Therapy ခန်းထဲမှာ ကုသမှုခံယူနေတယ်။ ခဏနေဆို ပြီးလောက်ပါပြီ။ "
ရန်ရိတစ်ယောက် စိတ်သက်သာရာရသွားရတော့သည် ：
" ကျွန်တော် သတိမေ့နေတာ ဘယ်လောက်ကြာပြီလဲ ？"
" အကြမ်းအားဖြင့် ဆယ့်လေး-ငါးနာရီလောက်ပေါ့။ မင်းလည်း ခုနကမှ Hyperbaric Therapy အခန်းကနေ ပြန်ရောက်လာတာ။ "
Oops! This image does not follow our content guidelines. To continue publishing, please remove it or upload a different image.
YOU ARE READING
Fight The Fire 《火焰戎装》Myanmar Translation
General FictionOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
