[Unicode]
ရန်ရိ စခန်းသို့ ပြန်ရောက်သောအခါ၊ အင်္ကျီလဲပြီး ခေါင်းဆောင်ကိုကြိုဆိုရန် ပြင်ဆင်တော့သည်။ သို့သော်၊ အဆောက်အအုံထဲသို့ ဝင်ဝင်ချင်း၊ ချွီးယန်ပေါ၏အော်ခေါ်ခြင်းကို ခံလိုက်ရသည်။
“ လာလာလာ။ ”
ချွီးယန်ပေါသည် သူ့အားခေါ်လိုက်ပြီး၊
“ ငါနဲ့ဂိုဒေါင်ကို လိုက်ခဲ့။ ”
ရန်ရိသည် ချွီးယန်ပေါတစ်ယောက် SLR camera ကို ချိန်ညှိနေသည်ကိုကြည့်ရင်း၊
Oops! This image does not follow our content guidelines. To continue publishing, please remove it or upload a different image.
“ ဘာရိုက်နေတာလဲဟ ？”
“ စွဲမက်ဖွယ်လှုပ်ရှားမှုဗီဒီယိုရိုက်မလို့။ ”
ချွီးယန်ပေါသည် စဥ်းစားနေခြင်းမရှိဖြေလိုက်သည်။
ရန်ရိသည် တဟဲဟဲရယ်လျက် ：
“ ဒီလိုကိစ္စမျိုးဆို ငါ့ရှာတာ မှန်သွားပြီ။ ”
ကားဂိုဒေါင်သို့ ရောက်သော်၊ မိုးမျှော်လှေကားတစ်ထစ်ဆန့်ထုတ်ထားပြီး၊ လီဆာ့သည် မိုးမျှော်လှေကားပေါ်တွင် ပြောင်းပြန်ချိတ်ထားသည်ကို ရန်ရိ တွေ့လိုက်ရသည်။ အောက်ဖက်ရှိတပ်သားများအားလုံးမှာ လက်ခုပ်လက်ဝါးတီးပြီးအားပေးနေခဲ့ကြသည်။
“ ဒါဘာလုပ်နေတာတုန်း ？”
ရန်ရိမှာ ကြည့်နေရင်း အနည်းငယ်လန့်လာခဲ့သည်။
“ သူ့ကို ဘယ်သူတက်သွားခိုင်းတာလဲ။ ”
“ ဗီဒီယိုအတိုလေးတွေကို cut လုပ်ပြီး ကျွန်တော်တို့ weibo မှာတင်မယ်လို့ နည်းပြကပြောတာ။ ”
စွန်းတင့်ယိသည် နှုတ်ခမ်းစူပြီးပြောလိုက်သည်။
“ လူတိုင်းကအကုန်လုံး စက္ကန့်နည်းနည်စီးခွဲယူထားကြတာ၊ ဒါက သူ သူ့ဘာသာသူလုပ်တာ။ ”
YOU ARE READING
Fight The Fire 《火焰戎装》Myanmar Translation
General FictionOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
