[Unicode]
ရန်ရိမှာ ကားအနောက်ခန်းတွင်ထိုင်ပြီး အကြာကြီးချောင်းဆိုးနေခဲ့သည်။ ကားဆရာမှာ ခေါင်းလေး-ငါးခေါက်မျှလှည့်ကြည့်ပြီး သူ့အား စကားပြောချင်နေခဲ့သော်လည်း လေမတိုးပေ။
ရန်ရိ ခက်ခက်ခဲခဲနှင့် ချောင်းဆိုးရပ်သွားတော့မှ ကားဆရာက မေးတော့သည်：
" ရွှိုက်ကော (ကိုလူချော)၊ ခင်ဗျား ခုမှဆေးရုံကဆင်းလာတာမလား？ခင်ဗျား ဒီအခြေအနေကြီးကို ဆရာဝန်က ဆေးရုံမတက်ခိုင်းဘူးလာဗျ။ "
" ကုတင်တွေပြည့်နေလို့။ "
ကားဆရာမှာ နားမလည်သည့်အမူအရာဖြစ်သွားပြီး၊ အနည်းငယ်စိတ်ပူစွာဖြင့် မေးပြန်သည်：
" ခင်ဗျား ဒီခြေရာခံတာဘာညာက ဥပဒေမချိုးဖောက်ဘူးမလား။ "
" ကျွန်တော်က ရဲပါ။ "
ကားဆရာမှာ မျက်လုံးအဝိုင်းသားဖြစ်သွားပြီး၊ အလွန်စိတ်လှုပ်ရှားမှုများမှာ အကြည့်ထဲမှ လျှံထွက်နေတော့သည်：
" အရှေ့က ရာဇဝတ်သားပေါ့ ？ခင်ဗျား စိတ်ချ၊ သူ အတောင်ပံပေါက်သွားရင်တောင်မှ ကျွန်တော် မျက်ခြေပြတ်မှာမဟုတ်ဘူး။ "
ရန်ရိ ရယ်လိုက်ပြီး：
" ခင်ဗျားကိုပဲ အားကိုးလိုက်ပြီ ဆရာရေ။ "
လမ်းတွင်၊ ရန်ရိမှာ အရှေ့ကကားကို ကြည့်ရင်း ကုံးရင့်ရှန်အား စာတိုတစ်စောင်ပို့လိုက်သည်：
ငါ ဆေးရုံမှာ ဖေးလန်ရဲ့အဖေနဲ့တွေ့ခဲ့တယ်။ သူ လျှို့ဝှက်ကုဒ် message တစ်စောင်ရပြီးတာနဲ့ထွက်သွားတယ်။ သံသယဝင်စရာကောင်းတယ်လို့ ငါ ထင်လို့ သူ့နောက်ကို ခြေရာခံလိုက်နေတယ်။ အခု မင်ဟွေ့လမ်းမကြီးအရှေ့ဘက်ကို သွားနေတယ်။
ဆယ့်လေး-ငါးမိနစ်ကြာသော်၊ ကုံးရင့်ရှန်တစ်ယောက် ဖုန်းဆက်လာခဲ့သည်။ ရန်ရိမှာ စကားပင်ပြောဖို့ပင် အချိန်မရဘဲ၊ ကုံးရင့်ရှန်မှာ ဒေါသတကြီးနှင့်ပြောလာတော့သည်：
" ရန်ရိ မင်း အသက်မရှင်ချင်တော့ဘူးလား！မင်း ဆေးရုံရက်ပိုင်းလေးပဲတက်ရသေးတာကို ထွက်ပြေးလာတယ်၊ ချက်ချင်း ပြန်！"
YOU ARE READING
Fight The Fire 《火焰戎装》Myanmar Translation
General FictionOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
