[Unicode]
ယခု ကုံးရင့်ရှန်၏အံ့ဩဒေါသဖြစ်မှုကို ရန်ရိ အပြည့်အဝနားလည်နိုင်ပေသည်။ သူ နှစ်သိမ့်ကာပြောလိုက်သည် ：
" ရင့်ရှန်၊ မင်း စိတ်အေးအေးထား၊ မင်းက အခင်းနေရာမှာလား ？"
" ငါ အခင်းနေရာကိုသွားနေတုန်း။ "
ကုံးရင့်ရှန်၏အသံမှာ တုန်ယင်နေဆဲ။
" မင်းကော ？"
" ငါလည်း လမ်းမှာပဲ။ မင်း အခင်းနေရာရဲ့အခြေနေကို သိလား ？"
" ပေါက်ကွဲတဲ့နေရာက ကျိုးချွမ်းရဲ့လူနာခန်းဆိုတာကိုပဲ ငါ သိတယ်။ "
ကုံးရင့်ရှန်သည် အသက်ကိုအနည်းငယ်စီရှူရင်း အံကိုကြိတ်ကာပြောလေသည်။
" အခု အနောက်ဘက်လူနာဆောင်က ပြိုကျနေတယ်။ ကျိုးချွမ်းက အသက်ရှင်နိုင်ချေမရှိလောက်ဘူး။ ဒီအယုတ်တမာကောင်တွေ......ခွေးတိရိစ္ဆာန်တွေ...... "
သူတို့သည် ဤပြစ်မှုကျူးလွန်သည့်အဖွဲ့အစည်း၏ ရှုပ်ထွေးနေသည့်အရိပ်ကို မကြာသေးခင်ကမှရှာတွေ့ထားရုံပဲရှိသေးသည်၊ တစ်ဖက်က လူသတ်ပြီးသက်သေကိုဖျောက်ဖျက်ပစ်လိုက်ပြီဖြစ်သည်။ ယခုလက်ရှိအခြေအနေအရဆိုလျှင် ကျိုးချွမ်းသည် အကြီးမားဆုံးသောဟာကွက်ဖြစ်နိုင်ပေသည်။ သူ့၏သေဆုံးခြင်းက ကုံးရင့်ရှန်အပေါ် ရိုက်ချက်အတော်ပြင်းပေသည်။ သည့်အပြင် အပြစ်မဲ့ပြည်သူများပါ ငြိစွန်းစေခဲ့လေသည်။
" သူတို့ ဒီလိုမျိုးကိစ္စကိုလုပ်ရဲတာက ဆောက်တည်ရာမရဖြစ်နေတာပဲ။ စီစဥ်ရတဲ့အချိန်က ဒီလောက်တောင်တိုတောင်းတာဆိုတာ ကျိန်းသေပေါက် အားနည်းချက်တွေအများကြီးကျန်ခဲ့မှာပဲ။ "
ရန်ရိသည် ခိုင်မာသည့်လေသံဖြင့် နှစ်သိမ့်ကာပြောလိုက်သည်။
" စိတ်ချပါ၊ မင်း သူတို့ကိုဖမ်းမိဖို့ တစ်လှမ်းပိုနီးလာခဲ့ပြီ။ "
ကုံးရင့်ရှန် အသက်ပြင်းပြင်းရှူသွင်းလိုက်ပြီး ：
" မင်းရောက်ဖို့ ဘယ်လောက်ကြာဦးမလဲ ？"
YOU ARE READING
Fight The Fire 《火焰戎装》Myanmar Translation
General FictionOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
