[Unicode]
ချိုးယန် စဥ်းစားကာပြောလေသည် ：
“ တကယ်ဆို ကျစ်ယန့်က အဲ့နှစ်တုန်းကလူသတ်သမားမဟုတ်ဘူးဆိုရင်၊ သူက ဘာလို့ ငှက်မျက်နှာဖုံးကိုဝတ်ထားရတာလဲ။ ”
သူမသည် တစ်ခုခုကိုစဥ်းစားမိသွားသည့်နှယ်၊
“ ရင့်ရှန်၊ သူ အဲ့ဒီမျက်နှာဖုံးကို ဝတ်ထားတာက နင့်ကြောင့်များဖြစ်နေမလား။ နင့်ရဲ့အတွေးကို ရှုပ်ထွေးအောင်လုပ်ဖို့လေ။ ”
ကုံးရင့်ရှန်၏အကြည့်သည် ပြောင်းသွားခဲ့ပြီး ：
“ ဟုတ်တယ်၊ ဟုတ်တယ် ！သူက ဗီဒီယိုစကတည်းက ကျွန်တော်တို့နဲ့စကားပြောနေတဲ့လေသံမျိုးနဲ့ အသေးစိတ်ဖော်ပြနေတာ။ အဲ့ဒီမျက်နှာဖုံးပဲဖြစ်ဖြစ်၊ သူပြောတာပဲဖြစ်ဖြစ် အကုန်လုံးက ကျွန်တော်တို့ကို ထင်စေတာက၊ သူ ပစ်မှတ်ထားနေတာက ကျွန်တော်တို့လို့၊ ကျွန်တော်တို့ကို လက်စားချေနေတာလို့၊ စစ်ကြေညာနေတာလို့ဆိုပြီး။ ဒါပေမဲ့ ဒါကလည်း သူက ကျွန်တော်တို့ကို ရှုပ်ထွေးအောင်လုပ်တဲ့နည်းလမ်းသက်သက်ပဲဖြစ်ချင်လည်းဖြစ်နိုင်တယ်။ အဲ့တာကိုသုံးပြီး ကျွန်တော်တို့ရဲ့အတွေးကို ကန့်သတ်ပစ်လိုက်တာမျိုးပေါ့။ တကယ်တော့ ကျွန်တော်တို့က အစကနေအဆုံးထိနားမလည်ခဲ့ဘူး၊ တကယ်တမ်း သူရဲ့ရည်ရွယ်ချက်က ဘာလဲဆိုတာကို။ ”
ရန်ရိသည် အသံတိုးတိုးလေးနှင့်ပြန်ပြောလိုက်သည် ：
“ ရည်ရွယ်ချက်…… ”
“ လက်စားချေတာလား ？ဆွပေးတာလား ？ဒီတိုင်း အပြစ်ကျူးလွန်ချင်လို့များလား ？”
ချိုးယန်သည် မျက်မှောင်ကိုတင်းတင်းကြုတ်ထားပြီး၊ ကိုယ့်ဘာသာကိုယ်မေးပြီး ကိုယ့်ဘာသာကိုယ်ပြန်ဖြေနေခဲ့သည်။
“ သူရဲ့ ရည်ရွယ်ချက်က တကယ်ပဲ ဘာလဲ။ ”
“ Prometheus，သာသနာပြုသူ၊ မီး၊ မီးကြီးလောင်တာ…… ”
ကုံးရင့်ရှန်သည် ဗီဒီယိုထဲတွင် ကျစ်ယန့်ပြောဖူးသည့်စကားလုံးသုံး-လေးလုံးတို့ကို ထပ်ခါထပ်ခါရေရွတ်နေပြီး၊ ပိုပြီးနက်နဲသည့်အတွေးထဲသို့ ကျရောက်သွားတော့သည်။
ESTÁS LEYENDO
Fight The Fire 《火焰戎装》Myanmar Translation
Ficción GeneralOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
