Fight The Fire 《火焰戎装》Myanmar Translation

Chapter 35

[Unicode]

ကုံးရင့်ရှန်သည် ရန်ရိအား တစ်ခြား​သောအလုပ်​နေရာသို့ ​ခေါ်သွားခဲ့သည်။ ၄င်းမှာ အကွာအ​ဝေးအ​တော်ကျယ်သည့်အခန်းတစ်ခုဖြစ်ပြီး၊ အ​ရှေ့ဘက်တွင် LED ​ဘောင်များဖြင့် နံရံတစ်ခုလုံးကိုကွတ်ထားသည်။ အလုပ်စားပွဲအတန်းတိုင်းအတန်းတိုင်းတွင် ကွန်ပျူတာနှင့် တစ်ခြားရန်ရိမသိကျွမ်းသည့်ပစ္စည်းများကို အပြည့်တင်ထား​လေသည်။ ဤအချိန်​တွင် တစ်ဝက်​​​ကျော်​ကျော်​လောက်မှာ အချိန်ပိုဆင်း​နေကြဆဲဖြစ်သည်။

ကုံးရင့်ရှန်သည် ​ထောင့်ဘက်ရှိစာပွဲတစ်လုံးဆီသို့ ​လျှောက်သွားလိုက်သည်။ ​တောင့်​တောင့်တင်းတင်း​နောက်​ကျောကိုဦးတည်ပြီး ​ခေါ်လိုက်သည် ：

" ​ရှောင်ထန်။ "

ထို​နောက်​ကျောသည် တစ်ချက်တုန်သွားပြီး၊ ကိုလာများပန်းထွက်လာကာ၊ ကီးဘုတ်တစ်ဝက်​လောက်ကို စင်သွား​လေသည်။ သူသည် ကမန်းကတန်းမတ်တပ်ထရပ်လိုက်ပြီး၊ တစ်ရှူးများကိုဆွဲထုတ်ကာ သုတ်လိုက်သည်။

ကုံးရင့်ရှန်သည် ​ခေါင်းကိုယမ်းလိုက်ပြီး ：

" အခုက အလုပ်ဆင်းပြီးသွားပြီ။ မင်း တစ်ခုခုစားချင်ရင် ဟိုဖွက်​နေဒီဖွက်လုပ်စရာမလိုပါဘူး။ "

ထိုလူသည် ကိုယ်ကိုလှည့်လာပြီး၊ ​အသက်မပါစွာရယ်ရင်း​ပြော​လေသည် ：

" ​ဒေါက်တာကုံး၊ ကျွန်​တော်ကို့ လန့်​အောင်လုပ်လိုက်တာပဲ။ "

သူ့ကိုကြည့်ရသည်မှာ နှစ်ဆယ်စွန်းစွန်း​လောက်ရှိမည်ရထင်သည်။ ဖြူဖြူဝဝနှင့်၊ မျက်လုံးမှာ ကြီးလည်းကြီး ဝိုင်းလည်းဝိုင်း ​ကြည်လည်း​ကြည်လင်ပေသည်။ အသားအ​ရေနူးညံ့သည်မှာ ဖိကြည့်လိုက်ရုံနှင် ​ရေထွက်လာနိုင်မည့်အတိုင်းပင်။ ရယ်လိုက်လျှင်လည်း ​နူးညံ့ပြီးအ​နှောက်အယှက်ကင်း​ပေသည်။ တကယ်လို့များပိန်သာသွားခဲ့မည်ဆိုလျှင် ​သေချာ​ပေါက် ကိုလူ​ချောဖြစ်သွားပေမည်။

" ဒါက ဖုန့်ဟွမ်တပ်ဖွဲ့ရဲ့ တပ်ဖွဲ့​ခေါင်း​ဆောင်ရန်ရိ၊ ​ခေါင်း​ဆောင်ရန်။ ဒါက ငါတို့ cybercrimeကလုပ်​ဖော်ကိုင်ဖက် ထန်​ဟောက်ချွန်၊ အရမ်း​တော်တဲ့ hacker."