Fight The Fire 《火焰戎装》Myanmar Translation

Chapter 143

[Unicode]

နှစ်ယောက်၏ကားမှာ အဝါလိုင်းအပြင်ဘက်တွင် အတားခံလိုက်ရသည်။ ကုံးရင့်ရှန်က ID card ကို ပြလိုက်ပြီး၊ ရန်ရိကိုခေါ်ရင်းနှင့် စက်ရုံဂိတ်ဝသို့ ပြေးသွား‌တော့သည်။

ထိတ်လန့်တကြားဆုတ်ခွာနေကြသည့် ကျောင်းသားနှင့်အလုပ်သမားအ‌မြောက်များကို သူတို့သည် အဝေးမှနေ၍ မြင်ရလေသည်။

ကုံးရင့်ရှန်က ရန်ရိကို ပြောလိုက်သည် ：

“ မင်း ခေါင်းဆောင်ကိုရှာပြီး အ‌ခြေနေကိုသိအောင်လုပ်၊ ငါ ဖေးလန်ကို သွားရှာမယ်။ ”

ရန်ရိ ​ခေါင်းတငြိမ့်ငြိမ့်ညိတ်ပြလိုက်ပြီး၊ သူ့၏လက်ကို အားနှင့်တစ်ချက်​လောက်ဆုပ်ကိုင်လိုက်​သည်။ ခဏတာဖြစ်​သော်ငြားလည်း အားရှိသည့်ဤဆက်နွယ်မှု​မှတစ်ဆင့် သူ့အား အားအင်​ပေးလိုက်နိုင်ဖို့ရန် ​မျှော်လင့်မိသည်။

စက်ရုံအပြင်ဘက်​​​တွေတွင် အထူးမီးသတ်ကား​တန်းများ ရှိပြီး၊ ယခုအချိန်တွင် ဆယ်စီးနီးပါး​လောက် ရပ်ထား​လေသည်။ ဒီ့ထက်ပိုများသည့်မီးသတ်ကားများကလည်း ​သေချာ​ပေါက် လမ်းတွင်ရှိ​သေးဦးမည်ဟု ခန့်မှန်းရ​သည်။ အထဲနှင့်အနီးဆုံး——အ​စောဆုံး​ရောက်လာတာဖြစ်ရမည့်——လျန်​ဝေး၏တပ်ဖွဲ့လည်းဖြစ်သည့် တပ်ဖွဲ့ကို ရန်ရိ ရှာ​တွေ့သွား​လေသည်။

ရန်ရိက မီးသတ်သမားတစ်ယောက်ကို လှမ်းကိုင်လိုက်ပြီး ：

“ မင်းတို့ခေါင်းဆောင်လျန်ရော ？”

“ အစောကြီးကတည်းက ဝင်သွားပြီ။ ”

“ တပ်ဆွယ်ခေါင်းဆောင်‌ရော လာပြီလား ？”

“ အထဲမှာပဲ၊ ခင်ဗျားက…… ”

ထိုတပ်သားသည် ရန်ရိအား သေချာကြည့်ကြည့်လိုက်ပြီး တစ်ခုခုသိသွားသည့်အလား၊ အမူအရာမှာ ချက်ချင်းဆိုသလို ထူးဆန်းသွားတော့သည်။

ရန်ရိမှာလော‌နေသဖြင့် သူ့၏‌ပြောင်းလဲသွားသည့်ပုံစံကို သတိမထားမိလိုက်ချေ ：

“ ညီအစ်ကို၊ မင်းရဲ့စကားပြောစက်ကို ငါ့ကို ငှားပါ၊ မင်းတို့ခေါင်းဆောင်နဲ့ ငါ့ကိုဆက်သွယ်ခွင့်ပြုပါ။ ”