[Unicode]
ကုံးရင့်ရှန်၏စိတ်အခြေအနေတည်ငြိမ်သွားပြီးနောက်တွင် ရန်ရိသည် မအောင့်နိုင်တော့ဘဲ သူ့ကို စလိုက်သည် ：
“ မင်းက အတော်လေးအငိုသန်သေးတာပဲ။ ”
ကုံးရင့်ရှန်က မသဲမကွဲနှင့်ပြောလေသည် ：
“ လျှောက်ပြော၊ ဘယ်လိုလုပ်ဖြစ်နိုင်မှာလဲ။ ”
ရန်ရိ ဖွဖွလေးရယ်လိုက်ပြီး ：
“ မစောတော့ဘူး၊ ပြန်သင့်ပြီ။ ”
ကုံးရင့်ရှန်၏မျက်လုံးများမှာ သူ့အား မကြာမကြာဝေ့ကြည့်နေလေသည်။ လှုပ်လည်းမလှုပ်သလို စကားလည်း မပြောချေ။
“ သွားမယ်လေကွာ။ ”
“ ငါတို့ ပြေလည်သွားပြီလား။ ”
ကုံးရင့်ရှန်က အသံတိုးတိုးလေးနှင့်ပြောလိုက်သည်။
ရန်ရိမှာ အနည်းငယ်တွန့်ဆုတ်နေပြီး၊ အနည်းငယ်ကို့ရိုးကားယားနိုင်စွာနှင့် “ အင်း ” ဟု ပြန်ဖြေလိုက်သည်။
ကုံးရင့်ရှန်၏လက်သည် ရန်ရိ၏မျက်နှာပေါ်သို့ ပွတ်သပ်လိုက်ပြီး၊ အသက်ကို အောင့်ထားလျက် ：
“ ဒါဆို ငါ မင်းကို နမ်းလို့ရပြီလား။ ”
ရန်ရိပြန်ဖြေတာကို မစောင့်ဘဲ၊ ကုံးရင့်ရှန်၏လက်သည် ရန်ရိ၏နောက်စေ့နေရာသို့ ပြောင်းကိုင်လိုက်ပြီး၊ ခန္ဓာကိုယ်ကို အရှေ့သို့စောင်းလိုက်သည်နှင့်တစ်ပြိုင်နက် လူကိုလည်း မိမိဆီသို့ ဆွဲကပ်လိုက်ပြီး၊ သူ့အား အနေ့အညညတောင့်တနေစေသည့် ထိုနှုတ်ခမ်းလွှာကို အားပါးတရငုံထွေးလိုက်တော့သည်။
ရန်ရိ၏နှလုံးသားမှာ အပြင်းအထန်ကိုခုန်နေပြီး၊ အနည်းငယ်ကြမ်းတမ်းသော်လည်း နွေးထွေးမှုအပြည့်ဖြစ်နေသည့် ထိုအနမ်းကြောင့် မိန်းမောလာသလိုခံစားရတော့သည်။ အနမ်းမှတစ်ဆင့် သူတို့ဖလှယ်နေသည်မှာ အပြန်အလှန်ကြားတွင် ခုခံမှုမရှိသည့်နူးညံ့မှုများ၊ တစ်ဖက်လူအတွက် အကောင်းဆုံးဖန်တီးပေးနေသည့် အလှပဆုံးသောအငွေ့အသက်နှင့် ထိန်းချုပ်ထားသော်လည်း အချိန်မရွေးပေါက်ကွဲဖို့ကြံစည်နေသည့် ထိုတောင့်တမှုများပင်။
YOU ARE READING
Fight The Fire 《火焰戎装》Myanmar Translation
General FictionOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
