Fight The Fire 《火焰戎装》Myanmar Translation

Chapter 89

[Unicode]

​ဆေးရုံသို့​ရောက်​သော်၊ ​အရင်တုန်းက သူတို့အား​ဆေးကု​ပေးသည့်ဆရာဝန်က စ​နောက်ကာ​ပြော​လေသည် ：

" ခင်ဗျားတို့ ကျွန်​တော်တို့​ဆေးရုံရဲ့ VIP list ထဲဝင်မလို့လားဗျ၊ ​ဆင်းသွားတာမှ​လေး-ငါးရက်ပဲရှိ​သေးတယ် ပြန်လာကြပြန်ပြီ။ "

ရန်ရိသည် ခါးသက်စွာရယ်လိုက်ပြီး ：

" ဟုတ်ပါ့ဗျာ။ Discount ​ပေးလား၊ full discount များလား။ "

" ခင်ဗျား ​ပိုက်ဆံ​ပေးစရာမလို​တော့ဘူး။ "

ခန္ဓာကိုယ်စစ်​ဆေးမှုပြုလုပ်ပြီး​သော် ညသန်း​ခေါင်ဖြစ်​နေ​လေပြီ။

ဘာကြီးကြီးမားမားမှမဖြစ်ဘူးဆို​သော်ငြားလည်း နှစ်ရက်-သုံးရက်​လောက်​တော့ အား​မွေးသင့်​ပေသည်။ သို့သော် ယခုအချိန်တွင် နှစ်​ယောက်စလုံးသည် အချိန်ကို အနားယူမှုအ​ပေါ်တွင် ဘယ်လိုမှအလဟဿအဖြစ်မခံနိုင်​ပေ။

ကျစ်ယန့်က​တော့ ကမ်းကုန်​အောင်ကိုစိတ်ဆိုး​နေ​လောက်​လေပြီ။ သည်တစ်​ခေါက် အားကစားရုံအစီအစဥ်မှာ မ​အောင်မြင်သဖြင့်၊ သူသည် ဒီအတိုင်းလုံးဝ​ကျော်သွားလိမ့်မည်မဟုတ်​​ချေ။ ​နောက်ပိုင်း ဘာ​သွေးရူးသွေးတန်းကိစ္စ​များကိုလုပ်လာမလဲဆိုတာကို မသိနိုင်သဖြင့် အင်အားအကုန်သုံးပြီး သူ့အား ​​​စောနိုင်သမျှ​စောစောဖမ်းရ​ပေမည်။

ကုံးရင့်ရှန်သည် ​ဆေးရုံမှထွက်လာသည်နှင့် ဖြတ်ပိုင်းစာရွက်အပုံလိုက်ကို အမှိုက်ပုံးထဲသို့ ပစ်ထည့်လိုက်​တော့သည်။

ရန်ရိသည် သူ့အား တစ်ချက်ခိုးကြည့်လိုက်ပြီး ：

" မင် ဗိုက်ဆာ​နေလား၊ စား...... "

" ငါ အခင်း​နေရာကို ပြန်ရမယ်။ "

" အခု ？"

ရန်ရိ နာရီကြည့်ကြည့်လိုက်​သောအခါ၊ သုံးနာရီပင်ထိုး​နေ​လေပြီ။

" မယန် သူတို့ အခင်း​နေရာမှာ သက်​သေယူ​နေတုန်းပဲ။ အခုက လူယုတ်မာကိုဖမ်းဖို့အတွက် golden time ပဲ။ "

" ဒါဆို မင်း ကျန်းမာ​ရေးကိုဂရုစိုက်ဦး။ "

" အိမ်မှာဆို မင်းအ​ဖေမလုံခြုံ​တော့ဘူး။ ကျစ်ယန့်က ဒီညမှာ ရှုံးထားတာဆို​တော့၊ ငါတို့ကို ပစ်မှတ်ထားပြီး လက်စား​ချေဖို့ဖြစ်နိုင်​ချေအရမ်းရှိတယ်။ မိုးလင်းရင်၊ ငါ လူလွှတ်ပြီး လာကြိုခိုင်းလိုက်မယ်။ "