[Unicode]
ရန်ရိသည် ကုံးရင့်ရှန်မျက်နှာအားကြည့်ပြီး မှင်သက်ကာ အတွေးထဲတွင် နစ်မျောသွားသည်။
ကုံးရင့်ရှန်ကမူ သူ့အား အရေးမလုပ်ပေ။
" ဖေးလန်၊ အစ်ကို ညီမလေးကို အိမ်ပြန်ပို့ပေးမယ်။ "
ကုံးဖေးလန်သည် ခေါင်းကိုငုံ့ထားပြီး စကားမပြောပေ။
" အရင်ဆုံး ငါ့အိမ်ကို သွားရအောင်၊ ဒေါ်လေးကို ငါပြောပေးမယ်။ "
" ဘာပြောစရာလိုလို့လဲ။ "
ကုံးဖေးလန်သည် အေးတိအေးစက်ပြုံးလိုက်ကာ၊
" ငါ တစ်သက်လုံး အိမ်ပြန်မလာခဲ့ဘူးဆိုရင်တောင်မှ သူ သိမှာမဟုတ်ဘူး။ "
" အရင်ဆုံး ငါနဲ့အတူ ပြန်ရအောင်။ "
ကုံးရင့်ရှန်သည် ရန်ရိအား တစ်ချက်စောင်းကြည့်လိုက်ပြီး၊
" ဒီလိုနေရာမျိုးကို နင် နောက်တစ်ခါ ထပ်မလာနဲ့တော့။ "
ရန်ရိသည် အသိပြန်ဝင်လာခဲ့သည်။ စိတ်ထဲတွင် တွေးမိသည်၊ ဒီရုပ်ရည်ကြောင့် အသိစိတ်လွတ်သွားခဲ့တာပဲ၊ လူကို စိတ်အနှောက်အယှက်ဖြစ်ရအောင်လို့ ဒီလူက ဘယ်လိုဖြစ်ပြီး ဒီလောက် ဆွဲဆောင်မှုရှိနေရတာလဲ။
" ဘာကို ' ဒီလိုနေရာမျိုး ' လို့ ခေါ်တာလဲ ？"
သူသည် လက်နှစ်ဖက်အား ရင်ဘတ်ရှေ့တွင် ယှက်ထားပြီး ကုံးရင့်ရှန်အား ကြည့်လေသည်၊
" ဒီနေရာက၊ ဟုန်ဝူခရိုင်၊ ထျန်းချီမြို့ရဲ့ မီးတပ်တပ်ဖွဲ့၊ အထူးတာဝန်ပေးအပ်ထားခြင်းခံရတဲ့ ဖုန့်ဟွမ်မီးတပ်စခန်း၊ 12 စတုရန်းကီလိုမီတာ ပတ်ပတ်လည်မှာရှိတဲ့ ပြည်သူတွေရဲ့ အသက်အိုးအိမ်စည်းစိမ်တွေကို စောင့်ရှောက်ပေးနေတဲ့နေရာ၊ မင်းက ' ဒီလိုနေရာမျိုး ' ကို မနှစ်မြို့စရာတစ်ခုခုများရှိလို့လား ？"
" ဒီနေရာက၊ သန့်ရှင်းရေးသတ်မှတ်ချက်မပြည့်တဲ့နေရာတစ်ခု၊ သန့်ရှင်းတဲ့စံနှုန်းမပြည့်တဲ့လူတွေက တစ်စုတည်း စုနေကြလို့။ "
ကုံးဖေးလန်သည် မတ်တပ်ထရပ်လိုက်ပြီး ：
" တစ်ဝမ်းကွဲအစ်ကို၊ မပြောနဲ့တော့။ "
YOU ARE READING
Fight The Fire 《火焰戎装》Myanmar Translation
General FictionOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
